JEREMIA 41:5 - PATHIEN LEKHABU THIENGTHO (BSI)

⁵ Shekem apat te, Shiloh apat te, Samari akipat te chun mi sawmgiet, a khabemul uh met in, a puonteu bawtthêk in, amau ki-ât in, chângthâk thillat te leh gimlim chawiin Lalpa Ho-In a lân dingin a hung u a.

JEREMIA 41:5 ပူးပေါင်းရင်းမြစ်များ

1 LENGTE 16:24

Chun Shemer a Samari tâng chu dangka talent nih in a chaw a, tâng achun In a sa a, a khawpi min ding chun zie tâng neipa Shemar minlo chun Samari a vawh ta a.

2 LENGTE 25:9

Ho-In leh leng In te leh, Jerusalem a miliente chênna In chengcheng chu a hâl tum vek ta a;

JOSHUA 18:1

Chun, Israel suon mipite chengcheng chuh Shiloh khuo ah a kikhawm u a, zie tak achun kikhawp khawmna puon-In a zak uh a; gam chuh a thunuoi uh ah a hung um ta a.

DAN NIHNA 14:1

Lalpa na Pathien uh chate na hiu a; mithi sûnna a na ki-ât keh dinguh ahi puoh a, na mit mul u le na met kawlh dinguh ahi puoi;

1 LENGTE 12:1

Chun, Rehoboam chu Sekem khuo ah a chieh a; Israel te chengcheng chuh Sekem ah amah chu leng a siem dingin a chieh khawm u a.

VAIHAWMTE 9:1

Chun, Jerubaal chapa Abimelek chuh Sekem khuo a a nu suohpih te kawmah a va chieh a, a nu inkuon pih chengcheng chuh a hopih a, hiti hin a gen tai.

THILSIEMBUL 33:18

Jakob chuh Padan-aram gam apat a hung chuh bit takin Sekem khuo, Kanaan gama um chuh a tung ta a; daikieng achun a puon-In a zaka.

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

1 LENGTE 16:29

Juda leng Asa vaihawm kum sawmthum leh gietna ah Omri chapa Ahab chun Israel te chungah vai a hun hawm pan a: chun, Omri chapa Ahab chun Samari khuo ah kum sawmnih leh nih Israel te chungah vai a hawm hi.

1 LENGTE 12:25

Chun, Jeroboam chun Ephraim tâng gam ah Shekem a siem a, zie achun a cheng ta a. Chun, zie apat chuh a pawtdawk a, Penuel a siem kit a.

1 SAMUEL 1:7

Chun, ti a chu kum cheng a a hih sek ziekin, Lalpa ina a va chieh cheng leh a phin seka; tichun a kap a kap a, an le a ne puoh a.

JEREMIA 7:14

Zieziekchun Shiloh chunga ka hih bang khan, ka min puo nang u leh na suonteu kawma ka piek na ginchak uh zie In chung ahin hih ding ka hi.

JEREMIA 7:12

A tunga ka min umna Shiloh achun chieh unla, ka mite Israel te nunsiet zieka ka thilhih chuh va en un.

SAM LEHKHABU THE PSALMS 102:14

Na suokte’n a suongte chu a ngainau in, A leivui le a lungsiet u a.

2 SAMUEL 10:4

Ziephet chun Hanun chun David mi sawlte chu a man a, a khabemul uh langkhat a met sak chiet a, a silhlechen hawu chu a lai tak ah a tawbak uh supha phetin a tan sak a, a sawlmang ta a.

JOSHUA 24:32

Chun, Israel chate’n Aigupta gam apat Joseph guh a hun puok toh u khah Sekem khuo a mun, Sekem pa Hamor chate apat a Jakob in dangka zakhat a a châwk a khan a vui u a. Tichun zie chuh Joseph suonte gochan a hung hi tai.

THILSIEMBUL 34:2

Chun, Hiv mi Hamor, zie gam lengpa chapa Sekem chun amah chuh a na mu a, a man a, a kuolpih ta a, tichun, a suzahhuoi ta a.

THILSIEMBUL 37:12

Chun, a ute chuh Shekem ah a pau ganhawn chingin a chieh u a.

VAIHAWMTE 18:31

Khutichun, Mika milim siem kawm chuh Shiloh khuo a Pathien Ho-In a din sung cheng chuh a um zing tai.

SAM LEHKHABU THE PSALMS 78:60

Khutichun, Shiloh bukcha, Mihiem te laka a chênna chuh a taihsan ta a;

JEREMIA 16:6

Zie gam ahin mi thupi leh mineute le thi ding ahiu hi; vuih hi puou un tin, kuoma’n sun puo’n au, amau leh amau ki-ât puou untin, a luchang u le hietkawlh diek puo’n au.

JEREMIA 41:4

Chun, Gedalia a thah nung ni nihna achun hiti hi ahung hi a, kuoma’n a hetdawk mau in;

JEREMIA 47:5

Gaza a cheng te luchang a hung kawlh ta a, Ashkelon khuo le a hung mang ta a; a kieng vela cheng haw tawh; Bang chan ahim nang leh nang na ki-ât ding?

JEREMIA 48:37

Luchang chengcheng a hietkawlh u a, kha-mul tin cheng met ahi a, khut cheng te chuh ât hi’n tin, a kâwng hawu ah kawlladip a kiveh zo tau hi.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

1 KHANGTHUBU 19:4

Khutichun, Hanun chun David mite chu a man a, a khabemul uh a met muih sak a, a silhlechenteu chu a tawbak kimkhat uh khuh pha hâm in a tan sak a, a sawl kit ta a, tichun, a kipandawk tau a.