JEREMIA 3:6 - PATHIEN LEKHABU THIENGTHO (BSI)

⁶ Ziehaw lo chule Josia vaihawm lai in Lalpa’n ka kawmah hiti hin a gena; “Nungchawn hât Israel thilhih kha na mu? Tang sang chung tin ah a chieh to a; thingbawk nuoi tin chenga hûkna thil a hih te khah?

JEREMIA 3:6 ပူးပေါင်းရင်းမြစ်များ

EZEKIEL 23:11

“Chun, a suohpihnu Oholibah chun zie chuh mu mahleh a unu sang chun a mi deihchakna achun a huoisie zaw a, a hûkna chule a unu hûkna sang chun a khawk zaw a.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

EZEKIEL 16:31

Lamtuongpi lutna cheng achun milim hona in na sa a, kawtthêl tin achun thawihmuol na siem a; ahi’n, lawh na delh loh ziek hin nawhchizuok maimai le na hi puoi.

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

JEREMIA 7:24

Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.

JEREMIA 3:8

Chun amah chun nungchawn Israel chuh a zawlsaih zieka ka mâk a mâk na lehkha ka piek a muh sa sa’n le a suohpihnu thep mang Juda chun a lau diek puoh a, zie malak chun, a va chieh a; hûkna thil a va bawl zaw ta a.

ISAI 57:7

Tang sang leh lopite chung achun na kipawlthanghuoi u a, zie tak achun Molek kawmah na kithawi sek u a.

1 LENGTE 14:23

Amau haw chun le tângsang cheng leh thing hing nuoi tin achun thing milim te, mihing lim te leh, munsang haw leh Asher te lim a siem u a.

2 KHANGTHUBU 34:1

Chun, Josia chu Juda te chunga leng a hung hih in kum giet a upa a hi a, Jerusalem ah kum sawmthum vai a hawm a.

JEREMIA 1:2

Juda leng Amon chapa Josia hun lai a a vaihawm kum sawmlethum na achun Lalpa thu chuh ka kawmah a hung tunga.

JEREMIA 5:11

Israel inkuonte leh Juda inkuonte chuh ka chungah gukhah takin thil ahih ta ngâl u a, Lalpa’n a tii.

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

JEREMIA 31:22

Aw nang, chanu nungchawn, bang chan ahim na zawn vak ding? Lalpa chun lei ahin thil thak a siem ta a, numei in pasal hum zaw ta ding ahi,” ti’n.

EZEKIEL 23:4

A upazaw nu min chuh Oholah ahi a, a naunu min chuh Oholibah ahi a; keia a hung hi tau a, chapate leh chanute a nei u a. Chun, a min u chuh ahihleh, Oholah chuh Samari ahi a, Oholibah chuh Jerusalem ahi.

HOSEA 4:13

Tangsip haw achun a kithawi u a, muol vum a thing sangte leh thing nuoi lim muntin haw achun kithawi in gimlimte a hâl u a, a limte chuh anawp bêk ziekin! “Zieziekchun, na chanuteu chun nawhchizuok a sin u a, na moteu chun le zawl a saih lawh tau hi.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

VAIHAWMTE 2:17

Khutisa chun le a vaihawmteu thu chuh a pawm puou a, pathien dangte kawmah zawl a sai u a; a masang u ah a khun zaw tau a, a pileputeu in Lalpa thupiek te pawm a a hawh sek uh lampi chuh a petsan pai zieng tau a.

SAM LEHKHABU THE PSALMS 106:39

Khutichun a nasephawu ziek chun a kisubuok u a, A thilhih hawu a chun ana zawlsai tau a.

ISAI 57:3

Himahleh, nanguh mitvaidawite chapate, zawlsaite leh nawhchizuok chate haw, ei hun naih un.

EZEKIEL 16:35

“Zieziekchun, Aw nawhchizuok nu, Lalpa thu hi ngaiin!