JEREMIA 4:8 - PATHIEN LEKHABU THIENGTHO (BSI)

⁸ Zieziekchun kawlladip silh unla, kap unla, khuoisa vungvung un. Lalpa lungnat na huoisie tak mai chuh I lak u apat in akithiel puoh ngâla.

JEREMIA 4:8 ပူးပေါင်းရင်းမြစ်များ

JEREMIA 6:26

“Aw ka mi, ka chanu saidippuon cheng inla, vut lak ah kibuol in. Chapa changkhat sun bangin sun inla, kap buoh buoh in. Thakhat in sugampa chuh na chung ah hung tung ding a hi ngâla.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

ISAI 32:11

Hindan nuom takin na hing u a, lungkhamna neilo hielin, himahleh tuhin, lau in kithing un! Kisuohthau unla, sangawn in um unla, na kâwng u ah kawlladip puon chengun!

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

EZEKIEL 30:2

“Mihing chapa, genlawk inla, Lalpa Pathien chun hiti hin a tii: Kiu zak unla, Ehe, zie ni lâwm lâwm chu aw!

EZEKIEL 21:12

Mihing chapa, kiko inla, pengzâk in; Ka mite chunga mat ding ahi ngâla, Israel hotute chunga le. Ka mite chunga tung ding, lauhna leh chemzâm, Zieziekchun, na malpi bêng mai in.

JEREMIA 48:20

‘Moab chuh sukmuolpho in a um a, suksiet ahih tâk ziek in; kahlemau na’n a dim a, Moab chuh a hawm in a um tai’ ti’n, Amon achun phuong un.

JEREMIA 30:24

A lungthim a a thiltup te a guitun a, a hih zawh vek ma chun. Lalpa lungnatna lauh-um tak chuh vaikit puo’n a; tichun, ni nunung haw achun hun hethiem ta’n lau!

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

SAM LEHKHABU THE PSALMS 78:49

A lungnatna lauh-um tak chu a chung u ah a khie a, Lungnatna, lunghihlohna mah mah leh buoina te, Sietna vânsâwlchâk hawnte chu hun sawl in.

KISIMNA 25:4

Mosi kawmah, “Mipite lawiupa chengcheng chuh pui inla, Lalpa lungnatna lauh-um tak mai chuh Israel te chunga a kiheimang theih na ding in sun khawvak ah khailum in,” a ti a.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JEREMIA 25:34

“Nanguh belampute haw pêng tuntun unla, kap un! nang haw, gan guol enkawlte haw, vut lak ah kibuol un! Thah a na um niu leh, thehzak a na um niu a hih ziekin, belamchal deihum tak bangin puk ding na hiu hi!

MIKA 1:16

Zieziekchun, Juda mipite haw, na cha deihtakteu ziekin lungkham in na sam uh met kawlh unla! Na chateu chuh nang haw apat a sala puih manga um ding a hih ziekun, mulukawlh luchang guolin na sam uh met kawlh un!