JEREMIA 4:19 - PATHIEN LEKHABU THIENGTHO (BSI)

¹⁹ Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

JEREMIA 4:19 ပူးပေါင်းရင်းမြစ်များ

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

ISAI 22:4

Zieziekchun, ei thahthau inla, ka mite thihna chunga chun thasie takin kap ing ka; ka mite haw chanu gâllâk a lak ahih thuu achun ei lungmuon guo se kiu in, ka ti a.

ISAI 16:11

Zieziekchun, ka gilzang haw hi Moab lungsietna ziekin kingkang guolin a gi a; Kir-heres ziekin ka lungkham tai.

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

ISAI 21:3

Zieziekchun, ka kawngte hi natna nasa takin a dima, numei nauhanat guolin natna’n ei man ta a; bil a khuo za theilo khawp in natna ka thuok a, khaw mu theilo khawp in ka lungzîng a.

GALATI 4:19

Ka naute haw! Krista chuh nangmau a siempitin a a um masang sieh chuh, nauhanata na bangin, ka hun natpih na hiu hi.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

DANIEL 7:15

Kei Daniel hi ka sung ahin ka lungthim a lungkham a, Kilâkna ka muh te chun ei sulau a, nasa takin ei chawkbuoi ta a.

ISAI 15:5

Moab te ziekin ka lungthim chuh a kiko a, a mi phateu chuh Zoar khuo leh Eglath Selisjah ah a tai u a. Khenkhat chuh Luhith lamto achun kap kawmin a chieh u a. Khenkhat chuh, Hoironaim lampi achun lungkham a kiko in a tai lut tau a.

SAM LEHKHABU THE PSALMS 116:7

Aw ka hinna, na chawlhna achun vaikit in; Lalpa chun na chungah phatak in a hih ta ngâl a.

ROME 10:1

Suohpihte, ka lunggil ut lam leh, ka mite dinga Pathien kawma ka paucham lawh pên chuh, hukdama a hung um theihna dinguh ahi.

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

DANIEL 7:28

Ziehi ka thilmuh chanchin tawpna chuh ahi. Kei, Daniel hi ka thilmuhte chun ei sulau mah mah a, ka mel a dângtha ta a, himahleh, ka lungthim in thu chuh ka vawp zing hi.

SUNNA LA 2:11

Ka mitte chu kahna’n a chauzo tau a; ka lunggil a gimthei a. Ka mite chanu sietna ziek chun lungkham in ka chautha tai. Naupangte leh nawichep laite chu chau in khawpi achun a puktha zo tau hi.

SUNNA LA 1:16

Ziehaw ziek chun ka kap a, ka mit chu mitthi tui in achup ta a; Ka hinna suhalh ding thamuontu kei apat a gamla ta a. Melmate’n ei zawh tâk ziekun ka chate chu amau maia nutsieh in a um tau hi.

JEREMIA 23:9

Thiemgaute chungchâng thu achun, ka sunga ka lungchang hi a puokkek a, ka guh chengcheng le a kithing a, zukham bang mai ka hi ta a, Lalpa leh a thu thiengtho ziek chun; zu’n a zel zawh mah mah mihiem ka bang mai tai.

JEREMIA 20:9

“Amah min chuh gen kha ta puo’ng ka ting, Amah min in le thu gen ta puo’ng ka,” ka ti a. Himahleh, ka guh sung ahin mei-âm kikhum bang mai in ka lunggil sung ahin a sa hut hut a, ka thip hiet hiet thei puoh a, ka kichawl thei puoh ngâl a.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 4:21

Bang chan ahi die kidona puonzak ka muh a, kidona pengkun gi ka zak ding?

JEREMIA 4:5

Juda gam ah phuong unla, Jerusalem ah genzak un. Gamsung pumpi achun pengkun mût unla, ngeih tak in kiko un. Hung khawm unla khawpi kulh nei haw ah lut hitiu, tiu un.

SAM LEHKHABU THE PSALMS 146:1

Lalpa chuh pakchau in, Aw ka hinna, Lalpa chuh pakcha’n.

