JEREMIA 4:4 - PATHIEN LEKHABU THIENGTHO (BSI)

⁴ Nanguh Juda mi leh Jerusalem a chêngte haw Lalpa het in zektan unla, na lunggil zek teu tan un. Na thil gilo hih teu ziekin ka lungnat na chuh mei bangin hung kuong khan tin; kuomah phelh theih loh in hun kang khâna.”

JEREMIA 4:4 ပူးပေါင်းရင်းမြစ်များ

2 KHANGTHUBU 34:25

Ei deih puou a, pathien dangte kawmah a kithawi u a, a thilhih teu in ka lungnatna a chawktho uh ahi. Jerusalem chung achun ka lungnat na a puokzak a dai kit ngei puo’n a.

ISAI 10:17

Meikuong chuh Israel te thienthona Pathien ngêi chuh ahi; zie chun ni khat thu’n hamlingnei leh khau leh thil chengcheng chuh katum ina.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

ISAI 51:17

Aw Jerusalem, tho dawkin! Nangmah kipan inla; ding dawk in! Lalpa’n a lungnatna khawn dâwn ding a hun piek chuh na dâwn zo ta a, Na dâwn zo a, a hun sulawn duoi duoi a.

JEREMIA 15:14

Gam na hêtkhâk loh u achun na melmateu lak ah hun kawih ing ka. Ka lungnat na mei na chunguh ah a kuong dawk ta ngâl a,” ti’n.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

JEREMIA 21:5

Keimah ngêi inle ban zak in khut hat in lungna kawm leh thangtawm lungna’n hun do ding ka hi.

JEREMIA 23:19

Ngaitiem u, Lalpa lungnatna huihpi chuh lungna takin a pawtdawk tai! Mi nunsiete luchang chuh nuoi diek ina.

JEREMIA 36:7

Mitin chun a umdan gilo uh a haihsan u a a hih chun Lalpa masanga lungsietna a nget u chuh a tung thei kha mawh die; zie chite chunga lungnatna leh thangtawm na Lalpa’n a gen haw chuh a nasa mah mah ngâla, ti’n thu a pie a.

JEREMIA 44:22

Thil phalo na bawl ziek u leh thil gilo na hih hawu ziekin Lalpa’n a thuok ngâp talo ahi kha; zieziekchun na gam u chuh tu a a um bang hin luoh loh leh gamgaw, maksak leh hansie dawl a hung hita a.

JEREMIA 9:25

Ngaitiem u, ni chuh a hungtung hi tih hi Lalpa kamsuok ahi, “Zektan hi ngâla, zektan loh banga umte chuh gawt ding ka hi, a tii.

JEREMIA 9:26

Aigupta, Juda, Edom, Amon mipite leh Moab te, chuleh gamthip a cheng baksam met muih chengcheng chuh zektan loh ahiu a, Israel inkuonte chengcheng le lunggil zektan loh ahiu hi.”

SUNNA LA 4:11

Lalpa’n a lungnatna lauh-um tak chu a suguitung a, a lungnatna tizat-um tak chu a sungbuo a; Zion achun mei a chawhkuong a, zie chun, a suongphum haw nasan a katum tai.

EZEKIEL 16:38

Numei a pasal kichênna thutiem susie a thisan suoh te chunga vaihawm guola na chunga vaihawm ding ka hi; lungnatna leh thîkna chuh na chunga tunsak ding ka hi.

EZEKIEL 18:31

Bawhsietna na na hihsa chengcheng u chuh paihmang vek unla, lunggil thak leh ngaihtuohna thak nei un: Bang zieka e na thih ding uh, Aw Israel insung mite haw?

EZEKIEL 20:33

“A hin a ka hin sung chuh, khut hât tak leh bân zak kawm leh lungna kawmin na chung u ah vaihawm ing ka, Lalpa Pathien chun a tii.

EZEKIEL 21:17

Ken le ka khut ana bêng ing ka ting, Ka lungnatna hung pha tan a; Kei, Lalpa chun ziehi ka gen tai, a tii, tih,” a ti a.

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

EZEKIEL 24:8

Phuba la dinga lungnat na chawhthawh ahih theihna dingin a thisan suoh chuh suongpi gaw chunga ka sunthak ahi, khuhmang ahih lohna dingin.

EZEKIEL 44:7

Ho-In chuh gamdang mi, zektan loh te chuh lut sak in a hihbuok uh a, kithawihna thau leh thisan te chuh ka kawma lat a hihlai in, ka thu ngailote chuh Ho-In achun a lut u a. Khutichun, ka mite chun, a thil kihdak-um hihteu chun ka thugawlh a bawhsieu hi.

EZEKIEL 6:12

Gamla taka umte chuh hipi’n thiu in tin, anai a um chuh chemzâm in thi’n tin, chun, a suokcha sun, huol a um chuh kiel in thi’n a; zie tawbanga hi ka lungnatna a chung u a tunsak ding ka hi.

EZEKIEL 8:18

Zieziekchun, ken le lungna taka sawisa ding ka hi: gawt loh in kawih puo’ng ka ting, a chung u a zahngai lo hiel ding ka hi; ngeih tak in ka bil ah kiko leu le ana ngaitha puo’ng ka,” a ti a.

THIEMPUDANTE 26:28

ka lungnatna hun taksuoh ka ting, na chung u a ka lungnatna chuh a huoisie zawsem in sagih vei behlap ding ka hi.

THIEMPUDANTE 26:41

Melmate khuta pie a, amau haw do ding khawpa ei suklungnat ziek un a gitlohnau chuh phuong un au. Atawp a, na tu leh chateu chuh a hung kingaihniem u a, a helnau leh a gitlohna ziek u a gawt a hih nung u chuleh,

AMOS 5:6

Lalpa chuh hawl unla, chun, hing unlau; khutilochun Joseph In ah mei guolin pawt intin, kangtum intin, Bethel achun a sumit ding umlo khawp in meikuong ina.

ZEPHANIA 2:2

Pakcha guola na vuoi u a, na thihna ding niu a hungtun ma leh, Lalpa lungnatna nasatak chuh na chung u a a hungtun ma leh, a lungnatna lauh-um tak chuh a hun etsak ma hin, heu in!

ROME 2:25

Dan na zawpa a hih chun, zektan chuh nang dingin a phachuom hi; himahlele, Dan zawp lo na hih chun, na zektan chuh tan loh tawbang ahi.

DAN NIHNA 10:16

Zieziekchun, na lungthim zek uh tan unla, lochal ta kiu in.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

KOLOSSA 2:11

Krista tawh pumkhata um in, zektan na hung hi tau a, mihiemte khuta zektan hilo in, Krista a zektan, sapum gilo thilhih theihna apat pawtdawk sak na hi tau hi.