JEREMIA 42:2 - PATHIEN LEKHABU THIENGTHO (BSI)

² Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

JEREMIA 42:2 ပူးပေါင်းရင်းမြစ်များ

1 LENGTE 13:6

Chun, leng chun a dâwng a Pathien mi kawm achun, “Ka khut hi a hung dam kit theihna dingin Lalpa na Pathien kawmah ngên inla, nei paucham sak in,” a ti a. Pathien mi chun Lalpa kawmah a ngên a, tichun leng khut chu a hung dam ta a, a ma bang khan a hung um kit ta a.

SAM LEHKHABU THE PSALMS 119:170

Lungsiet ka ngetna hi na masangah tung hen la, Na thu bang zel in ei humbit in.

PAWTDAWKNA 8:28

Chun, Pharaoh chun, “Thalek a Lalpa na Pathien kawm u a na va kithawih theihna dingun hun sawl ta veng ka ti leh; mahleh na chieh gamlat loh ding uh ahi; kei a dingin nei ngetsak in,” a ti a.

PAWTDAWKNA 9:28

Lalpa kawmah ngên un, zie van gi dul dul leh giel haw hi a hun tai; tichun nanguh hun pawtdawk sak ing ka ting, um sawt ta puo’n lau,” a ti a.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

ISAI 42:20

Aw Israel, tamtak na mu ta a; nanga dingin a umzie banga? Zakna dingin bil na nei a, himahleh banga na het mawng mawng le?

JEREMIA 15:11

Lalpa chun, Tihtakzet in chuh thilpha a dingin hun hun sudet ing ka ting; tihtakzet in chuh siet ni leh gimtheih ni’n melma chuh na kawmah khutdawh sak ing ka, a ti a.

JEREMIA 2:27

Thingbul kawmah, “Ka pa na hi,” a tiu a. Suong tum kawmah, “Ei hingpa na hi,” a tiu a. Ei nungngat u a, himahleh, a buoi tieng u leh, tho inla ei hukdam in, tin au.

JEREMIA 21:2

“Babulon leng Nebuknezar chun ei do ta ngâl a, Lalpa chun thilmak ahih sek bang khan, a kinungzuk sak mai mawh dem tih Lalpa ei na dawt sak hen,” ti’n.

JEREMIA 36:7

Mitin chun a umdan gilo uh a haihsan u a a hih chun Lalpa masanga lungsietna a nget u chuh a tung thei kha mawh die; zie chite chunga lungnatna leh thangtawm na Lalpa’n a gen haw chuh a nasa mah mah ngâla, ti’n thu a pie a.

JEREMIA 37:20

Zieziekchun, Aw hepu, lalpen, ngaitie, ka ngetna hi ei pawm sak dingin ka hun ngên hi: lehkhazikpa Jonathan In a khun ei sawl kit dah hâm hâm in; khutilochun thi ding ka hi,” a ti a.

JEREMIA 37:3

Chun, leng Zedekia chun Shelmia chapa Jehukal leh Maaseiah chapa thiempu Zephania chuh thiemgau Jeremia kawmah a sawl a, “Lalpa ka Pathien kieng ah ei paucham sak ah,” a ti a.

JEREMIA 38:14

Chun, leng Zedekia chun thiemgau Jeremia sam ding in mi a sawl a, Lalpa ho-in lutna a kawt thumna achun a kimuhpih a, leng chun thiemgau Jeremia kieng achun, “Thil khat hun dawng ing ka ting, ka kienga bangmah na îm loh ding ahi,” a ti a.

JEREMIA 40:15

Chun, Karea chapa Johanan chun Mizpah a Gedalia kawm achun a gûk in a hopih a, “Chieh ing ka ting. Nethania chapa Ishmael chuh va that mai ing ka; kuoma’n helo ding ahiu hi; Juda na kienga um khawm haw cheng hi a kithehchek u a. Juda mi umsunte manthaina hih dingin bang zieka na hinna la ding ahim?” ti’n a gena.

JEREMIA 42:20

Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.

SUNNA LA 1:1

Bangti dana mipi a dim sek Jerusalem kha, tu a lunghel a um ahi tam! Namte laka chawihsâna um sek kha, bangti dana meithai bang pheta um ahi ta? gambung laka a lienpen kha bangti dana sieh pie ahi ta’m?

EZEKIEL 12:16

Ahihziekin chemzâm leh kiel leh hipi lak apat chun a laku a mi tawmchah hinghawih ing ka ting, ziete chun Jentel te laka a chieh na lam cheng u ah a tenum na hawu chengcheng chuh a phuon na dingun; chun, kei hi Lalpa chuh ka hi tih he’n au,” a ti a.

HOSEA 8:10

Ahi, namte laka sepaihte thalak mahleu le, chawmlo kâl in amau chuh puikhawm ding ka hi a; hun chawmkhat sung chuh thau nuh ding leng leh lawiupa neilo a um ding ahiu hi!

THIEMPUDANTE 26:22

na laku ah gamsa lauh-um tak hun sawl ka ting, na chateu that untin, na ganguolteu hun peh sak un tin; tawmcha mai nutsieh in um un na tin, na lampiteu chuh hung thip dil del ina.

AMOS 7:2

Chun, hiti hi a hung hi a, zie gama hampa chuh a nek zawh hun un, “Aw Lalpa Pathien, ngaidam in, ka hun ngên hi, Jakob chuh bangti’n ahim a din theih ding, amah a neu ngâl a?” ka ti a.

MATTHAI 24:22

Zie nihaw chuh Pathien in a hih chawm ta a, hih chawm lo hileh, mihiem himhim dam in suokcha puo’n au, himahlele, a mi telte ziekin a hih chawm ta a.

NASEPTE 8:24

Chun, Simon in, “Na thil gen u hi ka chunga bangmah a tun lohna dingin, nangun Lalpa kawmah ei paucham sak un,” ti’n a dâwng a.

DAN NIHNA 28:62

Lalpa na Pathien thuu na zuih loh ziekun, van a aksi zah pha hielte kha tawmcha chauh hung hi ta’n lau.

DAN NIHNA 28:63

Na chungu a thilpha bawla hun sukpun hi Lalpa thalawp lam tak ahih guol mah khan na chungu a sietna tun sak a hun sukmangthai chuh Lalpa thalawp lam tak hung hi’n tin, luoh dinga na lutnau gam apat hin bawhdawk hung hin lau.

DAN NIHNA 4:27

Lalpa chun namtin lak ah hun thehzak intin, Lalpa’n a hun thehzakna nam haw lak achun tawmcha chauh hingdawk inlau.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

1 SAMUEL 7:8

Tichun, Israel te chun Samuel kawmah, “Philistia mite khut apat ei hukdam dinga Lalpa ka Pathien uh nei sap sak chu hai ki’n,” a tiu a.