JEREMIA 4:7 - PATHIEN LEKHABU THIENGTHO (BSI)

⁷ Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

JEREMIA 4:7 ပူးပေါင်းရင်းမြစ်များ

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

JEREMIA 2:15

Sakeibaknei vanglai te chun a ngîk u a, ngeih tak in a chung ah a kitum u a; a gam chuh a susie zo tau a, a khawpi te le a luoh ding umlo in a kâng tum zo tai.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

ISAI 1:7

Na gam u chuh a hawm zo ta a; na khawpiteu chuh mei in a katum zo a, na mit muh ngêi un na gam u chuh gamdang mite’n a la zo u a, a hihsie zo tau hi.

DANIEL 7:4

A khatna chuh sakeibaknei tawbang ahi a, mupi tha tawbang hi a nei a; a tha haw chuh bawhtawt a a um a, lei apat a dawpkang ahih a; mihing banga keng nih a ding dinga siem ahi a, mihing lunggil piek ahih chanin ka en zinga.

JEREMIA 50:17

Israel chuh belam guol a thehdalh ahi a, sakeibaknei te’n a delhmang u a, a masa’n Asuria leng in amah chuh a ne zo a, a tawpna ah Babulon leng Nebuknezar in a guh haw chuh a sukbawt sak tai.

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 49:19

Ngaitiem u, Jordan gammâng apat a sakeibaknei, gancha tat na mun haw ah hung to intin; amau haw chuh a lak u apat in delhmang sak ing ka ting; a chung u a thunei dingin ka nawp taphawt guot ing ka; kei tawbang hi kuo a um: Kuo a hunbi ei guot sak ding? Belam pu ka masanga ding ding chuh kuo ahi?

JEREMIA 34:22

Ngaitiem u, zie khawpi a hi hung vaikit ding thu pie’ng ka ting, tih hi Lalpa kamsuok ahi. Tichun, zie khuo hi hun do untin, mei in hâl un au, ti chun, a luoh ding umlo in Juda khawpite chuh a hawm in um sak ding ka hi.”

JEREMIA 33:10

Lalpa chun hiti hin a tii: zie mun, Juda khawpi, mi leh sa um talo a hawm na tih nau mun, Jerusalem khawlai ning tin, nutsieh san leh a sunga mi leh sa umlohna ahin.

JEREMIA 26:9

Bangati a Lalpa min a zie In hi Shiloh hung bang in tin, zie khawpi hi a luoh ding umlo in a hawm in um ina, ti a na genlawk ahi?” a tiu a. Chun, mipite chun Lalpa In a Jeremia um chuh a ûmkimvel tau a.

JEREMIA 25:38

Sakeibaknei bang mai in a kisêlna chuh a pawtsan ta a, chemzâm nunsie tak leh a lungnatna tizat-um tak ziek chun, a gam u chuh a hawm zo ta ngâl a.”

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

2 LENGTE 24:1

Jehoiakim vaihawm lai chun, Babulon leng Nebuknezar chun Judate chu a hun do a, tichun, Jehoiakim chu a thu nuoi ah kum thum a um a, zie nung chun a chungah a hung kiphin ta a.

DANIEL 5:19

Letnate a kawma a piek ziek chun mitin a mite, namtin a mite, pau tina mite, chun a kihchau a, a masang achun a kithing u a. Mi, thah a nawp taphawt chuh a that a, a nawp taphawt chuh a hinghawih a, a nawp taphawtte chuh a limbawl a a nawp taphawt chuh a hihniem sek hi.

JEREMIA 50:44

“Ngaitiem u, Jordan gammâng apat in sakeibaknei, gancha tat na muna hung to bangin hung to intin, amah apat chun amau haw taihmang sak ing ka ting; a chunga thunei dingin ka deih taphawt guot ing ka. Kei tawbang hi kuo a um em? Kuo a hunbi ei guot sak ding? Belampu kuo ahim ka masang a ding ding chuh?

JEREMIA 27:8

Himahleh, Babulon leng Nebuknezar namkawl puo nuom lo te leh a nasem nuom lo nam leh lalgam chuh chemzâm leh kiel leh hipi’n ka sukmangthai suok macheng in amah khut ngêi in amau haw gawt zel ing ka.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

2 LENGTE 25:1

Chun, Zedekiah chu Babulon leng, Nebuknezar chung achun a kiphin a. Khutichun, Zedekiah vaihawm, kum kuo na, tha sawmna, ni sawm ni chun, Nebuknezar chu a sepaihte tawh a hung u a, Jerusalem chu a hun do tau a. Khawpi pawlam achun panmunte khawh in, a ûmkimvel tau a.

JEREMIA 4:29

Sakawl chunga chu te husa leh thal chawite thawm chun khawpi a mite chuh taisieu untin; gammâng ah tailut untin, suongpi chung haw ah kal un tin; khawpi cheng chuh taihsan untin uh, a sung ah kuomah cheng puo’n au.

JEREMIA 22:7

Nang hun sumangthai dinga gâlvan chawi chiet in guonggalh ing ka ting, na sidar thing deihchuom haw chuh phuk un tin, mei ah tik un au.

JEREMIA 44:2

“Sepaihte Lalpa, Israel Pathien in hiti hin a tii: Jerusalem leh Juda khawpite chunga thil phalo ka hun tun sak haw cheng chuh na mu tau a; chun, ngaitiem u, tuhin a hawmngawn ahi ta a, kuomah a cheng ta puou hi, ti’n.

EZEKIEL 12:20

Chun, mi chênna khawpi haw chuh sukchim in um intin a gam chuh sukgam in um intin, khutichun, Lalpa chuh ka hi tih he’n au,’ ti’n gen in,” a ti a.

EZEKIEL 21:31

Na chungah ka hachangthakna sungtha’ng ka ting, ka lungnatna meia hun mût ding ka hi; mi huham, mi sukmangthai thiem haw kawma chuh hun pie dawk ding ka hi.

EZEKIEL 32:2

“Mihing chapa, Aigupta lengpa sûnna la phuok inla, a kawmah: Namte laka sakeibaknei vanglai tawbang, nang, Tuipi awlepi na bang zaw ie; na nak a tui haw hih phuon in; na keng in na chawkniek hi, na lui haw na hih ni’n zo tai.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 8:16

Dan apat in a sakawlteu hat git chuh a kiza pha a, a sakawlteu hâm git chun gamsung chuh a sulîng a, a hung tûng u a, a sung a um chengte chuh a ne zo vek tau hi; khawpi leh a sunga cheng haw tawh.”

JEREMIA 22:6

Lalpa chun Juda lengte inkuon chungchâng chuh hiti hin a gen a; Kei a dingin nang chuh Gilead tawbang leh Lebanon tângsip tawbang na hi. Himahlele gamgaw hun suoh sak ing ka ting, a luoh ding umlo tawbang hiel in hun siem ding ka hi.

JEREMIA 46:18

A hin a ka hin sung hin chuh, tih hi Lalpen, a min Sepaihte Lalpa kamsuok ahi; Tang haw laka Tabor tâng bang in, Tuipi kienga Karmel tâng guol in hung ding ahi.