JEREMIA 4:24 - PATHIEN LEKHABU THIENGTHO (BSI)

²⁴ Tang haw chuh ka en a, ngaitie, a kilîng u a, muol haw chule a kilawk u a, a kilîng dup dup u a.

JEREMIA 4:24 ပူးပေါင်းရင်းမြစ်များ

EZEKIEL 38:20

Khutichun, tuisuohgiet a ngate, chung leng vachate, gamsate, lei chunga vak ganhing chengcheng, lei chunga mihing chengcheng te ka ma ah kithing intin un, tâng haw chuh sukniem in um intin un, kenliengte chuh chim intin un, kulh bâng chengcheng chim tha vek ina, ti’n ka gen ta a.

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

MIKA 1:4

Khutichun, a keng nuoi achun tângte chuh khuoilu meia hâl guolin tuithau intin, Tichun, tâng apat a tui sunthak guolin luiguom a chun sungtha’nau.

SAM LEHKHABU THE PSALMS 97:4

A kawlphe haw chun khawvel hi a salhvak zawl zawl sek a: Lei hin a mu a, a kilîng a.

SAM LEHKHABU THE PSALMS 18:7

Zie phet chun lei hi a lîng a, a kithing ta a, A lung a nat ziekin tâng haw chu le, A kingakna nasan in a lîng in a puok zak ta a,

1 LENGTE 19:11

Chun, Lalpa chun, “Va pawt inla, tânga khun Lalpa masangah va dingin,” a ti a. Ngaitie, Lalpa a hung a, huihpi nasa takin a tângte chu a hun mût khi a, Lalpa masang achun suongpite chu a phel lem lum a; himahlele huih achun Lalpa chu a um puoi: chun, huih nun zawh chun lei a hung lîng a; himahlele leilîng achun Lalpa a um diek puoi:

HABAKKUK 3:10

Tang liente chun nang a hun mu u a, a kithing sieu a; tuipi chuh a kifawn a, a kinawk zela, tui thuk te chun aw a suoh u a, chunglam ah aban a zak tai.

HABAKKUK 3:6

Amah chuh a ding a, lei pumpi chuh a teh tuok a, Chun, a en viel a, namte chuh a nawhzak a; tichun, kumlekhuo a tâng ana umte chuh a thehdalh a, kumsawt apat ana um zing muol leh tângte chuh a tum suk u a; A lampite chuh kumsawt apat ahi.

JEREMIA 8:16

Dan apat in a sakawlteu hat git chuh a kiza pha a, a sakawlteu hâm git chun gamsung chuh a sulîng a, a hung tûng u a, a sung a um chengte chuh a ne zo vek tau hi; khawpi leh a sunga cheng haw tawh.”

SAM LEHKHABU THE PSALMS 77:18

Na van gi husa chuh chinpei ah a um a; Na kawlphe haw chun khawvel hi a salh zawt zawt a, Lei hi kilîng in a kithing dul dul a.

THUPHUON 6:14

Van chuh lehkhaziel. kiziel mang bangin a mang ta a. chun tângte leh tuikuol tin chengte chuh a umnau apat, chawn mang in a um tau hi.

PAWTDAWKNA 19:18

Chun, Sinai tânga chuh Lalpa chuh mei a a hungsuk ziekin; zie meikhu chuh hâltuina meikhu bang mai in a khu to nguoh nguoh a, tichun tâng pumpi chuh a lîng dup dup a.

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

ISAI 24:20

Lei hi zukham bangin lawn duoi duoi intin, huihpi’n bukcha a sawih bangin kisawi zawk zawk ina. Khawvel hi a gitlohna’n delh chim intin; tichun, tho kit ta puo’n a.