JEREMIA 39:5 - PATHIEN LEKHABU THIENGTHO (BSI)

⁵ Himahleh, Kaldai sepaihte chun a mah chuh a hun delh u a, Zedekia chuh Jerikoh phaicham achun a delhpha tau hi. Amah chuh a mat phet un Babulon leng Nebuknezar kawmah, Riblah Hamath gam ah a pui u a; zie chun a chungthu chuh a ngaihtuoh tau hi.

JEREMIA 39:5 ပူးပေါင်းရင်းမြစ်များ

2 LENGTE 23:33

Chun, Aigupta leng Nekoh chun Hamath gama Riblah khuo a suongkul a khum dingin a puimang a, Judate chu, dangka, talent za khat leh sana talent khat lei mana chawi dinga a siem phet chun, a vaihawmna a tâwp ta a.

JOSHUA 5:10

Chun, Israel chate chuh Gilgal a a um sung u chun, zie tha, ni sawmleli ni chun Chiehkân Kut a mang u a.

JEREMIA 38:23

“Khutichun, na zi le chate chuh Kaldai mite’n kipuih vek untin, a khut u apat in pawtdawk puo’n la. Babulon lengpa khuta matsak hin na tin, zie tieng chuleh zie khawpi hi mei a hâltum hiding ahi,” a ti a.

JEREMIA 38:18

Amahvang chuh, Babulon leng miliente khuta na kipiek loh chun, zie khawpi hi Kaldai te khuta piek hi’n tin, tichun, mei in hâl un tin, amau haw khut apat hin suokcha hiel puo’n la,” a ti a.

JOSHUA 4:13

Tichun, gâlthuom a kithuom zo sa’n mi singli vel kido dingin Jerikoh phaizawl achun Lalpa masangah a galkai u a.

SUNNA LA 4:20

I nak u a hinna hu, Lalpa sathau nuh chu kawkhuka mat in a um ta a, A thalim nuoi ah namte lak achun hing hitiu, I na tiu a.

SUNNA LA 1:3

Juda chu gimtheihna ziekin suok in a chieh zo ta a, namte lak ah a chênga, chawldamna a mu ta puoi. Ka gam ahi tih ding himhim um lo in gam dangah a cheng tau a, Suohchakna ding umlo khawp in melmate’n a ûmkimvel tau a.

JEREMIA 4:12

Huih hattak mai, ka thu a hung tung ding ahi a; tuhin le a chung u a vaihawm sak chuh kei ka hi, tih hi’n a.

2 KHANGTHUBU 33:11

Zieziekchun Lalpa’n Asuria sepaih lawiupa te a sawl a, Manasseh chu thikkhau in a khit u a, kawl a buhsak u a, Babulon ah a pui tau hi.

2 LENGTE 25:6

Tichun, Zedekiah chu Riblah khuo a leng Babulon lengpa kawmah a pui u a; a chungchâng thu a tan sak ta a.

2 LENGTE 17:24

Chun, Asuria leng in, Babulon khuo a mite, Kuthah mite, Ava mite, Hamath mite, Sepharvaim mite a puidawk a, Samari gam khuo haw a, Israel chate umna mun haw chu a luoh sak a, tichun, Samari gam chu a luoh u a, a khuo haw achun a um tau a.

2 SAMUEL 8:9

Chun, Hamath leng Toi chun Hadadezer sepaih chengcheng David in a zo suok tai tih a na za a,

VAIHAWMTE 3:3

Ziehaw chuh Philistia leng ngate, Kanaan mite, Zidon te, Lebanon tânga um Hiv te Baalhermon tâng apat a, Hamath khuo lutna tienga cheng te ahiu hi.

JOSHUA 13:5

Chun, Gebal mite gam leh nisuohna lam Lebanon gam chengcheng, Hermon tâng nuoi Baal-gad apat a Hamath khuo lutna tiengin.

KISIMNA 13:21

Khutichun a chiehto tau a, a sim lampang gam chuh Zin thalek apat a mâllam Hamath lutna Rehob tieng in a entha suok u a.

JEREMIA 21:7

Zie zawh tieng chuleh, Lalpa kamsuok chun a tii. Leng Zedekia leh a miliente leh midang zie khawpi a hipi leh chemzâm leh kiel a thi lote chuh Babulon leng Nebuknezar khut leh a melmateu khut leh nang haw hun thah guote khut achun pie’ng ka ting. Chemzâm hiem ah thiu un tin, amau chuh sit puo’n tin, lungsiet diek puo’n tin, lainat diek puo’n a.

JEREMIA 24:8

Himahleh, Lalpa chun hiti hin a tii: “Theipi sie, nek tâk loh khawpa sie guol hin, Juda leng Jedekiah leh a miliente leh, Jerusalem a nutsieh a um, zie gama umte leh, Aigupta gama chêngte chuh kihei mangsan ngêi ngêi ing ka.

JEREMIA 44:30

Lalpa chun hiti hin a tii: Ngaitiem u, Pharaoh-Hophra Aigupta leng chuh a melma a hinna hawlte khut ah pie ding ka hi; Juda leng Zedekia chuh a melma a hinna hawlpa Babulon leng Nebuknezar khuta ka piek bang khan,” a ti a.

JEREMIA 49:23

Damaska thu: Hamath chuh a zakcha tai, Arpad tawh, thu phalo a za ta ngâl u a, a tuimang zo tau a, tuipi kinawk um hiet hiet theilo guol in a kichâwk ui.

EZEKIEL 23:24

Chun, gâlvan haw, kidona kangtalai haw, kangtalai haw keng in mipi tamtak kipunkhawm in mâllam apat hun do in au; phaw lien leh phaw neu leh lukhuk haw tawh na kimvel chengah hun huol in au; chun, thutanna amau piesawn ka ting, amau dân dungzui in na chungah thu tan in au.

HABAKKUK 1:7

Amau chuh lauh-um tak leh tizat-um tak ahiu a, chapo takin, amau leh amau chuh thudik leh Dan kiti zieng un au.

ISAI 22:3

Na milienteu chuh a taimang vek u a, meichang khat a kâp dawk mau in, mat in a um u a.