SAM LEHKHABU THE PSALMS 119:136

Ka mittui hi lui tui tawbang in a luong tha a, Na dân a zuih loh ziek un.

SAM LEHKHABU THE PSALMS 119:53

Lunghihlohna nasa takin ei sunkhum ta a, Minunsie na dân taihsan haw ziekin.

SAM LEHKHABU THE PSALMS 103:1

Aw ka hinna, Lalpa chuh pakcha’n la; Ka sunga um cheng chengte haw, a min thiengtho chuh pakchau in.

SAM LEHKHABU THE PSALMS 16:2

Lalpa kawm achun, “Nang chuh ka Lalpa na hi ie, Nang lo chun phatna himhim ka nei puoi.”

VAIHAWMTE 5:21

Kishon lui luong zel chun; Aw ka hinna, hattak in chieh zelin,

KISIMNA 10:9

Na gam u a melma hun nuoisieh haw do dinga na chieh tak u leh, kido ding mût a pengkun haw chuh na mût dinguh ahi; tichun Lalpa na Pathien u masang achun hetzing hi’n na tin uh, na melma teu laka pat in hukbit hi’n lau.

THILSIEMBUL 49:6

Aw ka thagau, a kiholim nau achun tel ki’n la, Ka lopina, nang vang a kikhawpkhawm nau achun le, chanmun nei diek ki’n, A lungnat un mi a that u a; a genhak un bâwngchal tha a sat u a,

1 KORINTH 14:8

Pêngkun le, mumal nei taka a mût loh u chun, kuo a galkap dinga kisakhawl thei ding?

JEREMIA 6:24

“A thuthang uh ka za a, ka khut uh a zawi zo tai. Numei nauhanat bang in; lungkhamna’n ei man tai.

JEREMIA 8:21

Ka mite chanu liemna achun ka na a, ka sun a, lungkham na’n ei man tai.

JEREMIA 42:14

‘Ei puoi, Aigupta lam ah chieh zawi ting uh, zie chun kido himhim tuok kha puoi tiu, pengkun gi le za puoi ting un, an tâksap le um diek puo’n a, zie chun cheng zawi tiu,’ na tih u chun.

JEREMIA 49:2

Zieziekchun, ngaitiem u, nite chuh a hung tung hi tih hi Lalpa kamsuok ahi. Kido thawm zak sak ing ka ting, Amon chate Rabbah chung achun, khutichun, thil sie umkhawm bang mai hung hi ding ahi, a khuo teu chuh mei in ka’n tin; tichun Israel chun amah neitu chuh nei thuk ina, Lalpa’n a tii.

JEREMIA 50:22

Zie gam achun gâl thawm a kiza a; sietna huoisie tak thawm tawh.

DANIEL 4:19

Tichun, amin Daniel, Belteshazar le kiti sek pa chuh chawmkhat tak chuh a lau mah mah a, bangmah a gen thei ta puoh a. Ziephet chun leng chun a kawmah, “Belteshazar, mang ahim, a umzie ahim chun hun sulau kihen,” a ti a. Belteshazar chun a kawmah, “Ka lalpa, mang chuh a hun mudahte chunga tung ding hi hen la, a hilhchetna chu le na melmate chunga ding hi hen.

2 LENGTE 4:19

Chun, a pa kawm achun, “Ka luchang a nai, ka luchang!” a ti a. A pa chun a suokpa kawm achun, “A nu kawmah pui in,” a ti a.

2 LENGTE 8:11

Tichun, amah a dinga zahchâk um khawp hielin a enchang kêi a; chun Pathien mi chuh a kap ta a.

ISAI 21:4

Ka lung a vai a, lau in ka kithing ta a. Nitâk ni nêm ka ngaklah sek kha kei dingin kithinna a hung suok ta a.

JEREMIA 8:18

Aw ka lungkhamna hi kithamuon thei leng chuh aw! Sunggil lam ah hin ka lunggil a chau zo tai.

SUNNA LA 1:20

Aw Lalpa, ka lungthim lungkham zie mai hi; Ka lunggil a buoi a, nasa takin ka na gilo ta a. Khawlai vela chun kituolthahna a um a; Kawtkhak sunglam nasan ah thihna atung hi.