JEREMIA 4:20 - PATHIEN LEKHABU THIENGTHO (BSI)

²⁰ Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

JEREMIA 4:20 ပူးပေါင်းရင်းမြစ်များ

SAM LEHKHABU THE PSALMS 42:7

Na tui luong gi dul dul haw ahin tui thuk leh tui thuk chuh a ki-uou u a: Na tui kinawk leh na tui kinâwk chengcheng haw chun ei vuktum ta a.

2 THESSALONIKA 1:9

Tichun, Lalpa apat leh, a lopina thilhih theihna apat a, khenchuom a um in, kumlekhuo a manthaina gawtna chuh thuok un au.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

EZEKIEL 14:21

Lalpa Pathien chun hiti hin a ti ngâla, “A sunga mite leh gancha haw sumangthai dinga Jerusalem chunga ka gawtna lite, chemzâm leh kiel leh gamsa hâng haw leh hipi ka tun kim sak tieng chuleh bang tawbanga huoisie ahi ta dem?

SUNNA LA 3:47

Lauh-umna leh thâng in ei dal u a; sietna leh manthaina ah ka um tau hi.

JEREMIA 17:18

Ei sugimtheite chung achun zahchâkna tun sak inla, himahleh aw Lalpa, kei vang ei suzakcha ki’n. Amau haw chungah sietna tunsak in la; sietna thuohnih in amau sumangthai in.

ISAI 33:20

Ka guolvaknau khawpi Zion chuh entie! Na mit haw chun Jerusalem chuh en un! Chenna dinga bitna mun pên hi ta’n tin. Puon-In, a kilhna bawhdawk khâk loh leh, a kaihmalhna khau tan ngeilo tawbang hi ta’n a.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

THIEMPUDANTE 26:24

keile nanguh kalh lam in um ing ka ting, keimah ngêi in na gitloh ziekun sagih vei sanga tamzaw’n hun gawt ding ka hi.

THIEMPUDANTE 26:21

“Nei dal u a, ka thu na zawp loh naklai u chun, na gitlohna teu zilin ka gawtna chuh aleh sagih in hihpung kit ing ka ting,

THIEMPUDANTE 26:18

“Ziehaw cheng nunga hile ka thu na zawp diek loh u chun, ka hun gawtna chuh a leh sagih in hih pung ding ka hi.

PAWTDAWKNA 33:5

Chun, Lalpa’n Mosi kawmah, “Nam genhak tak na hiu hi: chawmchah na lak u ah hung tel lengle hun sumangthai mai ding ka hi. Khutichun na kivannau khah kawihthau inla, tichun nang uh ka hun ngaihtuoh ding dân hethei ing ka, a tii, hun ti’n,” a ti a.

HABAKKUK 3:7

Kushan gama mite chuh gimtheih thuokin ka mu a, Midian gama mite chuh a kithing u a.

JEREMIA 4:6

Zion lam nga’n puonzak khâi unla, bitna hawl in tai un. Muong kiu unla, mâllam apat in thil phalo hun tunsak ding ka hi. Sietna huoisie tak mai chuh.

ISAI 54:2

Na puon-In mun chuh keklien inla, na umna puon zak te chuh zak palh in, kilen ki’n la, a henna khaute chuh hih sau inla; a khuomte chuh sudet in.

ISAI 47:9

Zie thil nih, chate channa leh, meithai na chun ni khat thu’n, mitphetlohkal in hun tunkhum ding ahi! Dawi thilhih theihna leh aisânna mang tam mahleh chin, na pasal leh na chate cha haw chanin hun chan tho inla.

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

KISIMNA 16:45

“Zie mipite lak apat hin kikiengkawih un, amau chuh mitphetlohkal a ka hun sukmangthai theihna dingin,” ti’n. Chun, amau chuh tuol a chun a bawkkhup u a,

KISIMNA 16:21

“Zie mipite kawm apat hin kikhinkâng un, a mau haw hi mitphetlohkal a ka sukmang theih na dingin,” a ti a.

THIEMPUDANTE 26:28

ka lungnatna hun taksuoh ka ting, na chung u a ka lungnatna chuh a huoisie zawsem in sagih vei behlap ding ka hi.

ISAI 15:5

Moab te ziekin ka lungthim chuh a kiko a, a mi phateu chuh Zoar khuo leh Eglath Selisjah ah a tai u a. Khenkhat chuh Luhith lamto achun kap kawmin a chieh u a. Khenkhat chuh, Hoironaim lampi achun lungkham a kiko in a tai lut tau a.

JEREMIA 4:21

Bang chan ahi die kidona puonzak ka muh a, kidona pengkun gi ka zak ding?

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

JEREMIA 12:11

Gam hawm a suok sak zo tau a, ka masang achun hawmngawn in a um ta a. A gamsung pumpi chuh a thawmhau a, mahleh kuoma’n a ngaihsak puou hi.

JEREMIA 9:18

“Hung kinawh u henla, ei hung kah khum u hen. I mitthitui luonnau, I mitvun u a mitthi tui a pawt theih na dingin.”