JEREMIA 42:4 - PATHIEN LEKHABU THIENGTHO (BSI)

⁴ Chun, thiemgau Jeremia chun a kawm u ah, “Na thuu chuh ka hêi, ngaiun, na thu guol ngêi un Lalpa na Pathien kieng u achun hun nget sak ing ka; chun hiti hi hi’n tin. Lalpa’n a hun dawnna taphawt chuh hun hilh zel ing ka: na kieng u ah bang mah îm puo’ng ka,” a ti a.

JEREMIA 42:4 ပူးပေါင်းရင်းမြစ်များ

SAM LEHKHABU THE PSALMS 40:10

Na diktatna chuh ka lunggil sung ah ka îm puoh a; Na muon umna leh na hukdamna thu chuh ka tângsap pih zaw a; Na zaidawhna leh na thutakna chuh kikhawpna lopi taka mi haw lak achun ka îm puoi.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

PAWTDAWKNA 8:29

Chun, Mosi chun, “Ngaitie, na kawm apat hin pawt ding ka hi a, zinga Pharaoh leh a suokte leh a mite chuh tho in a pawtsan theihna dingun Lalpa kawmah ngên ing ka; mahleh, mite Lalpa kawma a kithawih u chuh Pharaoh hin phal lo in, lepbawl kit ta hiel kihen,” a ti a.

NASEPTE 20:20

Khati khan, a phachuom ding thu, na kawm u ah bangmah suklat ka kitim puoh a, vantâng lak ale, In tin ale, nanguh ka hun sinsak sek kha.

JEREMIA 23:28

Thiemgau mang nei chun, a mang chuh gen hen la, chuleh, ka thu vawppa chun ka thu chuh ginum takin gen mai hen. Buh vaiham leh, buh changin kibatna a nei uh a ahim? tih hi Lalpa kamsuok ahi.

ROME 10:1

Suohpihte, ka lunggil ut lam leh, ka mite dinga Pathien kawma ka paucham lawh pên chuh, hukdama a hung um theihna dinguh ahi.

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

EZEKIEL 2:7

Chun, ka thu chuh, ngaitha leu, ngaitha kileu, a kawm u a na gen ding ahi: helchîng tak ahi ngâl u a.

JEREMIA 23:35

Tichun, mitin in, a invengpa kawm leh, a suohpihpa kawm achun, ‘Lalpa’n bangti’na a dâwn, Lalpa’n banga a gen?’ ti’n kidawng tuoh unlau.

JEREMIA 26:2

Lalpa chun hiti hin a tii: Lalpa Ho-In huongsung ah ding inla, Juda khawpite apat a Pathien ho dinga Lalpa In a hungte kawm achun, a kawm u a gen ding thu ka piek haw cheng chuh khat chale îm lo in gen dawk ah.