JEREMIA 4:29 - PATHIEN LEKHABU THIENGTHO (BSI)

²⁹ Sakawl chunga chu te husa leh thal chawite thawm chun khawpi a mite chuh taisieu untin; gammâng ah tailut untin, suongpi chung haw ah kal un tin; khawpi cheng chuh taihsan untin uh, a sung ah kuomah cheng puo’n au.

JEREMIA 4:29 ပူးပေါင်းရင်းမြစ်များ

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

LUKE 23:30

Zie tieng chu leh mi’n tâng kawmah, ‘Ei delh khum ah!’ tiu intin, muol kawma le, ‘Ei selin!’ hun ti’n au.

AMOS 9:1

Lalpa chuh maichâm sika dingin ka mu a, amah chun, “Kawtkhak bul haw chuh a kilin theihna dingin, maichâm ning zumte chuh zêp in la, a bawn u a lu chung ah sugawp dimdem in: A thi bangkhaite chuh chemzâm in that ing ka ting; khatchale tai dawk puou un tin, khat cha’n le pumpelh diek puo’n au!

JEREMIA 52:7

Khutichun, khawpi kulhbang a vit vang u a; galdo mi haw chuh a taimang vek tau a, lengpa huon a bang nih kikal a kawtkhak a pawtdawk in, zan kal in khawpi apat chun a taidawk u a; (Kaldai mite chuh khawpi kimvel achun a um u a) Arabah lampi achun a chieh tau a.

ISAI 30:17

Mi khat lau in mi sang khat tai un na tin; mi nga lau in, a hawn in taisie dup dup unlau; a tâwp leh, tângsip a piel pak tak bang leh, muol chunga melchikna um bangin nutsieh in um unlau.

2 KHANGTHUBU 33:11

Zieziekchun Lalpa’n Asuria sepaih lawiupa te a sawl a, Manasseh chu thikkhau in a khit u a, kawl a buhsak u a, Babulon ah a pui tau hi.

1 SAMUEL 13:6

Chun, Israel te chu nawhdawng in a um ui tih a kihet phet u chun, (mipite chu a lungdawng mah mah ngâl u a) mipite chu kâwlhâwm haw, hambawk lak haw, suongpi pang haw, kulh haw, kawkhuk haw poh ah a kisel u a.

ISAI 6:12

Lalpa’n mite chuh gamla taka a chawnmanga, gamsung a mun haw hi tamtak nutsieh a a hung um macheng in.

JEREMIA 6:23

Amau chun thalpi leh tiengcha a chawi u a; Nunsie tak, zahngaihna himhim neilo ahiu a. A thawm u chuh tuipi gi hum hum tawbang ahi a; Sakawl chung haw ah a chuu a. Mitin chuh galdo ding banga kithuom in, Aw Zion chanu, nang hun do ding ahiu ui.”

JEREMIA 16:16

Ngaitiem u, ngaman mi tamtak sawl dawk ing ka ting, amau haw chuh man in au; zie nung chun, gamvakmi tamtak sam dawk ing ka ting, tâng tin leh muol tin apat in amau haw chuh hawldawk untin, suongpi khikek kal a um haw le.