JEREMIA 4:27 - PATHIEN LEKHABU THIENGTHO (BSI)

²⁷ Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

JEREMIA 4:27 ပူးပေါင်းရင်းမြစ်များ

JEREMIA 46:28

Aw Jakob, ka suokpa, lau ki’n ka hun um pih zing hi, Lalpa’n a tii. Ka hun delhzak na gam haw cheng chuh sutawp ing ka ting, nang vang hun sutawp puo’ng ka; ahi’n gawtna diktak in hun gawt ing ka ting, gawt loh in vang hun suohchak sak puo’ng ka.”

JEREMIA 5:18

“Himahlele, zie nihaw a chun le hun suchimit den puo’ng ka, tih hi Lalpa kamsuok ahi.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.

JEREMIA 30:11

Hun hukdam dingin na kawmah ka um zing ngâl a, ka hun delh zakna nam chengcheng chuh subei mahleng, nang vang chuh hun sumangthai puo’ng ka ting; a hun pheta hun gawt ding ka hi, gawt loh in vang suokcha diek lo ding na hi,” tih hi Lalpa kamsuok ahi.

EZEKIEL 11:13

Chun, hiti hi ahi a, thu ka genlawk zing lai chun Benaiah chapa Pelatia chapa chuh a na thi ta mai a. Khutichun, ka maia leituol si’n ka bawkkhup a, aw ngeih tak in ka kiko a, “Aw Lalpa Pathien; Israel umsunte chimit na ding siem ding na him?” ka ti a.

THIEMPUDANTE 26:44

Khutisa chun le a melmateu gama a um u chuh, amau haw hih mang kêi ding leh, a chung u a ka thuguot te bawhsie’n paih tha puo’ng ka ting hawt le haw puo’ng ka; Kei hi Lalpa a Pathien uh ka hi ngâla.

EZEKIEL 33:28

Chun, gam chule huoisie taka hawmngawn leh matna beiin siem ing ka ting, a kisuonpih uh a hatna chuh sutawp ing ka ting, chun, Israel tâng haw a hawm in um in tin, kuomah vakviel ta puo’n au.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

JEREMIA 18:16

A gam uh suchavai ding leh, kumlekhuo a hagawih khum ding leh a vakviel taphawt ten maksa’n a luchang uh thin khum un au.

JEREMIA 7:34

Tichun, Juda khawpi haw leh Jerusalem kawtthêl haw achun kipahna husate, lawpna thawmte, moneipa aw te, mo aw te chuh sudai ing ka ting, a gam chuh a hawma um ding ahi ngâla.

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

ISAI 24:1

Ngaitie, Lalpa chun lei hi suhawm intin, susie ding ahi. Leichung hi thing intin, a luohte chuh sudalh vek ding ahi.

2 KHANGTHUBU 36:21

Lalpa’n thiemgau Jeremia manga thu a gen chawlhni mang thei lo a a um sung uh kum sawmsagih, chawlhni a mat theih kit chan un, gam chu sukgawt in um in a, a tih kha a hung guitunna ahi.

NEHEMIA 9:31

Himahlele, na zahngaihna lien tak chun a tâwp na ding uh na tunsak puoh a, thah le na thahtham puoh a, Pathien mi lungsiet thei leh lainatna a dim na hih ziekin.

JEREMIA 4:20

Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

JEREMIA 25:11

Tichun, zie gam pumpi hi a hawm in um in tin, tizat-um takin um ina. Khutichun, zie namte chun Babulon lengpa na chuh kum sawmsagih sem un au!

JEREMIA 44:6

Zieziekchun ka lungnat na leh ka thangtawm na chuh Juda khawpi haw leh Jerusalem kawtthêl haw achun ka sungtha a, a kuong ta a, tuni a a um guol hin a hawm a um in luoh loh in a um tai.

EZEKIEL 20:17

“Ahih ziekin amau haw sumangthai lo dingin lungsietna’n ka en zaw ta a, thalek akhan ka na sichai talo zaw ahi.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

ISAI 17:6

Himahleh, olive thing, lawh zawh kêi nunga, a zîk pi sangpen lêk a gah nih ahim, thum ahim leh thinggah tak mai bâk zik zum a gah li ahim, nga ahim a um sek bangin, tawmcha nutsieh in um ina, Lalpa Israel te Pathien chun a tii.”

SUNNA LA 2:7

Lalpa’n maichâmte chu nawlh in Mun thiengtho chu a kihdak ta a; A leng In kulh bângte chu melmate khut ah a pie dawk ta a, amau chun Kut lopi ni guolin Lalpa In ah thawm gi a nei u a.

ZEPHANIA 1:18

Lalpa lungnatna ni chun, a sana teu, a dangkaguoteu ahim in la amau haw hukdawk thei puo’n tin; gam pumpi hi a lungnatna mei chun ka zo vek in a. Gamsung a um chengcheng sumangthai ding ahi a, ahi, manthaina huoisie tak tung ding ahi ngâla.