JEREMIA 4:16 - PATHIEN LEKHABU THIENGTHO (BSI)

¹⁶ Namte chuh hilh unla, Jerusalem ah phuong un, ngaitie, gam gamla tak apat in melma a hung tung u a, Juda khawpi haw chungah aw suoh in a kiko ui.

JEREMIA 4:16 ပူးပေါင်းရင်းမြစ်များ

EZEKIEL 21:22

Thalchang ‘Jerusalem’ ti a a tiemteh pên chuh a khut changlam ah a hung chu a: kulh tahsietna siem ding leh, kido a kiko zuoh zuoh ding leh, kulh kawt tahsietna ding siem ding leh, khawpi huolna ding lei sung vum ding leh kulh banga kalna ding siem dingin.

JEREMIA 5:15

Ngaitiem u, gamla tak apat in nam khat hun pui ing ka ting, Aw Israel inkuonte haw Lalpa’n a tii. Nam hattak leh lui tak, a pau uh na hettheih loh uh leh a thugen uh na het theih loh uh hiding ahi.

ISAI 39:3

Zielai chun thiemgau Isai chuh Hezekia kawmah a chieh a, a kawmah, “Na kawma hungte kha khawitak apat a hung ahiu hi? Banga a hung gen uh?” a ti a. Hezekia chun, “Gam gamla tak, Babulon apat a ka kawma hung ahiu hi,” a ti a.

JEREMIA 50:2

“Nam tin lak achun gen un la, phuong un! puonlap khâi unla, phuong unla, îm kiu in. Babulon chuh lak a hi tai! Bel chuh a zahhuoi ta a, Merodak chuh a taisie, a milim pathiente chuh a zahhuoi ta a, a sie zo tai!”

JEREMIA 39:1

Juda leng Zedekia vaihawm kum kuona, tha sawmna achun Babulon leng Nebuknezar chuh a sepaihte tawh Jerusalem do ding in a hung kuon u a, a hun ûmkimvel tau a.

JEREMIA 31:10

“Aw namte haw, Lalpa thu chuh ngaithau inla, gamla taka tuipi panga gam haw achun phuongzak unla, Israel thehzakpa chun hun puikhawm kit intin, belampu’n a belamte a ven bangin veng ina, tiu in.

JEREMIA 16:6

Zie gam ahin mi thupi leh mineute le thi ding ahiu hi; vuih hi puou un tin, kuoma’n sun puo’n au, amau leh amau ki-ât puou untin, a luchang u le hietkawlh diek puo’n au.

JEREMIA 6:18

“Zieziekchun, aw namte haw ngaithau inla aw kikhawmkhawmte haw a chung u a hung tung ding chuh heu in,

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

JEREMIA 4:17

Lo hawng te bang mai in a kimvel achun a um u a, ka chung a a hel ziekun, Lalpa’n a tii.

JEREMIA 2:15

Sakeibaknei vanglai te chun a ngîk u a, ngeih tak in a chung ah a kitum u a; a gam chuh a susie zo tau a, a khawpi te le a luoh ding umlo in a kâng tum zo tai.

ISAI 34:1

Nang haw, namtina mite haw, hung khawm un! Hung khawm unla, ngaithau un! aw mipite haw ngaithau un. Lei leh a sunga um chengcheng te hung khawm unla, ngaithau un!

JEREMIA 1:15

Ngaitie, mâllam a lalgam a nam chengcheng te chuh sam ding ka hi ngâla, Lalpa’n a tii. Hung kikhawm untin, Jerusalem a lutna kawtkhak haw cheng leh kulhbang kimvelhaw leh Juda khawpi chengcheng a chun a lalchutphah uh hun kawih chiet un au.

JEREMIA 8:19

Gamsung dung leh vaia ka chanu ka mite kah thawm chuh ngaitiem u! Zion achun Lalpa a um puoh ahim? A sunga chun a Leng umlo ahim? Bang zieka a milim siem kawm teu leh a gamdang pathien teu a ei sulungna ahiu em?

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

JEREMIA 6:23

Amau chun thalpi leh tiengcha a chawi u a; Nunsie tak, zahngaihna himhim neilo ahiu a. A thawm u chuh tuipi gi hum hum tawbang ahi a; Sakawl chung haw ah a chuu a. Mitin chuh galdo ding banga kithuom in, Aw Zion chanu, nang hun do ding ahiu ui.”