JEREMIA 31:3 - PATHIEN LEKHABU THIENGTHO (BSI)

³ Masanga ka kawma hung kilak Lalpa chun hiti hin a tii, A hi, lainatna tâwp lo in ka hun lainat a: zieziekchun, nanga dingin ka ginum zing hi.

JEREMIA 31:3 ပူးပေါင်းရင်းမြစ်များ

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

HOSEA 11:4

Mihing khauhuol, lungsietna khaugui haw chun amau ka kai a. Dawm sangin, ka bieng tawh ka sutuoh a; a masang u a kun in nek ding ka pie a.

DAN NIHNA 33:3

Ahi, chitin te chuh a hehpih a; A mi thiengthote chengcheng chuh na khut ah a um ui; Na keng bul ah a chuu a; Na thupiek chuh a pawm chiet ui.

1 JOHAN 4:19

Pathien in eihaw ei hehpih masak ziekin, amah I hehpih uh ahi.

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

ROME 8:30

Chun, a guotlawkte chuh a sama, chun, a sapte chuh thiem le a chansaka, chun thiem a chansakte chuh a limbawl hi.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

MALAKI 1:2

Lalpa chun a mite kawmah, “Ka hun lungsiet zingzing hi,” a ti a. Himahlele, nang u chun, “Bang akhan e kei uh nei lungsiet?” na tiu a. Lalpa chun a dâwng a, “Esau chuh Jakob suohpih hilo ahim? tih hi Lalpa kamsuok ahi: hilele, Jakob chuh ka hehpih a.

DAN NIHNA 10:15

Ahihziekin, na pileputeu hehpih chuh a thalawpna lam ahi a, a suonteu nang haw hi nam dang chengcheng sanga a nam tel na hi tau hi, tunia guol ngêi hin.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

SOLOMON LA 1:4

Ei kai inla, hun zui ing ka, ei puilut tai, leng chun a indan sung ah; nangmah a chun lâwpin kipâk ing kau, gen zel ing kau na hehpihna, uain sang in, a hun hehpih takzet ui.

HOSEA 11:1

Lalpa chun, “Israel chuh a naupan lai apat in ka lungsiet a, Aigupta gam apat ka chapa dinga ka sap dawk ahi.

DAN NIHNA 33:26

“Aw Jeshurun Pathien tawbang khat le a um puoi, A hun panpih dinga van a chuonga, A thupi na a meipi chunga chuong chuh!

DAN NIHNA 4:37

Na pu na pateu a hehpih ziekin a nung u a a suonteu chuh a hun tel a, a umpihna leh a hatna nasatak chun Aigupta apat a hun puidawk a;

JAKOB 1:18

A thilsiem haw laka gah masa I hung hih theihna dingun, amah deihlam a Thutak a chuh ei hin uh I hiu hi.

ROME 9:13

“Jakob ka hehpih a, Esau vang chuh ka hâwi,” tih zik guol khan.

SAM LEHKHABU THE PSALMS 25:6

Aw Lalpa, na lainatnate leh na chit zie te chuh hezing inla: Malai pek a kumlekhuo a na um ahi ta ngâl a.

1 LENGTE 10:9

Lalpa na Pathien, na chunga kipâk mah mah, Israel te lalchutphah a hun chut sak pa hi pahchak in um hen; Lalpa’n Israel te hi kumlekhuo’n a hehpih a, zieziekchun diktak a vaihawm dingin leng in a hun siem na hi hi,” a ti a.

ISAI 43:4

Aziek chuh, ka mit muh a lul tak leh zahum tak na hiu a, nanguh ka hun lungsiet a, ka hun hehpih ziekin nanguh sika thuok dingin nam dangte ka piedawk a; na hinnau thatheng in namte chuh ka piedawk tai.

ISAI 49:14

Himahleh, Zion chun, “Lalpa’n ei taihsan ta a, ka Lalpa chun ei hengilh tai” a ti a.