JEREMIA 4:18 - PATHIEN LEKHABU THIENGTHO (BSI)

¹⁸ Na umdan leh na thilhih teu chun ziehaw hi na chunga a tunsak ahi. Zie hih na sietna ding chuh ahi a, a na mah mah ngâla, na lungthim a sun hi.

JEREMIA 4:18 ပူးပေါင်းရင်းမြစ်များ

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

SAM LEHKHABU THE PSALMS 107:17

Mingawl haw chu a kilekna ziek u leh, A manlohna ziekun a kisugimthei sek u a.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

THUCHINGTE 1:31

Zieziekchun, na tuh gahteu ngêi chuh neu in na tin uh, na thilhih guot hawu ngêi chun suknat in um inlau.

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

JEREMIA 26:19

Juda leng Hezekia leh Juda mipite khan amah a that u leh? Lalpa lau in Lalpa deihsakna chuh a ngên u a, Lalpa’n a chung u a thil phalo tung ding a tih chuh a kisik kit hilo ahim? Ei un vang ei mau a dinga thil phalo I chung u a I tunsak ding uh ahi hi,” a tiu a.

JEREMIA 5:19

Chun, hiti hi hung hi’n tin, Bang zieka Lalpa I Pathien un zie thil haw hih I chung u a a tunsak ahi? a tih tieng u leh, Kei nei taihsan u a, na gam u a pathien dangte nasep sak zaw ding na hiu hi,” ti’n a na dâwng ing ka.

THUCHINGTE 5:22

Minunsie chuh amah gitlohna ngêi chun man intin, a gitlohna khauhuol a kantawm in um in a.

JEREMIA 5:25

Na gitloh nau chun zie thil haw hi a nawhmang a, na gitlohteu chun na thilpha muh dinguh a dal hi.

EZEKIEL 39:24

A thientho lohnau leh, a bawhsietnau bang zelin a chungu ah ka hih a, amau apat in ka mai ka sel hi.

HOSEA 7:2

A gitloh nau chengcheng ka hezing hi tih a lungthim un a ngaihtuoh puou: Tuhin chuh a thilhih teu ngêi in a ûmkimvel ta a, ka maikawk ngêi ah a kilang tai.”

JEREMIA 14:16

Chuleh, a thu gen uh a na dawng namte chule kiel leh chemzâm in Jerusalem kawtthêl achun paih dawk in um un tin, amau haw leh a ziteu, a chanuteu leh a chapateu pum in a vui ding umlo khawp in um un au. A nunsiet nau chuh a chung u a sungtha ding ka hi ngâla.

SUNNA LA 3:15

Thil tui kha ka gawl ah a sung lut a; gamsai ei dâwn kham sak u a.