JEREMIA 39:8 - PATHIEN LEKHABU THIENGTHO (BSI)

⁸ Chun, Kaldai te chun leng In leh a mite In chuh mei in a hâl u a; Jerusalem kulh bâng haw chule a suchim vek tau hi.

JEREMIA 39:8 ပူးပေါင်းရင်းမြစ်များ

NEHEMIA 1:3

Amau chun ka kawmah, “Saltâng pawtdawkte leh zie gama nutsieh te chuh sukgimtheih leh gensiet ahiu a; tichun, Jerusalem kulhbang haw chuh a chim lem lum mai a, a kawtkhak haw le mei a hâltum in a um hi,” tih ei hilh u a.

JEREMIA 38:18

Amahvang chuh, Babulon leng miliente khuta na kipiek loh chun, zie khawpi hi Kaldai te khuta piek hi’n tin, tichun, mei in hâl un tin, amau haw khut apat hin suokcha hiel puo’n la,” a ti a.

JEREMIA 21:10

Lalpa chun hiti hin a tii: Zie khawpi phatna ding hilo, a sie lam in ka kiheimangsan tai. Babulon leng khut a piek hi’n tin, amah chun mei in hâl ina.”

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.

AMOS 2:5

Zieziek chun, Juda chunga chun mei sawl ing ka ting, Jerusalem khawpi chuh katum vek ina,” a ti a.

SUNNA LA 2:7

Lalpa’n maichâmte chu nawlh in Mun thiengtho chu a kihdak ta a; A leng In kulh bângte chu melmate khut ah a pie dawk ta a, amau chun Kut lopi ni guolin Lalpa In ah thawm gi a nei u a.

SUNNA LA 2:2

Lalpa’n lungsietna neilo hielin, Jakob chênna cheng chu a sumang ta a; A lungnatna chun Juda chanu kulh dettak te chu a suchim a. A vaihawmte leh a lenggam u chu a hihniem ta a.

SUNNA LA 1:10

A melmate chun a go neih cheng chu a lâksak tau a; Lalpa’n na mi pungkhawmte laka a lut loh dinguh ahi, ti a thu ana piek te achu a lut tâk ziekun.

JEREMIA 37:10

Nanguh hun do Kaldai sepaih hawn cheng hi bawl diek mahleu chin le, a lak u a kisuliem haw ngawnin le a puon-in u apat a hung pawtdawk in, zie khawpi hi mei in hâl vam tho ding ahiu hi.”

JEREMIA 34:22

Ngaitiem u, zie khawpi a hi hung vaikit ding thu pie’ng ka ting, tih hi Lalpa kamsuok ahi. Tichun, zie khuo hi hun do untin, mei in hâl un au, ti chun, a luoh ding umlo in Juda khawpite chuh a hawm in um sak ding ka hi.”

JEREMIA 34:2

Israel Pathien, Lalpa chun hiti hin a tii; Chieh inla, Juda leng Zedekiah va hopih inla, hiti hin va gen ah: Lalpa chun hiti hin a tii, “Ngaitie, zie khawpi hi Babulon lengpa khut ah pie’ng ka ting, mei in hâl in a.

JEREMIA 17:27

Himahleh, chawlhni nit thiengtho ding leh, chawlhni a puokgik puo lo a Jerusalem kulh kawtkhak a lutpih loh ding thu a ei ngaihthak loh u chun, a kulh kawtkhak haw chuh mei in ka’n tin, Jerusalem a leng In te chuh katum zo intin, mit ngei ta puo’n a.

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

2 KHANGTHUBU 36:19

Ho-In leh khawpi chu a hâl a, leng in leh a hauhsak na chengcheng te tawh, chun, khawpi kulh bâng chule a suchim a.

2 LENGTE 25:8

Tichun, Babulon leng, Nebuknezar vaihawm, kum sawm leh kum kuo na, tha ngana, ni sagih ni chun Babulon leng mivengte lawiupa Nebuzaradan chu Jerusalem ah a lut a.

SAM LEHKHABU THE PSALMS 79:7

Jakob chuh a ne zo u a, A umna chuh a sugam ta ngâl u a.

JEREMIA 32:29

Chun, zie khawpi do ding Kaldai te chuh hung untin uh, zie khawpi hi hung hâl un tin, Baal a dinga gimlim a inchung a a hâl sek nau chuh katum ina; pathien dangte kawma dâwn ding thillat a butdawk sekna in u chule katum in a, ei suklungnatna ding un.

EZEKIEL 16:41

Na In haw chuh mei in hâl intin un, numei tamtak muhna ah na chungah vaihawm intin un; na nawhchizuok hi suhai ing ka ting, na kingaihpihte bangmah pie ta puo’n la.

EZEKIEL 23:47

Chun, mipi kipunkhawm te chun suongin sep intin un, a chemzâm un satlum intin un, a chanu teu that intin un, a in hawu hâl sak in au.

EZEKIEL 33:21

Chun, ka saltannau kum sawm leh kum nihna, tha sawmna, zie tha ni nga ni chun hiti hi ahi a, Jerusalem apat hung suokcha mi khat ka kawmah a hunga, “Khawpi chuh a puk tai,” a hung ti a.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.