JEREMIA 39:1 - PATHIEN LEKHABU THIENGTHO (BSI)

¹ Juda leng Zedekia vaihawm kum kuona, tha sawmna achun Babulon leng Nebuknezar chuh a sepaihte tawh Jerusalem do ding in a hung kuon u a, a hun ûmkimvel tau a.

JEREMIA 39:1 ပူးပေါင်းရင်းမြစ်များ

ZEKARIA 8:19

Lalpa Bangkim hihthei chun hiti hin a tii “Tha lina a anngawlh leh, tha ngana a anngawlh leh, tha sagihna a anngawlh leh, tha sawmna a anngawlhte chuh, Juda inkawte dingin lawpna leh kipahna, guolvakna thatnawp um tak hung hi ding ahi a, zieziekchun, thu dik leh chamna chu ngainau un,” a ti a.

DAN NIHNA 28:36

“Nang u leh na pileputeu in le a hêtkhâk loh uh, nam kawm achun nang u leh na lengpau ngêi chuh Lalpa’n hun nawhlut intin, zie chun thing leh suong a kisiem pathien dang haw na va sem inlau.

JEREMIA 32:1

Juda leng Zedekiah lal kum sawmna achun Jeremia kawmah Lalpa thu chuh a hungtung a, zie chuh Babulon leng Nebuknezar lal kum sawm leh kum gietna ahi.

JEREMIA 34:1

Babulon leng Nebuknezar leh a sepaihte chengcheng, amah thunuoi a lei a lalgam haw cheng leh mipi chengcheng te’n Jerusalem leh a khawpite a do lai u a Lalpa kawm apat a Jeremia kawma thu hung tung chuh:

JEREMIA 34:22

Ngaitiem u, zie khawpi a hi hung vaikit ding thu pie’ng ka ting, tih hi Lalpa kamsuok ahi. Tichun, zie khuo hi hun do untin, mei in hâl un au, ti chun, a luoh ding umlo in Juda khawpite chuh a hawm in um sak ding ka hi.”

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

EZEKIEL 4:3

Chun, nangin thik pêk lân la, nang leh khawpi kikal achun thik bang dingin kawih inla; zie lam chuh nga’n la, huol bichilh a um hi’n tin, nangin na huol ding ahi. Ziehi Israel insung mite dingin etsakna hi ding ahi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

EZEKIEL 33:21

Chun, ka saltannau kum sawm leh kum nihna, tha sawmna, zie tha ni nga ni chun hiti hi ahi a, Jerusalem apat hung suokcha mi khat ka kawmah a hunga, “Khawpi chuh a puk tai,” a hung ti a.

EZEKIEL 40:1

Ka saltan uh kum sawmnih leh nga kum bul lam, ni sawmna, Jerusalem siet nung kum sawm le lina, zie ni ngêi chun Lalpa khut chuh ka chungah a hung um a.

2 KHANGTHUBU 36:17

Khutichun Lalpa’n Babulon leng chu amau haw a do sak ta a. Leng chun a tangval teu chu a that a, Mun thiengtho sung na tieng ah chemzâm in a that a. upa leh teksie leh, nungak leh tangval te le, a zawng a hât kuomah chungah lungsietna neilo in, Pathien in a bawn un a khut ah a pie tai.

JEREMIA 6:6

Sepaihte Lalpa chun hiti hin a tii, “Thing haw chuh phuk unla, Jerusalem dona dingin lei sep sang un. Zie khawpi hi ahi gawt ngêi ngêi ding chuh; a sung achun thil dang hilo kipawngbawlna chauh a um ngâla.

JEREMIA 52:1

Zedekia chuh leng a a pan tûngin kum sawmnih leh kum khat ahi a: Jerusalem ah kum sawm leh kum khat vai a hawm a. A nu min chuh Hamutal ahi a, Libnah khuo a Jeremia chanu ahi.