JEREMIA 4:22 - PATHIEN LEKHABU THIENGTHO (BSI)

²² Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 4:22 ပူးပေါင်းရင်းမြစ်များ

1 KORINTH 14:20

Suohpihte, ngaihtuohna lam ah chapang kiu inla, thil gilo lama vang, nau sen unla; na ngaihtuohna lam u vang achun, piting hiu un.

ROME 16:19

Chanchin Pha lama na ginum danteu chuh mi chengcheng het in a kithang suok ta ngâl a. Zieziekchun, nangmau haw chung thu achun ka kipâk hi. Zieziekchun, thilpha lama na chit theih u a, thil phalo lama na mawl uh ka deih hi.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

ROME 3:11

Kuomah hethiem himhim a um puou. Kuomah Pathien hawl himhim a um puou hi.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

ROME 1:22

Ching a kingai in, mi ngawl a hung hi tau a,

HOSEA 5:4

A thil gilo hihteu chun, a Pathien kawmuh a a vaihkitna dinguh a dal a. Nawhchizuok lungthim a pu zing uh a, Lalpa chuh a he puou ui.

JOHAN 16:3

Zie thil haw chuh hih un au, Kei leh Pa ei het loh ziekun.

MIKA 2:1

A zâlkhun chunga nunsietna suongtuohte leh, thil phalo ngaihtuoh dawkte chuh a chunguh a gik hi, zingkal khuo a hung vak vak leh zie chuh a bawl pai zieng u a. amau haw khut thilhih theihna a um a hih ziekin.

DAN NIHNA 32:28

“Chitna neilo nam ahiu a, Amau ah hetthiemna him a um puoi.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

JEREMIA 5:4

Chun, kei chun, ziehaw hi mi gimthei ahiu a, a ngawl ahiu. Lalpa dân lampi chuh a he puou a, a Pathien uh vaihawm dân chuh a he puou hi.

LUKE 16:8

Khutia a hihna apat chun, a pu chun sum vawppa diktatlo chuh a lemhet ziek chun a pakcha ta a; khawvak chate sangin, zie khawvel leisiet chate hi, a tulai khang u ahin a chingzawu hi,” a ti a.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

2 SAMUEL 13:3

Amahvang chuh Amnon chun zawl a nei a, a min chu Jonadab ahi, David suohpihpa Shammah chapa hi a: Jonadab chuh mi chitgukhah tak ahi a.

SAM LEHKHABU THE PSALMS 36:3

A kama thu pawt haw chuh gitlohna leh lepbawlna thu ngen a hi seka: Chingthei taka thilhih ding leh thilpha hih a haihsan tau a.

SAM LEHKHABU THE PSALMS 53:4

Thil hihkhielte chun hetna mawngmawng neilo ahiu em? Ka mite chuh chângthâk bangin a ne zo kêi u a, Pathien lah a sam kha ngei puou a.

SAM LEHKHABU THE PSALMS 82:5

“Hetna leh hetthiemna a nei puou a; Thim laka achun a kivat a kivat ui; Lei kingakna chengcheng chu a kilîng tau a;

JEREMIA 2:8

Thiempu te’n la, ‘Lalpa chuh khawia um ahi,’ le a ti diek puou a, dân enkawl te’n le ei he diek puou a; vaihawm te chuh ka chung ah a hel u a, thiemgau te’n le Baal min in thu a gen u a, thilpha chuom lo a delh tau hi.

JEREMIA 4:21

Bang chan ahi die kidona puonzak ka muh a, kidona pengkun gi ka zak ding?

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.

EZEKIEL 16:30

Na lungthim chuh a hah mantheihloh ta na lâwm lâwm e, phuong taka nawhchizuokte thilhih na hih tâk mai hi! Lalpa Pathien chun a tii.

AMOS 3:10

A kulhpi teu chuh pawngbawl leh thagum a a thil lak teu chun a sudim u a; diktaka bawl a guo hiel puou hi, Lalpa’n a tii.

THILSIEMBUL 39:16

Joseph pu a hung macheng chun a puon chuh a kawmah a na kawih zing a.

SAM LEHKHABU THE PSALMS 36:4

A zâlkhun achun thil gilo a suongtuoh seka, Lampi phalo a chun a chieh hâmhâm a; gitloh na chuh a kihdak puoi.

THUCHINGTE 28:5

Migilo chun thudik chuh a hethiem sek puoh a; himahleh, Lalpa hawlte vang chun thil cheng a hethiem vek sek ui.

JEREMIA 9:2

Ka mite apat a ka taihmang theihna dingin, thalek ah mun nei leng ka nuom na e! Mi ginumlo ngen leh thep hât ngen ahiu a.

JEREMIA 9:5

A bawn un lampi diklo ah a guol teu a pui u a, thudik gen a um ta puou hi. A lei u chuh lepchieh gen a sinsak u a, a gitlohnau haihsan diek lo in.

MIKA 7:3

Thil gilo hih chuh a thiem chiet u a. Miliente leh thutante chun gawlhgukna a ngek chiet tau ui. A milienteu chun a hinna’n thil phalo a utchak chuh a gendawk u a; tichun, thil a guonggalh khawm tau ui.