JEREMIA 38:16 - PATHIEN LEKHABU THIENGTHO (BSI)

¹⁶ Khutichun, leng Zedekia chuh a gukcha’n Jeremia kawm achun a kipautiem a, “Lalpa, I hinnau siempa chuh a hin sung cheng chuh hun sulum hiel puo’ng ka ting, na hinna hawlte khut achun le hun pie diek puo’ng ka,” a ti a.

JEREMIA 38:16 ပူးပေါင်းရင်းမြစ်များ

JEREMIA 37:17

Leng Zedekia chun a sam dawka, chun, leng chun a insung ah a gukcha’n a dawng a, a kawmah, “Lalpa apat in thu bang ahim bêk a um em?” a ti a. Jeremia chun, “A um hi, Babulon leng khuta matsak in um tei ding na hi,” a ti a.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

ZEKARIA 12:1

Israel chungchanga Lalpa thu puokgik chuh! Lalpa, vante kaimalh a, leisiet kingakna phumpa leh mihingte kawma thagau pie thu pawt chuh hiti hi ahi.

ISAI 57:16

Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

JEREMIA 34:20

a melmateu leh amau haw thah dinga hawlte khut ah pie’ng ka ting; chun a luong u chuh chung leng vachate leh leichung a gamsate an ding mai hin a.

KISIMNA 27:16

“Lalpa Pathien hinna nei chengcheng hinna bulpi chun, mipite puitu ding leh,

KISIMNA 16:22

Tichun amau chuh tuol ah a khupbawk u a, “Aw Pathien, hinna nei phehlevo chengcheng te bulpi na hi a, mi khat gitloh ziekin mipite chung ahin na lungna ding a ahim,” a tiu a.

HEBRAI 12:9

Zielo chun le, ei thunun dingin, mihing lam ah pate le I nei u kha, ziete haw chuh I zah ngâl uh a. Ziehaw sanga nasazaw chun, I hinna dingun, thagau lama Pa thu thu’n um lo ding I hiu hi?

ISAI 42:5

Lalpa, Pathien vante siem a, a zak palh a; lei hi kaimalh a, a sunga um chengcheng te hinna piepa; a sunga vakvielte thagau pie pa chun hiti hin a gen hi.

THUGENPA 12:7

I taksau chuh a hih na ngêi banga um dingin lei ah vaikit in tin, chun, thagau chuh a piepa Pathien kawmah a vaikit in a.

NASEPTE 17:25

Thil tasam guolin, mihiem khuta zenviel inle a um puoh a, amah ngêi chuh thil chengcheng hinna te, hatna te, leh, mitin kawma thil chengcheng piepa ahi zawi.

NASEPTE 17:28

‘Amah vangin I hing un, I tawi un, I um uh ahi ngâl a,’ ti a a gen guol u khan. Na lak u a laphuok thiemte mah in, ‘Ei u le a suonte I hi ngâl u a,’ ti a a gen guol u khan.