JEREMIA 3:25 - PATHIEN LEKHABU THIENGTHO (BSI)

²⁵ Zakcha’n kuol hitiu ie, I zahhuoi nau in ei khuh hen; Lalpa Pathien chung ah thil I hihkhiel u a, eihaw leh ei suon teu in I khangdawng lai u apat in tuni tieng hin Lalpa Pathien kamsuok I awih loh ziekun.

JEREMIA 3:25 ပူးပေါင်းရင်းမြစ်များ

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 2:26

Gucha matdawk ahih a a zahchâk bangin, Israel inkuon te le a zakcha tau hi, a leng teu leh a milien teu, a thiempu teu leh a thiemgau teu chun.

ROME 6:21

Tu a na thil zahpih hawu ahin, zielai khan gah bang ahim na muh sek uh leh? Zie thil haw tawpna khah thihna ahi sek a puo.

DANIEL 12:2

Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

EZEKIEL 36:32

Nang haw zieka ziehi hih ka hi puoi tih hi heu in, Lalpa Pathien chun a tii. Aw Israel inkawte, haw. na umdan ziekun zakchau inla, khunchak zieng un!”

EZEKIEL 7:18

Kawlladip puon cheng intin un, lauhna’n amau chuh tuom intin, a mel u ah zahchâkna kilang intin, a luchang chengcheng u chuh kawlh vek ina.

SUNNA LA 5:16

Ka luchang u apat lallukhuk a kie ta a; ka na gilo tau a ka chunguh a gik tai.

SUNNA LA 5:7

Ka pileputeu chu a na gilo tau a, himahleh tuhin a um zo ta puou a; A gitloh manteu chu kei un ka puo tau hi.

JEREMIA 6:26

“Aw ka mi, ka chanu saidippuon cheng inla, vut lak ah kibuol in. Chapa changkhat sun bangin sun inla, kap buoh buoh in. Thakhat in sugampa chuh na chung ah hung tung ding a hi ngâla.

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:2

Chieh inla, Jerusalem zak in kiko inla, Lalpa’n hiti hin a tii, ti’n: “Na khangdawng laia na nunnem zie te; kihuol laia nei hehpih ziete khah ka hezing hi. Gamgaw muntin ale nei zui a, bangmah chin khâk loh na gam haw ale nei zui sek kha.

ISAI 50:11

Himahleh, nangmau meisel kidet a, thal kuong thei chawite haw, na thal kuong thei vak uh a chun khawsa himhim tiem u, Lalpa khut na thuok ding u chuh gim-um leh huoisie tak hiding ahi.

ISAI 48:8

Mi genhakte ti a heta um zing na hih ziekun, gingcha puo’n lau tih ka he him hi. Ziehaw chuh na bil u a a lut khâk loh ziekin, ziehaw hi na helo him uh ahi.

THUCHINGTE 5:13

Ei sinsakte thu ka na zawp puoh a, ei sinsakte lama le ka bil ka na dawh puoh a:

SAM LEHKHABU THE PSALMS 109:29

Ei dote chuh zahchâkna puon silh sak in um u hen la, Puonâk a kituom guol in amau haw chuh muolpho na’n kituom u hen.

SAM LEHKHABU THE PSALMS 106:7

Ei suonteu khan Aigupta gam ah na thilmak hih haw khah a ngaihtuoh puou a; Na zahngaihna nasa tak kha a hezing ta puou a; himahleh, Tuipi San ah khan Chungnung pên pa kalh in a hel zaw tau a, Tuipi San ngêi a khan.

VAIHAWMTE 2:2

Tichun, zie gama cheng te haw hi tawh thugawlh siem kiu inla, a maichâm teu chuh sukchim sak un, ka ti a. Himahlele, ka thupiek na zawp puou a, bang ziekin ahim hitibang a hih na um uh?

SAM LEHKHABU THE PSALMS 106:6

Kei u leh ei suonteu khan thil ka na hihkhiel u a, Thil gilo ka hih u a, nunsie takin ka na hih tau hi.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 8:14

“Bang zieka chu hiet hiet I hiu hi? Hung kikhawm unla kulh nei khawpi haw achun lut hitiu; tichun, zie chun mangthai khawm vek hitiu Lalpa chunga I gitloh tâk ziekun, Lalpa I Pathien un thihna gu ei dâwn sak in, thihna ah ei kawih tai.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

JEREMIA 14:20

Aw Lalpa, ka pileputeu nunsiet zie teu hi ka phuong u a, na chungah ka hihkhiel ta ngâl u a.

JEREMIA 20:18

Bang zieka semgim leh lungkhamna hi mu dinga, ka damsung nite zahchâkna leh hih mangthai a um ding chauh a, sûl apat a hung pawt khel khel ka hi die aw?

JEREMIA 31:19

Nang apat in ka kihei mang tau a, himahleh, ka kisika, keihaw nei gawt nung chun, lungkham in ka luchang uh ka khun thau a, ka tanglak lai uh gitlohna haw ziek chun zakcha’n, ka san hut hut hi!” ti’n

EZEKIEL 2:3

Chun, ka kawmah, “Mihing chapa, kiphin hât Israel chate, ka chunga hel sekte kawm achun ka hun sawl na hi: amau leh a pileputeu in le tuni chan gei hin ka chungah a bawhsie sek u ahi.

THUCHINGTE 13:18

Hilhgaihna deihlote chung achun chatgahna leh muolphona tung intin, mahleh, hilhgaihna ngaisang mi chun vang zahna dawng in a.

JEREMIA 7:19

Kei ka hi ei suklungnat uh, Lalpa’n a tii. Amau haw zahchâkna dingin amau haw hizaw lo maw?

JEREMIA 9:18

“Hung kinawh u henla, ei hung kah khum u hen. I mitthitui luonnau, I mitvun u a mitthi tui a pawt theih na dingin.”

JEREMIA 11:13

Aw Juda, na pathiente chuh na khawpi zah hielin a tam u a, thil zahchâk um tak, Baal kawma gimlim hâlna ding maichâm Jerusalem kawtthêl zah hiel na zahchâkna dinguh na siem tau a.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

EZEKIEL 44:13

Tichun, Keia dingin thiempu na sem ta puou un tin, ka thil thiengthote le hun naih ngei diek ta puo’n au. Zie chuh a thil kihdak-um hihteu zieka gawtna ding chuh ahi.

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

ZEPHANIA 1:17

Lalpa chun, “Mihingte chungah gimtheihna tun sak ka ting, mitdûk bang mai in kimai viel dut dut un au. Ka chunga a gitloh tâk ziekun a thisan u chuh tui bangin sung tha’ng ka ting, a thi luongteu chuh tuol ah muot zeng zung in a.”