JEREMIA 32:41 - PATHIEN LEKHABU THIENGTHO (BSI)

⁴¹ Ahi, amau phatna ding hih chuh ka kipahlam hi’n tin, zie gam ahin ka lunggil chengcheng leh ka thagau chengcheng in phutdet ngêi ing ka.”

JEREMIA 32:41 ပူးပေါင်းရင်းမြစ်များ

JEREMIA 24:6

A phatna dingun a chungu ah ka mit chuk sak ka ting, zie gam ahin puikit ing ka. Amau haw tung ding kit ing ka ting, bawt dawk puo’ng ka ting, phutdet ing ka ting, hihsie puo’ng ka.

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

AMOS 9:15

Chun, a gam ngêi uh achun amau haw phut ing ka ting, a kawm uh a ka piek, a gam uh apat chun bawhdawk in um kit ta puo’n au,” Lalpa Pathien chun a tii.

ISAI 62:5

Tangval in nungak thiengtho zi a a neih sek bangin, Nang hun siempa chun hun kichên pih ding ahi. Chun, moneipa chuh mo chunga a kipah bangin, Na Pathien chuh na chungah kipâk ding ahi ta ngâl a.

ISAI 65:19

Jerusalem chung achun kipâk ing ka ting, ka mite chung ale kipâk ing ka ting. A sung achun kah thawm het hita puo’n tin, beidawng te kiko git le zak hi ta puo’n a.

JEREMIA 31:28

Chun, hiti hi hi’n tin, amau haw bawt dawk a, susie a, paihmang a, hihmangthai a, sugimthei dinga ka chan bang khan, amau haw siempha ding leh, tung ding dingin en tha’ng ka.

JEREMIA 18:9

Chuleh, bangtik inle namte chungah ahim, gam chungchâng thu ahim ah siem ing ka ting, phutdet ing ka ti’n a na gen ta leng le,

DAN NIHNA 30:9

Khutichun, Lalpa na Pathien un na khut nasepteu chengcheng leh na chalenau teu leh na gancha no teu leh na lei gah teu chuh Lalpa na Pathien un nasa takin hun sukpun sak intin, na pileputeu chunga a kipah guol khan nang u chunga le kipâk intin, khawsathei taka hun kawih ding ahi ngâla;

DAN NIHNA 28:63

Na chungu a thilpha bawla hun sukpun hi Lalpa thalawp lam tak ahih guol mah khan na chungu a sietna tun sak a hun sukmangthai chuh Lalpa thalawp lam tak hung hi’n tin, luoh dinga na lutnau gam apat hin bawhdawk hung hin lau.

SAM LEHKHABU THE PSALMS 80:8

Aigupta gam apat in grep gui na hun puoh a; Namte chuh na nawhdawka zie chun na phut ta a.

ISAI 62:4

“Hetngilh a um,” tih hita puo’n na tin; na gam chule “Suksieta um,” tih hi diek tapuo’n tin; Hebhzibah “Kipak taka kichênna,” tih hi zaw ta’n a. na gam chule Beulah tih hi’n a; Lalpa chuh na chungah a kipâk ta ngâl a, na gam a ding chun pasal hi ta’n a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

EZEKIEL 36:36

Chun, kei Lalpa hin mun chimsa haw chuh ka sapha kita, gam keusa chuh ka kiduohsak kit ahi tih na kimvel u a namte chun hen au. Kei, Lalpa hin ka gen ta a, hih ngêi ding ka hi.”

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;