JEREMIA 4:5 - PATHIEN LEKHABU THIENGTHO (BSI)

⁵ Juda gam ah phuong unla, Jerusalem ah genzak un. Gamsung pumpi achun pengkun mût unla, ngeih tak in kiko un. Hung khawm unla khawpi kulh nei haw ah lut hitiu, tiu un.

JEREMIA 4:5 ပူးပေါင်းရင်းမြစ်များ

JEREMIA 8:14

“Bang zieka chu hiet hiet I hiu hi? Hung kikhawm unla kulh nei khawpi haw achun lut hitiu; tichun, zie chun mangthai khawm vek hitiu Lalpa chunga I gitloh tâk ziekun, Lalpa I Pathien un thihna gu ei dâwn sak in, thihna ah ei kawih tai.

JEREMIA 6:1

Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

JOSHUA 10:20

Joshua leh Israel chate’n a thah lai u chun khenkhat te chuh kulhpi bang nei khawpi te achun a tailut man u a.

HOSEA 8:1

Kigalginna pengkun chuh mût in, Melmate chuh meipi bangin ka gam chungah a chu tai. Ka mite chun a kawm uh a ka thugawlh chuh a bawhsie tau a.

AMOS 3:8

Sakeibaknei a ngîk tieng leh kuo a lau lo a um? Lalpa Pathien in thu a gen tieng leh, kuo a hilhlawk lo a um thei ding?

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

JEREMIA 35:11

Chun, hiti hi a hung hi a, Babulon leng Nebuknezar in gam a hun do lai khan, keihaw chun, Kaldai sepaihte leh Suria sepaihte lauh ziekin Jerusalem ah chieh hitiu, ka tiu a. Tichun, Jerusalem ahin ka na cheng tau hi,” a tiu a.

JEREMIA 11:2

“Zie thugawlh um zie hi ngaitha’n la, Juda mite leh Jerusalem a chêngte kawm achun gen in.

JEREMIA 9:12

“Kei chun, Lalpa, bang zieka thalek bang mai a kuomah vak viel loh na dinga gam hi suksiet a hi ta? Zie hethiem thei ding khawpa miching kuo a um? Midang kawma gensawn thei ding khawpa kuo a na hilhchet?” ka ti a.

JEREMIA 5:20

Jakob insung achun zie thu hih phuong un la, Juda gam achun phuongzak un.

KISIMNA 10:3

Zie pengkunte nih chuh na mût tieng leh, mipite chengcheng chuh, na kawma puon-In kawtkhak bul achu a hung khawm dinguh ahi.

EZEKIEL 7:14

Pêngkun chuh mût u henla, thil cheng chengah kisazo ta mahleu, kuomah galdo dingin chieh puo’n au; ka lungnatna chuh a bawn u a chungah a um ngâla.

JOEL 2:1

Zion achun pengkun mût unla; Pathien tâng thiengtho achun kigalginna thu phuong un. Juda mipite haw, kithingsieu in; Lalpa ni chuh hung tung pai ding ahi ta ngâl a; ahun a nai tai!

KISIMNA 10:2

“Dangkaguo’n pengkun nih siem inla, a seka sek thawh in siem in; mipite sap khawmna ding leh, giehbuk chawnna dinga na mat ding ahi.

ISAI 28:19

A luon pai cheng leh hun tawk zel intin; zingkal tin leh sun chengin luong zing ding ahi ngâl a. Sun leh zan in zie chuh thuok zing unlau. thuthak hung pawt cheng chun lauhna thak hun tun khum zel ina.