JEREMIA 39:9 - PATHIEN LEKHABU THIENGTHO (BSI)

⁹ Chun, vengtu lawiupa Nebuzaradan chun khawpi sunga um nalaite cheng chuh Babulon ah saltâng dingin a puimang tai. Amah kawma hung kipie leh zie mun a um den haw chu ahiu hi.

JEREMIA 39:9 ပူးပေါင်းရင်းမြစ်များ

JEREMIA 40:1

Juda leh Jerusalem mi saltâng chengcheng, Babulon sala a puihteu laka Jeremia thikkawl but kawma a puih lai uh a sepaih hotu Nebuzaradan in Ramah apat a a pawtsak nung a Lalpa apat a Jeremia kawma thu hung tung chuh:

THILSIEMBUL 37:36

Chun, Midian te chun Joseph chuh Aigupta gam ah a pui u a, Pharaoh nuoia lawiupa khat, mi veng lawiupa, Potiphar kawm achun a khawng tau hi.

JEREMIA 52:26

Chun, sepaih hotu Nebuzaradan chun amau haw chuh a pui a, Riblah a Babulon leng kawm achun a hun puitung a.

JEREMIA 10:18

Lalpa chun hiti hin a tii; Ngaitiem u, tuhin gama chêngte hi khatvei thahdawk ing ka ting; a het theihna dingun sugimthei ing ka.

2 LENGTE 25:20

Chun, Nebuzaradan chun Hamath gama, Riblah khuo a Babulon leng kawm achun a pui a.

2 LENGTE 25:11

Chun, khawpi sunga nutsieh a umte leh Babulon leng kawma kipie te leh mipi um nalaite chu miveng lawiupa Nebuzaradan chun Babulon ah a pui veka.

JEREMIA 16:13

Zieziekchun, ka gam apat hin nanguh leh na pileputeu hêtkhâk loh gam achun hun nawhdawk ing ka ting, zie tak achun sun leh zan in pathien dangte nasem un lau; na chung u ah deihsakna sulang lo ding ka hi ngâl a, tih hi Lalpa kamsuok ahi.”

ISAI 5:13

Zieziekchun, ka mite chuh hetna a neih loh ziekun sala puih in a um tau a. A mi zahumteu chuh a gil uh a kiel a, a mipiteu chuh dangchâk in a dang uh a gaw zo tai.

2 LENGTE 20:18

Chuleh, nangmah ngêi in na hun hin ding, na chate lak ngêi ale chiehmangpih un tin, Babulon leng In achun mitilgeh hung hi’n au,” a tii, ti’n.

DAN NIHNA 4:27

Lalpa chun namtin lak ah hun thehzak intin, Lalpa’n a hun thehzakna nam haw lak achun tawmcha chauh hingdawk inlau.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 24:8

Himahleh, Lalpa chun hiti hin a tii: “Theipi sie, nek tâk loh khawpa sie guol hin, Juda leng Jedekiah leh a miliente leh, Jerusalem a nutsieh a um, zie gama umte leh, Aigupta gama chêngte chuh kihei mangsan ngêi ngêi ing ka.

JEREMIA 38:19

Ziephet chun, Zedekia chun Jeremia kawmah, “Kaldai te khuta umsa Judate chuh ka lau hi, a ziek chuh, a khut uh a piek in um ta leng, ei sugimthei ding a hih ziekun a hi!” ti a.

JEREMIA 52:27

Chun, Babulon leng pa chun Hamata gama Riblah achun amau haw chuh a sawi a; a that ta a. Khutichun, Juda nam chuh amau gam apat in sala puihmang ahi tau hi.

JEREMIA 40:7

Chun, sepaih laka hotu gamlaka umte chun a lawiteu tawh, Babulon lengpa’n Ahikam chapa Gedalia chuh gamsung vaihawm in a pansak a, amah khut achun pasal leh numei leh naupang zie gama mi gimthei pên pên Babulon sala puih loh haw cheng chuh a enkawl hi tih a het phet un,

DANIEL 2:14

Chun, Daniel in Babulon miching te that dinga chiehdawk Ariok, leng mi vengte lawiupa chuh lemhe tak leh ching takin a dâwng a,