JEREMIA 3:23 - PATHIEN LEKHABU THIENGTHO (BSI)

²³ Tang haw apat a hukdamna kinep chuh a thâwn ahi a, tâng chunga thawm gi hum hum te haw chuh. A diktakin Israel hukdamna chuh Lalpa I Pathien u a um ahi.

JEREMIA 3:23 ပူးပေါင်းရင်းမြစ်များ

SAM LEHKHABU THE PSALMS 3:8

Hukdamna hi Lalpa a ahi: Na vangsakna chuh na mite chungah um hen. Selah

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

JOHAN 4:22

Nang un na het loh uh na chibai sek ui, kei hawn vang ka het u chuh ka chibai sek ui; hukdamna chuh Judate kawm apat hung tung ding a hi ngâl a.

HOSEA 1:7

Himahleh, Juda inkawte chuh vang lungsiet ka ting, thalpi ahim chemzâm ahim, kidona ahim, sakawl ahim sakawl chung chuong mi ahim a amau haw hukdawk lo in, kei Lalpa a Pathien u hin hukdawk ing ka,” a ti a.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

JEREMIA 17:14

Aw Lalpa ei hihdam inla, tichun, dam ing ka, ei hukdam inla, tichun, bit kêi in um ing ka. Ka pahchak zing sek chuh na hi ngâl a!

JEREMIA 14:8

Aw nang Israel te kinepna, lungzîn laia hukdawkpa. Bang zieka zie gam ahi malzin zan khat giek a zin bang mai a um na him?

JEREMIA 3:6

Ziehaw lo chule Josia vaihawm lai in Lalpa’n ka kawmah hiti hin a gena; “Nungchawn hât Israel thilhih kha na mu? Tang sang chung tin ah a chieh to a; thingbawk nuoi tin chenga hûkna thil a hih te khah?

ISAI 63:16

Abraham in kei uh ei na helo in, Israel in kei uh ei na limsak kimahleh, Aw Lalpa nang chuh ka pau na hi a, na min chuh malai apat a kei uh ei Tandawkpa na hi.

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

ISAI 45:15

Nangmah ngêi chuh amah leh amah kiselgu Pathien tak tak chuh na hi, Israel Pathien, a mite Hukdampa ngêi chuh!

ISAI 44:9

Milim pathien siemkawm te chuh bangmahlo ahiu a; a thil deihlam teu chuh phatchuomna um diek puo’n a. Zie tawbang pathien hote chuh mitdûk leh bangmah helo ahiu a, hung muolpho tei ding ahiu hi.

ISAI 43:11

“Kei, Kei mai hi Lalpa chuh ka hi a, Kei tih loh Hukdampa dang a um puoi.

SAM LEHKHABU THE PSALMS 62:7

Pathien kawmah ka hukdamna leh ka lopina a um a: Ka hatna suongpi leh ka kihumbitna chuh Pathien ah a um hi.

THUCHINGTE 21:31

Sakawlte chuh kido ni a dinga guonggalh ahiu a, himahleh zawhna vang chuh Lalpa a um ahi.

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

JEREMIA 31:7

Lalpa chun, “Jakob a dingin kipâk in la sau unla, nam lopite lak achun kiko dawk un, phuongdawk unla, pakchau un, aw Lalpa chun Israel nutsieh a um te hi na hukdawk tai,” tiu in.

ISAI 10:20

Zie ni chun mi tawmcha mai vaikit un au. Israel te a na umsunte leh, a suokcha sunte chun amau haw sumangthaite chuh gingcha ta puou untin, Israel Mi thiengtho chuh tihtakzet in gingcha zaw ta’n au.