JEREMIA 4:13 - PATHIEN LEKHABU THIENGTHO (BSI)

¹³ Ngaitie, meipi guol in hung to ding ahi, a kangtalaite chuh chinpei bang mai in; a sakawlte chuh mupi sangin a kin zawu hi. I chung uh a gik na e! Suksiet ding I hi ngâl u a.

JEREMIA 4:13 ပူးပေါင်းရင်းမြစ်များ

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

HABAKKUK 1:8

“A sakawlteu chuh keite sangin a chanpha zaw a, ngei gilkiel sangin a lauh-um zawi. A sakawl chung chuong miteu chuh chapo takin a kikhawh viel zawt zawt u a, amau chuh gam gamla tak apat a hung ahiu a; sakawl tinte chun tuol a khên a, Mupi sa nek ding zuona leng bang mai in a bawh in a bawhsuk thawh u a.

SUNNA LA 4:19

Ei delhzuite chu vanlaizawl a muvanlai sangin a chan-gang zawu a. Tang chungte achun ei huol kimvel u a; thalek gam achun ei chânggu tau hi.

ISAI 5:28

A thalteu chuh a hiem a, a thalpiteu cheng chuh kausa’n a um khepkhup a, a sakawl tinteu chuh meisuong bang mai ahi a, a kangtalai kengteu chule chinpei bang hiela hât ahi.

NAHUM 1:3

Lalpa chuh lungna vak zieng lo, himahleh, thilhih theihna nasa tak nei ahi; gitlohna chuh bangti zawng in le gawt loh in kawih puo’n a. A lampi chuh chinpei leh huihpite achun a um a; meipite khuh a kêngpêk a leivui ahi!

ISAI 13:5

Amau haw, Lalpa leh a lunghihlohna hiemmatte chuh, gam gamla tak, kâwlmawng tâwp apat a hung ahiu ui. Lalpa’n a lungnatna zieka, gam cheng cheng hihsie dinga hung ahi.

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

JEREMIA 4:31

Numei nauhanat tau git tawbang ka za a, nautil hing nat thuok lai, Zion chanu ha huoi huoi a kah git chuh a khuthaw zak in, “Ka chung a gik hi, tuolthat te masang ah ka thidang zo tai,” tih aw ahi.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

MATTHAI 24:30

Tichun, Mihiem Chapa melchikna chuh van ah kilang in tin. Zie tieng chuleh leia chitin in a âwm kichup untin, Mihiem Chapa hi thilhih theihna leh lopina nasatak tawh a van mei chunga hung mu’n au.

HOSEA 8:1

Kigalginna pengkun chuh mût in, Melmate chuh meipi bangin ka gam chungah a chu tai. Ka mite chun a kawm uh a ka thugawlh chuh a bawhsie tau a.

DANIEL 7:4

A khatna chuh sakeibaknei tawbang ahi a, mupi tha tawbang hi a nei a; a tha haw chuh bawhtawt a a um a, lei apat a dawpkang ahih a; mihing banga keng nih a ding dinga siem ahi a, mihing lunggil piek ahih chanin ka en zinga.

JEREMIA 10:19

Ka liemna ziekin ka chung a gik hi, ka liemna’n ei sulungkham a, mahleh, zie zet hi chuh gimtheih na ahi, ka thuok mai ding ahi, ka ti a.

2 SAMUEL 1:23

Saul leh Jonathan umdan chu a deihum in a hawih a, A thih un le a kikhen puou, Mupite sangin a chanpha zawu a, Sakeibakneite sangin a hât zawu hi.

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

JEREMIA 4:12

Huih hattak mai, ka thu a hung tung ding ahi a; tuhin le a chung u a vaihawm sak chuh kei ka hi, tih hi’n a.

JEREMIA 9:19

Zion apat chun kahlemau thawm a kiza a, “I siet nau huoisiet zie chuh; I lungzîng mah mah u a. Gam chuh I taihsan ziek u leh, I chênnau apat a paih dawk I hih ziekun.”

JEREMIA 49:22

Ngaitiem u, mupi bangin hung leng to intin, Bozrah chung achun tha zak ina: zie ni chun Edom mi hangsante lunggil chule numei nauhanat lungthim bang phet hi’n a.”

EZEKIEL 26:10

A sakawl tamtakin a pal khut chun hun khuh ina, leivui in, Kulhbang chima mi a lut guola, Na kelkawtpia sakawl sepaihte, kangtalai haw, kidona kangtalai haw a lut tieng, Na kulhpi kithing ina.

EZEKIEL 38:9

Chun, chiehto in na tin un, huihpi bang mai in hungtung in tin, meipi’n gam a tuom khepkhup tawbang hiel hi hin la, nang leh na kawma sepaih hawn chengcheng leh na kawma mi tamtak te chuh.

DANIEL 11:40

“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.

MIKA 2:4

Zie tawbang hun chuh a hungtun tieng leh, na chanchin u chuh mite’n sietna tehkalna’n mang un tin uh; na thil tuok chungchâng thuu achun zie la thasiet-um tak hi hun sa’nau: “Sukchimit in I um tau a! Lalpa’n I gam uh lamang in, Sala ei mante kawmah a pie tai!” ti’n.

JEREMIA 6:23

Amau chun thalpi leh tiengcha a chawi u a; Nunsie tak, zahngaihna himhim neilo ahiu a. A thawm u chuh tuipi gi hum hum tawbang ahi a; Sakawl chung haw ah a chuu a. Mitin chuh galdo ding banga kithuom in, Aw Zion chanu, nang hun do ding ahiu ui.”

JEREMIA 46:18

A hin a ka hin sung hin chuh, tih hi Lalpen, a min Sepaihte Lalpa kamsuok ahi; Tang haw laka Tabor tâng bang in, Tuipi kienga Karmel tâng guol in hung ding ahi.

JEREMIA 48:40

Lalpa chun hiti hin a tii: Ngaitie, mupi guol in kin takin leng intin, Moab chungah tha zak ina.

ZEKARIA 6:1

Chun, ka vak dâk dawk kit leh, kilâkna dang ka mu kit a, ka kihei a, ka mit ka vak hah toh kit leh, ngaitie, tâng nih kikala sakawlkangtalai li hung pawtdawk hi ka mu a; tângte chuh sumeng tang ahiu a.