JEREMIA 30:3 - PATHIEN LEKHABU THIENGTHO (BSI)

³ Ngaitie, Israel leh Juda, ka mipite saltanna apat a ka puih kitna ding nikhuo chuh a hungtung tai! gam, amau haw suonte kawma ka piek achun puikit ing ka ting, luoh ta’n au tih hi Lalpa kamsuok ahi,” ti’n Lalpa’n a tii.

JEREMIA 30:3 ပူးပေါင်းရင်းမြစ်များ

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

JEREMIA 16:15

Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.

EZEKIEL 20:42

Israel gam, khut zak zet a na pileputeu piek ka na tiem gama chuh ka hun puih tieng chuleh Lalpa chuh ka hi tih heta’n lau.

JEREMIA 30:18

Lalpa chun hiti hin a tii: “Ngaitiem u, Jakob puon-In chuh tung ding kit ing ka ting, saltângte chuh puikit ing ka. A chênna mun haw lungsiet ing ka, a khawpite chuh a um guol ngei mah chun um sakkit hin tin; a leng In chuh a umdan ngei mah in ding kit ina.

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.

JEREMIA 33:26

Jakob suonte leh ka suok David suon te chuh paih tha’ng ka, Abraham te, Isak te, Jakob suonte chunga vaihawm dingin a suon la mang ing ka: a saltannau apat vaihkit sak ing ka ting, a chunguh ah lungsietna nei ding ka hi ngâla.”

JEREMIA 32:44

Benjamin gam haw leh, Jerusalem khawpi kimvel haw, Judai gam khawpi haw ah, tânggam khawpi haw ah, phaigam khawpi haw ah leh simlam khawpi haw achun, mite chun dangka’n lo chawu un tin, kichawkna lehkha zik untin, sudet un tin hetpihtu ding sam un au; tichun amau chuh vangsak ing ka ting tung ding kit ding ka hi, tih hi Lalpa kamsuok ahi.”

HEBRAI 8:8

Himahleh, amau chuh dem in ziehaw hi a gen ta ngâl a: “Ngaitie, a nikhuo haw hungtung ding a hii, Lalpa’n a tii, Zie nikhuo haw achun Israel inkawte leh, Juda inkawte kawm achun thugawlh thak siem ing ka.

JOEL 3:1

Lalpa chun, “Ngaitiem u, zie hun achun Juda leh Jerusalem a mite, saltângte chuh lamzang takin umsak kit ing ka ting.

EZEKIEL 36:24

Namte lak apat chun hun puidawk ing ka ting, gam tin apat chun hun puikhawm ing ka ting, na gam ngêi u a chun hun puilut ding ka hi ngâla,

SAM LEHKHABU THE PSALMS 53:6

Aw Israel hukdampa chuh Zion apat in hung pawt ta maizen le chu aw! Pathien in a mite chuh a vangsak kit phat leh, Jakob chuh lawp intin, Israel chuh kipâk ta’n a.

LUKE 21:6

“Zie na thil muh teu hi, sukchip loh a suong kitieng himhim taka hin um puo’n a, khutibang ni chuh hung tung ina,” a ti a.

LUKE 19:43

Na gâlteu in na kim vel u a kulhte siem a, ning tina hun um kim vela, pawt thei lo a a hun chenkhum hun uh hung tung ding ahi.

LUKE 17:22

Chun, amah chun a sinsakte kawm achun, “Mihiem Chapa dam lai nite hi, ni khat bêk hi na muh nawp hun uh hung um ina, himahlele, na muh theih loh niu hungtung ding ahi.

EZEKIEL 47:14

Na pileputeu kawmah zie gam hi, a goluoh ding u a piek dingin ka na kipautiem ta ngâl a, zieziekchun, tuhin, na laku ah kibang chiet a na kihawp dinguh ahi.

JEREMIA 32:37

Ngaitie, ka lungnatna leh ka lunghihlohna leh ka thangtawmna nasa taka amau haw ka nawhdawkna gam haw cheng apat in puikhawm ing ka ting, zie mun ahin hun puikit ing ka ting, bit takin um sak ta’ng ka.

JEREMIA 31:38

“Ngaitie, nite chuh hungtung ding ahi, Hananel insang apat in kulh ning kawtkhak tiengin Lalpa a dingin khawpi chuh siem ahi tih hi, Lalpa kamsuok ahi.

