JEREMIA 41:1 - PATHIEN LEKHABU THIENGTHO (BSI)

¹ Chun, hiti hi a hung hi a, tha sagihna achun, Elishama chapa Nethania chapa Ishmael, leng chi, leng siehmangte laka khat chuh, mi sawm pui in Mizpah khuo a Ahikam chapa Gedalia kawmah a hung uh a; tichun, Mizpah khuo achun an a ne khawm uh a.

JEREMIA 41:1 ပူးပေါင်းရင်းမြစ်များ

JEREMIA 40:8

Mizpah khuo a Gedalia kawmah a chieh u a. Nethania chapa Ishmael, Karea chapa Johanan leh Tanhumeth chapa Seraiah leh Netophat khuo a Ephai chate leh Maakah chapa Jezaniah leh a lawiteu chuh a hung u a.

JEREMIA 40:6

Tichun, Jeremia chuh Ahikam chapa Gedalia kawma Mizpah khuo achun a chieh ta a, a kawmah a gama mi a na umsunte lak achun a cheng tai.

SAM LEHKHABU THE PSALMS 41:9

Ahi, ka guol ka kivawppih theih, ka ginchak tak, ka chângthâk nekpa ngêi chun A khawtalzum ka chungah a lek tai.

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

EZEKIEL 17:13

Lengpa suon khat a mana, thuthun a neih pih a, a kihâksiel saka, gamsung a mi pawimawh haw chule a puimang veka;

JEREMIA 36:20

Chun, amau chuh a chieh u a, lengpa in achun a lut; u a, lehkhabuziel vang chuh lehkhabu zikpa Elishama pindan ah a kawih tau a, a thu chengcheng chuh kam in leng a hilh u a.

JEREMIA 36:12

Leng In lam ah a chieh suk a, lehkhazikpa indan achun a lut a, chun, ngaitie, zie tak achun milien leh lal haw chengcheng chuh a na chuu a, lehkhazikpa Elishama leh Semai chapa Delaiah leh Akbor chapa Elnathan leh Shaphan chapa Gemaria, Hanania chapa Zedekia leh a milien hawu chengcheng chuh zie chun a na um u a.

THUCHINGTE 27:4

Lungnat hi a nunsie a, thangtawm hi sietna ahi a, himahlele itthikna tawh tehkal kham ahi puoi.

THUCHINGTE 13:10

Chapona chun kinakna a tun a, himahleh, thuhilhna phatak a zawp vang chuh pilna ahi.

SAM LEHKHABU THE PSALMS 109:5

Amau chun thilpha chuh thil phalo in ei din u a, Ka hehpihna chuh muhdah na’n ei din u a.

2 KHANGTHUBU 22:10

Leng Ahazia nu Athalia chun a chapa thih thu a het phet chun leng insung mi phawt chu thah ding ti’n thu a pie ta a.

2 LENGTE 25:25

Himahlele, a tha sagihna achun, leng suona mi, Elishma cha, Nathaniah chapa chu, mi sawm khat pui in, Mizpah a chun a chieh u a, Gedalia chu a va do tau a, a that tau a. Zie muna a umpih Judate leh Kaldai mite chule a that vek tau a.

2 LENGTE 11:1

Chun, Ahaziah nu Athalia chun, a chapa thah in a um tai tih a hun het chun, a kipana, leng chapate chengcheng chuh a that vek a.

2 SAMUEL 3:27

Chun, Abner Hebron a hung tun chun Joab chun kulh kawtkhak a hoguk dingin a puichuom a, a suohpihpa Asahel thisan phuba lâkna ding chun a nakguh ngana nuoi tak chuh a sut saka, a thi tai. Khutichun Abner chu Joab suohpihpa Asahel a thah ziek chun thah in a um tai.

JEREMIA 39:14

Amau haw chun Jeremia chuh suongkul apat chun a puidawk uh a, Shaphan chapa Ahikam chapa Gedalia chuh a In a pui dingin a kawl sak tau a. Tichun, Jeremia chuh a mite lak achun a cheng ta a.

JEREMIA 40:5

“A vaihkik masang in, a ma’n Juda khawpite chunga hotu a Babulon leng in a siem, Shaphan chapa Ahikam chapa Gedalia kawmah chieh kit inla, mite lak achun a kawmah um ah, ahihloh leh, pha na sakna lam lam ah chieh mai in,” a ti a. Tichun, sepaih lawiupa chun nek ding leh. thilpiek a pie a, a pawt sak ta a.

JEREMIA 40:13

Zie nung chun le Karea chapa Johanan leh sepaih hawn laka lawiupa gamlaka um chengcheng te chuh Mizpah khuo achun Gedalia kawmah a hung u a.

2 LENGTE 25:22

Chun, Babulon leng Nebuknezar in Judia gama a nutsieh te ding chun Shaphan chapa Ahikam chapa Gedalia chu vaipuo’n a kawih a.

JEREMIA 40:7

Chun, sepaih laka hotu gamlaka umte chun a lawiteu tawh, Babulon lengpa’n Ahikam chapa Gedalia chuh gamsung vaihawm in a pansak a, amah khut achun pasal leh numei leh naupang zie gama mi gimthei pên pên Babulon sala puih loh haw cheng chuh a enkawl hi tih a het phet un,