JEREMIA 3:21 - PATHIEN LEKHABU THIENGTHO (BSI)

²¹ Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

JEREMIA 3:21 ပူးပေါင်းရင်းမြစ်များ

2 KORINTH 7:10

Pathien lunglam banga lungkhamna chun, hukdamna dingin, kisikna lungheina chuh a siem zaw sek a; mihing lungkhamna vang chun, thihna a sem zaw sek hi.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

JEREMIA 3:2

Tang kawlh velvul lam akhun na mit thawlh viel inla, entie, a hun kuolpih loh na mun uh a um em? Gamthip a Arabia mi bang mai in, amau haw ngak in lamsîk ah na chu zing sek a. Na gitloh na leh na hûknate ziekin gam chuh a buok zo tai.

JEREMIA 2:32

Nungak in a kicheina haw a hengilh in, mo thak in a kithuomna a hengilh thei em? Ka mite’n vang ei hetngilh niu hi simsen ding guol ahi ta puoi.

ISAI 17:10

Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

MIKA 3:9

Nang haw Jakob insung mapuitute leh Israel insung vaihawmte, vaihawmna dik deihlo a, dikna tin cheng lehbulhte haw; ziehi ngaitha dingin ka hun ngên hi!

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

EZEKIEL 23:35

Zieziekchun, Lalpa Pathien chun hitihin a tii: Nei hetngilh a nei nutsieh tâk ziekin, na hûkna leh na nawhchizawkna mawh chuh na puok ding ahi, ti’n.

EZEKIEL 7:16

Ahihziekin, a suokcha a taidawk a um chun, luiphai vakhu guolin tâng chung haw achun muhdawk in um in tin, amau chiet gitlohna ziekin thum leh mau in um in au.

THUCHINGTE 19:3

Mi, a ngawlna chun a lampi a suksiet sak sek a, a lungthim chuh Lalpa chungah a lungna sek hi.

THUCHINGTE 10:9

Mi diktat chuh hangsan takin a chieh a, himahleh, lam diklo zuite vang chuh hetdawk in um in au.

JOB LEHKHABU THE BOOK OF JOB 33:27

Tichun, mite masang achun la sa’n: “Ka gilo a, thil dik chuh ka na chiehmangsan ta a, Himahleh ei dinthuk puoh a.

KISIMNA 22:32

Lalpa Vânsâwlchâk chun a kawmah, “Bang a ti a zie bang a chuh na sabiltung thumvei hiel na zêp ahim? Ngaiin, ka masang apat na chiehkhelh tâk ziekin a hun dal dinga hung dawk ka hi;

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

JEREMIA 12:12

Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

JEREMIA 13:25

Ziehi na chanvo, nang a dinga ka hun guotsak chuh ahi. Nei hengilh a lepchieh na taksan ziekin tih hi Lalpa kamsuok ahi.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.