JEREMIA 31:31

Ngaitie, nite chuh hungtung ding ahi, tih hi Lalpa kamsuok ahi. Zie nihaw achun, Israel inkawte leh Juda inkawte kawm achun thugawlh thak siem ing ka.

JEREMIA 31:27

Lalpa chun, “Ngaitie, nite chuh hungtung ding ahi. Israel inkuonte leh Juda inkuonte gam achun, mihing leh gancha dim sak ing ka.

JEREMIA 30:10

“Zieziekchun, aw ka suok Jakob, lau hiel ki’n, aw Israel mipite haw, tiza hiel kiu in, Lalpa’n a tii. Ngaiin, gamla tak apat in hun hukdawk ing ka ting, na suonlepak teu chuh a saltannau apat, Jakob ngêi chuh vaikit intin, kichawldam ta’n tin, kuoma’n sulau kit ta puo’n au.

JEREMIA 27:22

Babulon lama puih hiu untin, amau haw ka hung vehthak kit macheng in zie tak achun um zing un tin, chun, puikit ing ka ting, zie mun a hin puikit ing ka, tih hi Lalpa kamsuok ahi.”

JEREMIA 27:11

Himahleh, Babulon lengpa namkawl puo nuom a, a na sem nuom cheng chuh a gam u ah um sak ing ka ting, lei let un tin, zie mun achun cheng zing un au, tih hi Lalpa kamsuok ahi.

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

EZRA 3:12

Thiempu leh Levi chite leh inkuon lawiupa tamtak, Ho-In masa a na mu teksie te chuh, zie suongphum chuh a muh un ngeih tak in a kiko u a.

EZRA 3:8

Chun, Jerusalem a Pathien Ho-In a tun kit nung uh, kum nih na, tha nih na a chun Shealtiel chapa Zerubabel leh Jozadak chapa Jeshua leh a suohpih thiempu leh Levi chi dangte leh Saltâng vaikit Jerusalem a hung tung chengcheng te chuh tawh a kipan u a; Levi chite kum sawmnih apat a chunglam chuh Lalpa in sakna a hotu dingin a guot u a.

EZRA 3:1

Chun, tha sagih a hung hita a, Israel te chuh khawpi haw a chun a cheng u a; tichun, abawn u chun Jerusalem ah mi khat bang mai in a kikhawm u a.

DAN NIHNA 30:3

Lalpa na Pathien un na saltannau subei intin, hun lungsiet intin, Lalpa na Pathien un namtin laka a hun thehzak na apat hun puikhawm kit ina.

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”

DAN NIHNA 30:5

Chun, Lalpa na Pathien un na pileputeu luohna gama khan hun puilut kit intin, luoh in na tin un; chun, amah chun hun hih lamzang intin, na pileputeu sanga khawsathei zaw leh tamzaw’n hun siem ina.

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

JEREMIA 29:10

Chun, Lalpa’n hiti hin a ti ngâl a, ‘Babulon a dinga kum sawmsagih a tin tieng leh hun veh-tha kit ing ka ting, na kawmuh a ka thutiem phatak chuh muolsuoh ing ka ting, zie mun ngêi ahin hun puikit ing ka.

JEREMIA 30:4

Israel leh Juda chungchanga Lalpa thugen haw chuh ziehaw hi ahi.

JEREMIA 31:16

Na kahlai hai inla, na mitthitui thiek hul in, na chate dinga na thilhih hi kipahman piek loh in um puo’n a; melmate gam apat in hung vaikit ding a hi ngâl uh a, tih hi Lalpa kamsuok ahi.

JEREMIA 51:60

Chun, Jeremia chun Babulon a sietna hung tung ding chengcheng, Babulon chung châng a thu kizik chengcheng hi lehkhabu ah a zik a.

SAM LEHKHABU THE PSALMS 126:4

Aw Lalpa, sala ka tan u hi ei puikit inla, Simlam a luicha haw tawbang in.

EZEKIEL 34:13

Chun, mite lak apat chun puidawk ing ka ting gam tin apat chun puikhawm ing ka ting, amau gam ngêi achun pui ing ka; Israel tâng chung haw, lui pang haw leh mi chênna mun chengcheng achun tat sak ing ka.

ZEPHANIA 2:7

Tichun, Tuipi pang gam chuh Juda inkuon umna lai sunte’n luoh un tin, zie tak achun a belam hawnteu chuh tau un tin, nitâk lam leh Ashkelon khuo hawa chun giek un au. Lalpa a Pathien u chun amau haw chuh hun tawhtha kit intin, a saltannau apat chun tungdawk kit ina.