JEREMIA 4:31 - PATHIEN LEKHABU THIENGTHO (BSI)

³¹ Numei nauhanat tau git tawbang ka za a, nautil hing nat thuok lai, Zion chanu ha huoi huoi a kah git chuh a khuthaw zak in, “Ka chung a gik hi, tuolthat te masang ah ka thidang zo tai,” tih aw ahi.

JEREMIA 4:31 ပူးပေါင်းရင်းမြစ်များ

SUNNA LA 1:17

Zion in a khutte a zaka, amau thamuon ding kuomah a um puou hi. Jakob chungchâng achun a melmateu in ûmkimvel un au, ti’n Lalpa’n thu a pie a, Jerusalem chu a lak u ah numei thienglo bang mai ahi.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

JEREMIA 13:21

Nang in guol pha a na siem te kha na chunga a kawih tieng leh bang na lawh ta die? Numei nauhanat bangin na sa ten lo ding na him?

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

1 KORINTH 9:16

Chanchin Pha gen mahleng le, suon ding himhim ka nei puoi, hihmâkmawh ding ka chunga kinga ahi ngâl a. Chanchin Pha gen kileng lah, ka chung gik ding ahi ngâl a.

MATTHAI 21:5

Na kawma hung ding ahi, ti’n, Zion chanu chuh hilh ah.” ti a thiemgau kama a gen khah a hung guitun theihna dinga hung um ahi tai.

MIKA 7:1

Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

HOSEA 13:13

Israel chun hinna ding hunlemchang tak a nei a, himahleh nausen, a nu sûl apat a hung pawt ding ut lo a um guolin a ngawl a, a pawm nuom lo ahi.

SUNNA LA 2:21

Khawlai a chun teksiete leh khangdawnglaite chu a kithalseh lemlum u a; Ka nungak thieng leh tangvalte chu a melmateu chemzâma thah in a um tau hi. Na lungnatna ni chun amau haw na that ta a.

SUNNA LA 1:20

Aw Lalpa, ka lungthim lungkham zie mai hi; Ka lunggil a buoi a, nasa takin ka na gilo ta a. Khawlai vela chun kituolthahna a um a; Kawtkhak sunglam nasan ah thihna atung hi.

JEREMIA 50:43

A thawm uh a zak in Babulon lengpa khut chuh a zawi ta a, numei nauhanat guol in, natna nasatak in a man tai.

JEREMIA 49:24

Damaska chuh a chau tha ta a, taihsiet a guo a; lauhna’n a man ta a, numei nauhanat bang mai in, Lungngaihna leh natna’n a man ta a.

JEREMIA 49:22

Ngaitiem u, mupi bangin hung leng to intin, Bozrah chung achun tha zak ina: zie ni chun Edom mi hangsante lunggil chule numei nauhanat lungthim bang phet hi’n a.”

JEREMIA 48:41

Kerioth chuh lak in um intin; a kulhpite chuh maksak um tak hi ding ahi; zie ni a Moab pasalpha te lunggil chuh numei nauhanatte lunggil bang mai hi’n a.

JEREMIA 45:2

Lalpa Israel Pathien chun, “Aw Baruk, na kawmah hiti hin a tii:

JEREMIA 30:6

Dawng unla, en viel tiem u, pasal in nauhanat a nei ngei em? Bang zieka numei nauhanat vei bang maia, pasalte’n a tai uh a sawt chiet uh a, a mel uh hung dângtha zo ahi ta’m?

JEREMIA 22:23

Aw Lebanon tânga chêngte haw, Sidar thing laka bu sieh a, na chunga natna a hung tun tieng lungsiet na um ding zie mai chuh! Numei nauhanat bang hung hin la.

JEREMIA 18:21

Zieziekchun, a chateu chuh kiel in thih sak inla, chemzâm a thah in um u hen. A ziteu chuh cha bei in, meithai in um sak in la, a pasal teu hipi’n thiu hen la, a tangval teu le kido na chemzâm in thah hiu hen.

JEREMIA 15:18

Bangti dana ka thuokna hi tawp lo a, sukdam ut lo bang mai ahi; ka natna hi sukdam loh ahim? Keia dingin luicha thephat tui kang sek bang na hi,” ti’n.

JEREMIA 14:18

Daikieng a ka va chieh leh, ngaitie, chemzâma thah te, khawpi sunga ka lut leh, ngaitie, kielpi a thite ka mu a; Gamsung achun thiemgaute leh thiempute chuh, amau lawkna mai hawl in a vakviel u a, zie tawbang a thiltung haw chuh a hepha puou hi.” ti’n.

JEREMIA 10:19

Ka liemna ziekin ka chung a gik hi, ka liemna’n ei sulungkham a, mahleh, zie zet hi chuh gimtheih na ahi, ka thuok mai ding ahi, ka ti a.

JEREMIA 6:2

Zion chanu chuh numei melhawih tak leh no tak tawh ka tehkhin ahi.

ISAI 42:14

Hun sawttak chuh thipkêi in ka um a; kei leh kei ka kitim a; Himahleh, tuhin dîp chunga hat la’n hun bawl ding ka hi, Numei nauhanat bangin kiko ing ka.

ISAI 21:3

Zieziekchun, ka kawngte hi natna nasa takin a dima, numei nauhanat guolin natna’n ei man ta a; bil a khuo za theilo khawp in natna ka thuok a, khaw mu theilo khawp in ka lungzîng a.

ISAI 13:8

Tichun, amau chuh beidawng un tin, natna leh lungkhamna chun numei nauhanat bang mai in man in tin, beidawng takin amau leh amau ki-entuoh un tin; a maiteu chuh zahchâkna’n mei guolin sa hut hut ina.

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

SAM LEHKHABU THE PSALMS 120:5

Meshek haw gama ka um leh, Kedar haw puon-In lak ah ka um hi, ka chung a gik na mai zên e!

JOB LEHKHABU THE BOOK OF JOB 10:1

Ka tha’n ka hinna hi a chimchâk a, Ka nawpchin in phunchiek ing ka; Lunggil na mah mah kawmin pau ding ka hi.

THILSIEMBUL 27:46

Chun, Rebekah chun Isak kawmah, “Hit chanute ziekin hin hi ka khawp mah mah hi, Jakob in zie gam nungak, Hit chanute hih zi’n hun nei kit nalai vang leh keia dingin hin hi banga phachuom ding?” a ti a.

ISAI 26:17

Numei nauvawp, hinthak hun nai ta chuh a na seka, nauhanat a kiu luoiluoi tawbang bang hin, Aw Lalpa kei u le na ma ah ka um sek u kha!

MIKA 4:9

Bang zieka zie bangpi a ngeih a chuh kiko dawk na him? Bang zieka numei nauhanat banga thuokgim na him? Leng na neih loh ziek leh, na lemguotte a thi zo tau a ahim?

MIKA 4:10

Aw Zion chanu, numei nauhanat guolin mau un la, kitel viel un! Tuhin khawpi chuh pawtsan a, gamtalai-laka cheng ding na hi ta ngâl u a! Babulon lam ah chieh un na tin uh, himahleh, na melmateu khut apat in Lalpa’n hun hukdawk ina.