JEREMIA 4:1 - PATHIEN LEKHABU THIENGTHO (BSI)

¹ Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 4:1 ပူးပေါင်းရင်းမြစ်များ

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

EZEKIEL 43:9

Tu a pat hin a milim pathien hoteu leh, a lengteu thiluong haw chuh, Kei apat in gamla tak ah kawih tau hen; khutichun, a lak u ah kumlekhuo’n chêng ta’ng ka,” ti’n.

JEREMIA 25:5

Zie thiemgaute chun, mi tin, amah gitlohna apat in hung vaikit u hen la, Lalpa’n na kawm u leh, nanguh hun suonte kawma malai apat a kumlekhuo a dinga a piek gam ahin cheng tau in;

JEREMIA 3:12

Chieh inla, zie thu hih mâllam ah va phuong ah, tih hi Lalpa kamsuok ahi. “Nungchawn hât Israel, hung vaikit in, Lalpa’n a tii. Lungnat mel in hun en puo’ng ka ting; mi lungsiet thei tak ka hi ngâla. Kumkhuo’n lungna puo’ng ka tih hi Lalpa kamsuok ahi.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

THILSIEMBUL 35:2

Chun, Jakob in a inkawte leh a kawma um cheng chengte kawm achun, “Na lak u a midang pathien um haw chuh kawihmang kêi un; kisuthieng unla, na silhlechen hawu theng un:

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 2:2

Na nuu hi bawl diek diek un; amah hi ka zi ahi puoh ngâl a, kei le a pasal ka hi diek puoi. A melput mawngmawng apat a nawhchizuok mel a put hi kawihtha hen la, a anglaia kipatin a zawlsaih zawngsak hi haihsan hen.

2 KHANGTHUBU 33:8

thu ka piek chengcheng leh dân chengcheng te, thu guotte, thilhih ding te Mosi manga ka piek kha a zawp phawt u chun, a pileputeu ka pieksa gam apat chun Israel te nawhdawk phal puo’ng ka,” a na tihna Ho-In a chun amah siem, milim siemkawm a kawih a.

2 KHANGTHUBU 15:8

Tichun, Asa’n zie thu haw chuleh thiemgau Obed thugen te chu a het in a kisuhangsan a, Juda gam leh Benjamin gam chengcheng apat leh Ephraim gama a khaw lak a pata thil kihdak umte a kawihmang suok kêi a; Ho-In huongsung a Lalpa maichâm chu a tungdawk thak a.

2 LENGTE 23:24

Chun, thiempu lien Hilkia’n, Ho-In a lehkhabu a muh sunga dân kizikte sukpitinna dingin, leng Josia chun Jerusalem leh, Juda gam khuo danga, thitha phunsânte, aisânthiemte, In bîk pathiente, milim te leh, Judia gam leh Jerusalem a thil kihdak-um kimu sek haw chengcheng chu Josia chun a sumang vek a.

2 LENGTE 23:13

Chun, Jerusalem kienga Sietna Tang changlam panga Sidon Pathien kihdak-um tak, Asteroth a ding te, Moab te pathien kihdak-um tak Kemosh a ding te, Ammon suonte pathien kihdak-um tak Milkom a ding te, Israel leng Solomon in munsang a siem haw chu lengpa chun a subuok a.

1 SAMUEL 7:3

Chun, Samuel chun Israel inkuonte chengcheng kawmah, “Na lunggil tak zet uh a Lalpa lam hung nga na hih takzet u chun, gamdang pathien haw leh Ashtaroth chu na lak uh apat kawihmang kei unla, na lunggil u chu Lalpa dingin guonggalh unla, Amah na mai sem un; tichun Philistia mite khut apat hin hun hukdawk ding ahi,” ti’n a gena.

VAIHAWMTE 10:16

Tichun, a lak u a nam dang pathiente chuh a kawihmang u a, Lalpa na a sem tau a. Chun, Israel chate lungkham ziek chun a lungthim chuh a lungkham mah mah ta a.

