JEREMIA 4:2 - PATHIEN LEKHABU THIENGTHO (BSI)

² Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

JEREMIA 4:2 ပူးပေါင်းရင်းမြစ်များ

ISAI 65:16

Kuole, gamsung a vangsakna ngên taphawt chun, Pathien ginum tak vangsakna chuh ngên ta’n au. Kuole, thutiemna nei taphawt chun, Pathien ginum tak min chun kipautiem untin; tuma a lungkhamna haw kha hetngilh a a um tâk ziek leh ka mitmuh apat a sel ahih tâk ziekin.”

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

2 KORINTH 10:17

Himahlele, Pathien Lehkhabu chun, “Kuole, kisuong taphawt chun, Lalpa nasep chuh kisuonpih zaw hen,” a ti ngâl a.

1 KORINTH 1:31

Khutichun, Pathien Lehkha thu a kigen guolin, “Kuole, a suong taphawt in Lalpa chuh suong hen”.

DAN NIHNA 10:20

Lalpa na Pathien chuh na lauh u a, a na nasep u a, amah chuh na tuk det u a, a min a na kihâksiel dinguh ahi.

GALATI 3:8

Pathien Lehkhathu’n, “Pathien in Jentel te chuh taksanna ziekin, amah tawh kicham in siem ina,” tih a genlawk sa ahi ngâl a. Khutichun, Pathien Lehkhabu chun Abraham kawma chuh Chanchin Pha chuh gendawk in, “Nangmah achun, namtin vangsak ina,” ti’n a gen ta a.

JEREMIA 12:16

Chun, hiti hi hung hi’n a, Baal kawma ka mite kihâksiel a sinsak bangun, ka min a, ‘Lalpa chuh a hin zing bang in,’ ti a kihâksiel a sin u a, ka mite umdan guntaka a sin u chun ka mite lak ah tung ding ing ka.

ISAI 45:25

Tichun, Israel suonte chengcheng chuh Lalpa achun guolzo un tin, tichun, Lalpa suong ding ahiu hi, ti’n.

SAM LEHKHABU THE PSALMS 72:17

A min chuh kumlekhuo’n dai puo’n a; A minthanna chuh nisa umlai chan in dai puo’n a; Mihaw chuh amah achun vangsak in um untin uh; Namtin cheng in amah chuh nuomsa ti’n au.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

ISAI 45:23

Ka thutiem chuh a dik a, kisang ngeilo ahi. Mitin cheng chuh ka masanga hung khupdin un tin, keia dinga ginum dingin, keimah kama ngêi in ka kipautiem ta ngâla.

1 LENGTE 3:6

Chun, Solomon chun, “Na suok ka pa David kha na mitmuh in thutak leh kitûp leh lunggil diktak pu a a um bang khan nangin a chungah zahngaihna nasatak na na sulang a; nangin zie phatna nasatak chu amah dingin na kawih sak a, a lalchutphah a chu ding chapa na pie a, tuni a a hung um tâk ngêi bang hin.

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

HOSEA 2:19

Tichun, kumsawt a ka zi dingin hun huol ka ting; Diktak leh ginum takin um ka ting; hehpihna leh lungsietna tawp lo in hun nei zing ka ting, kumlekhuo’n keia dingin hun nei tang ka.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

SAM LEHKHABU THE PSALMS 99:4

Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

DAN NIHNA 4:30

Gimtheihna hun thuok u a zie thil chengcheng chuh na chungu a a hung tun tieng leh, a tâwp a tâwp leh Lalpa na Pathien lam uh hun nga kitin na tin un, a thu chuh hun pawm ta’n lau;

RUTH 3:13

Tuzan hin chuh giek phawt inla, zingkal leh amah chun kigamngakna dinga hih ding dawl chuh a hih chun, a pha hi’n tin; zie chuh hih hen. Himahleh, na chunga a hih ding chuh ama’n a hih loh chun, kigamngak dinga hih ding chuh hih ngêi ing ka, Lalpa chuh a hing zing hi, zingkal tiengin zie hin a na kuol zingin,” a ti a.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

JEREMIA 7:5

“Na umdan u leh na thilhih teu chuh na siemphat tak tak u a, khat leh khat kikal diktaka na vaihawm u a,

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

JEREMIA 12:15

Chun, hiti hi hi’n tin, ka nawhdawk nung leh amau haw chuh lungsiet kit ing ka, mitin chuh a goluoh ding u leh amah gam ngêi achun puilut kit ing ka.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

1 SAMUEL 20:3

Chun David chun, “Na pa chun nei lungsiet dân hi a he chien mah mah ngâla; ‘Jonathan in zie hi chu hese dah hen, dân leh lungkham taluo khâna,’ a ti a hi’n a: ahih ziekin Lalpa hinna leh nang hinna sâlin ka gen ahi, thihna tawh ka kikal uh kal khat mai ahi,” ti’n pap takin a gena.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!