JEREMIA 38:14 - PATHIEN LEKHABU THIENGTHO (BSI)

¹⁴ Chun, leng Zedekia chun thiemgau Jeremia sam ding in mi a sawl a, Lalpa ho-in lutna a kawt thumna achun a kimuhpih a, leng chun thiemgau Jeremia kieng achun, “Thil khat hun dawng ing ka ting, ka kienga bangmah na îm loh ding ahi,” a ti a.

JEREMIA 38:14 ပူးပေါင်းရင်းမြစ်များ

JEREMIA 37:17

Leng Zedekia chun a sam dawka, chun, leng chun a insung ah a gukcha’n a dawng a, a kawmah, “Lalpa apat in thu bang ahim bêk a um em?” a ti a. Jeremia chun, “A um hi, Babulon leng khuta matsak in um tei ding na hi,” a ti a.

1 LENGTE 22:16

Chun, leng chun a kawmah, “Lalpa min a thudik lo ngâl chu ka kawma gen lo dingin bang zah vei ahim ka hun kipautiem sak ding?” a ti a.

JEREMIA 42:20

Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.

2 KHANGTHUBU 18:15

Himahleh Ahab chun a dâwng a, “Lalpa min a ka kawma thu na gen tieng leh, thu diktak gen sek in! zie guola hih ding chun bang zat vei ahim ka hun hilh tâk?” a ti a.

2 LENGTE 16:18

Chun, Asuria leng suklungkimna ding chun, Ahaz chun, lalchutphah zawtna dinga khang dawh sang kibawl chu, Ho-In apat chun a ladawk a, Ho-In a leng lutna lampi chuom chule a khâk sak ta a.

1 LENGTE 10:5

A dawhkhâng a nek ding te, a suokte chut dân te, a zenviel haw bawl dân te, a kivan dân teu, a khawn piete, Lalpa In a a lat hâlmang thillat te a vak muh chun lungthim nasan a gel thei ta puoh a.

JEREMIA 15:11

Lalpa chun, Tihtakzet in chuh thilpha a dingin hun hun sudet ing ka ting; tihtakzet in chuh siet ni leh gimtheih ni’n melma chuh na kawmah khutdawh sak ing ka, a ti a.

2 SAMUEL 14:18

Chun, lengpa chun a dâwng a, numei kawm achun, “Ka hun dawt taphawt chu kei kawmah bangmah îm nei ki’n aw?” a ti a. Chun, numei chun, “Lengpa ka pu chun hun gen in le,” a ti a.