HOSEA 7:16

A kilehhei kit u a, Chungnung pên pa kawmah hilo in, Thalpi kâwi banga mattakloh ahiu a, a vaihawm teu chuh huoisie taka thah in um untin, a muh u a heksietna ziekin a lengteu chuh chemzâm a thah in un tin; Aigupta te chun nuihsan un au,” tin.

EZEKIEL 18:13

A pung delha a palâk saka, a pung a lak chun, a hing na dem? Hing hiel puo’n a! Zie thil tenum haw a khawi hile a hih chun a thih ngêi ngêi ding ahi. Amah thisan mawh chuh a puok ding ahi.

EZEKIEL 11:18

Chun, zie taka chuh a hung tieng u leh, zie taka thil buok leh thil tenum chengcheng chuh amau chun paihmang in au.

JEREMIA 36:3

Zie tieng chuleh Juda inkawte chunga thil phalo hih ka guot haw cheng chuh hun hedawk untin, mitin chuh a thil hihkhelh nau apat in a hung kihei kit kha mawh ding u, a manlohnau leh a gitlohnau ka ngaihdam theihna dingin,” a ti a.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 24:9

Gimthei taka lei chung lalgam tina nawh viela um dingin leh, ka nawhmang na gam haw chenga gensiet ding leh, tehkalna leh, gaih leh hansie buok khum hi dingin pie’ng ka!

JEREMIA 15:4

Juda leng Hezekia chapa Manasseh in Jerusalem a a thilbawl ziekin leichung a lalgam haw lak ah nung leh ma ah nawh viel viel ing ka.

JEREMIA 4:4

Nanguh Juda mi leh Jerusalem a chêngte haw Lalpa het in zektan unla, na lunggil zek teu tan un. Na thil gilo hih teu ziekin ka lungnat na chuh mei bangin hung kuong khan tin; kuomah phelh theih loh in hun kang khâna.”

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

ISAI 31:6

“Aw Israel mipite haw, nasatak in amah ana do ta mahleu chun, a kawmah hung kileh kit tau in.

JOSHUA 24:14

“Zieziekchun, Lalpa chuh kihchau unla, tihtakzet leh diktak in a na chuh sem unla, na pulepateu in luigal lehlam a Aigupta gama a na a sep sek uh pathien haw khah paih vek unla; Lalpa na sem un.

DAN NIHNA 27:15

“ ‘Khutthiemte thilsiem, Lalpa dinga tenum, milim sêk thawh ahim sun thawh ahim siema a gûk a kawih taphawt chuh gausap in um hen,’ ti’n. “Chun, mipite chengcheng chun, ‘Amen,’ ti a ana dâwn dinguh ahi.

DAN NIHNA 4:30

Gimtheihna hun thuok u a zie thil chengcheng chuh na chungu a a hung tun tieng leh, a tâwp a tâwp leh Lalpa na Pathien lam uh hun nga kitin na tin un, a thu chuh hun pawm ta’n lau;

JEREMIA 7:3

Sepaihte Lalpa, Israel Pathien chun hiti hin a tii: “Na umdan u leh na lampiteu siempha inla, zie mun ahin hun chensak ing ka.

JEREMIA 7:5

“Na umdan u leh na thilhih teu chuh na siemphat tak tak u a, khat leh khat kikal diktaka na vaihawm u a,

JEREMIA 7:7

Malai apat a na pileputeu kawma ka piek na gam ahin kumlekhuo’n hun chen sak ding ka hi.

JEREMIA 15:19

Zieziekchun, Lalpa chun hiti hin a ti a, “Na kisik chun hun tung ding kit ing ka ting, chun, ka masangah ding kit ding na hi. Asie hilo a thilpha ngen na gendawk chun ka kam tawbang hin la. Amau chun nang lam hun nga kit un tin, himahleh, nangin vang amau lam na ngat ding ahi puoi.

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.

2 KHANGTHUBU 34:33

Leng Josia chun Israel gam in a huop chengcheng a pat in thil kihdak-um cheng chu a paihmang a, Israel gama um chengcheng te chu Lalpa a Pathien uh na a sepsak a. Chun, a damsung in Lalpa a pileputeu Pathien na chu a sem ui.