JEREMIA 4:6 - PATHIEN LEKHABU THIENGTHO (BSI)

⁶ Zion lam nga’n puonzak khâi unla, bitna hawl in tai un. Muong kiu unla, mâllam apat in thil phalo hun tunsak ding ka hi. Sietna huoisie tak mai chuh.

JEREMIA 4:6 ပူးပေါင်းရင်းမြစ်များ

JEREMIA 50:2

“Nam tin lak achun gen un la, phuong un! puonlap khâi unla, phuong unla, îm kiu in. Babulon chuh lak a hi tai! Bel chuh a zahhuoi ta a, Merodak chuh a taisie, a milim pathiente chuh a zahhuoi ta a, a sie zo tai!”

JEREMIA 51:27

Zie gam achun kidona puonlap khâi unla; namte laka chun pengkun mût un, amah do ding nam chuh guonggalh unla, Ararat leh Minni te, Ashkenaz gam tawh amah do dingin kisam khawm un: amah do dingin sepaih guot unla, lung vak sausau guol in sakawl kaikhawm un.

JEREMIA 51:12

Babulon khawpi do na’n puonzak tâk dawk un la, gâlven na hih hat un, gâl veng ding kawih un; lambut na ding siem unla; Babulon chungchâng thu a Lalpa’n a gen kha a ngaihtuoh a, a hih zo ta ngâla.

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

JEREMIA 6:1

Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

JEREMIA 4:21

Bang chan ahi die kidona puonzak ka muh a, kidona pengkun gi ka zak ding?

ISAI 62:10

Nang haw, Jerusalem a umte haw, khawpi apat hin pawtdawk unla, Na mipite, a hung vaikitte dingin lamlien siem un la, Lam tuongpi siemphau un la, suongte thielngim un! Namte’n a hêt theihna dingun, melchikna tâk dawk un.

ZEPHANIA 1:10

“Zie ni chuleh, nga kawtkhak apat a kiko thawm te, Mishnah apat a kah git te, tâng chunga gi hum hum te hun za’n lau, tih hi Lalpa kamsuok ahi.

JEREMIA 51:54

“Babulon apat a kah thawm leh Kaldai gam apat a siet na huoisie tak thawm chuh!

JEREMIA 50:22

Zie gam achun gâl thawm a kiza a; sietna huoisie tak thawm tawh.

JEREMIA 21:7

Zie zawh tieng chuleh, Lalpa kamsuok chun a tii. Leng Zedekia leh a miliente leh midang zie khawpi a hipi leh chemzâm leh kiel a thi lote chuh Babulon leng Nebuknezar khut leh a melmateu khut leh nang haw hun thah guote khut achun pie’ng ka ting. Chemzâm hiem ah thiu un tin, amau chuh sit puo’n tin, lungsiet diek puo’n tin, lainat diek puo’n a.

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

JEREMIA 22:7

Nang hun sumangthai dinga gâlvan chawi chiet in guonggalh ing ka ting, na sidar thing deihchuom haw chuh phuk un tin, mei ah tik un au.

ZEKARIA 6:6

Chun, sakawl vawm umna kangtalai chuh mâllam zuon in a chieh a, sakawl kâng chun a nung a zuia, chun, a buonga pawl chuh simlam ah a chiehdawk ta a.

JEREMIA 10:22

Ngaitiem u, thuthang thawm chu a hung tunga, mâllam apat a buoina nasa tak mai chuh, Juda khawpite sugam a, si-âlte kuo suok sak dingin,” ti’n.

EZEKIEL 9:1

Khutichun, ngeih tak a, “Khawpi enkawlte cheng gâlvan kichawih chietin hung nai un,” a tih ka he a.

EZEKIEL 9:2

Chun, mâllam nga kawtpi chungnung zaw lam apat chun mi gup a hung u a, gâlvan a chawi chiet u a; chun, a lak u a mi khat pat ngat puona kivan chun lehkhatui bûk a chawi a. A chieh lut u a, chun, sumeng maichâm kawm achun a ding tau a.