JEREMIA 40:10 - PATHIEN LEKHABU THIENGTHO (BSI)

¹⁰ Kei chuh Mizpah khuo ahin um ing ka ting, Kaldai te ka kawma hung ding te masang achun nang haw thasang in ding ing ka; nang hawn vang chuh uain leh nipi theigah haw leh sathau haw chuh lakhawm unla, na bel hawu achun kawih unla, khawpi na lâksa hawu achun cheng un,” ti’n a kitiem a.

JEREMIA 40:10 ပူးပေါင်းရင်းမြစ်များ

JEREMIA 40:12

Juda mi haw cheng chuh a nawhzaknau gam haw apat chun a hung vaikit u a, Juda gama Mizpah khuo a Gedalia kawm a hung tung u a, uain leh nipi theigah haw chuh a deihkhawp un a lakhawm tau hi.

JEREMIA 48:32

Aw Sibmah grep kung, Jazer kah sanga nasa zaw’n nang a ding in kap ing ka ting, na bâkte chuh tuisuohgiet gâl, Jazer tuisuohgiet tiengin a zam galkai pek hi. Na nipi theigah te leh grep gah lawh hun takin sietna’n a hun bawm tai.

JEREMIA 39:10

Himahleh, sepaih hotu Nebuzaradan chun, Juda mipite laka bangmah neilo, mi chagah te chuh, zie hun tak chun grep huon leh lo mun dingin gam a pie ngâla.

JEREMIA 35:19

Sepaihte Lalpa, Israel Pathien chun hiti hin a gen hi: Jonadab, Rekab chapa hin ka masanga ding ding mi bangtik lai inle tasam puo’n a,” ti’n.

ISAI 16:9

Zieziekchun, Sibmah grep gui chuh Jazer a grep guite kah in kap ing ka ting: Aw Heshbon leh Elealeh, ka mit tui in hun buokkhum ing ka, na nipi theigahte chunga leh, na buh lak chung achun kido thawm chuh a kie ta ngâl a.

2 SAMUEL 16:1

Chun, David chun tângsip kaltohna neukhat a vak khel chun, ngaitie, Mephiboseth suokpa Ziba chun a na muok a, sabiltung nih, chângthâk tang zanih leh grep phogawt bawk zakhat leh theipi gah zakhat leh uain bûk khat a puok sak a.

DAN NIHNA 1:38

Nang hun kithuohpih, Nun chapa, Joshua hi chuh lut ina; amah hi tîlkhoh in la, amah hin Israel te chuh bit taka puilut ding ahi.’

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

MIKA 7:1

Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

JEREMIA 40:6

Tichun, Jeremia chuh Ahikam chapa Gedalia kawma Mizpah khuo achun a chieh ta a, a kawmah a gama mi a na umsunte lak achun a cheng tai.

THUCHINGTE 22:29

Mi khutthiem taima taka nasem na mu kha? Amah chun leng masang achun ding intin, mi vantâng masang achun ding kha puo’n a.

DAN NIHNA 16:13

Na phuol u apat leh na greptui thawkna khuk u apat a pawt chengcheng na lâkkhâwm zawh tiengu leh ni sagih sung chuh Bâwkcha Kut na mat dinguh ahi;

1 LENGTE 10:8

Na mite, na suokte, na kawma um zing na pilna thu ngaitha zingte hih a hamphau hi.

THUCHINGTE 27:25

Hampa chuh a beih tieng leh, hamthak a hung lang dawk a; tângsanga hampahaw chule lâkkhâwm ahiu hi.

JEREMIA 43:5

Himahleh, Karea chapa Johanan leh sepaih hawn lawiupa chengcheng chun Juda umsun te, Juda gama cheng dinga delhzak a a umnau namte lak apat a dama hung vaikitte,