JEREMIA 3:2 - PATHIEN LEKHABU THIENGTHO (BSI)

² Tang kawlh velvul lam akhun na mit thawlh viel inla, entie, a hun kuolpih loh na mun uh a um em? Gamthip a Arabia mi bang mai in, amau haw ngak in lamsîk ah na chu zing sek a. Na gitloh na leh na hûknate ziekin gam chuh a buok zo tai.

JEREMIA 3:2 ပူးပေါင်းရင်းမြစ်များ

JEREMIA 2:20

Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

JEREMIA 2:7

Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

THILSIEMBUL 38:14

Tichun, amah chun a meithai van haw chuh a suttha a kikhuhna puon in a kikhuh a, a kituom a, Timnah khaw lampi a Enaim kulh kawtkhak achun a na chu a; Selah chuh piting ta mahleh, a pa chun a zi dingin a neihsak lo ding ahi tih a he ngâl a.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

DAN NIHNA 12:2

Na va luoh dingu gama cheng nam haw chun tâng tin muol tin chung leh thingbawk tincheng nuoia a pathienteu na a sepna mun chengcheng teu chuh na suksiet suok kêi dinguh ahi

LUKE 16:23

Chun, mithi khuo achun na thuok himhim in a um ta a; tichun, a vak dâk a, gamla taka Abraham ângsung a Lazarus um chuh a vak mu ta a.

EZEKIEL 16:16

Na silhlechente’n lo-le-âi bawl mun haw na zem hawih a, zie chun na kizuok a. Zie tawbang hi a um kha nai puoh a, um le um kit ta puo’n a.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

JEREMIA 3:21

Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

JEREMIA 3:9

Chun, a hûk thanghuoi na haw ziek chun gam chuh a buok zo ta a, thingbul suongbul kawmah zawl a sai ta a.

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

THUCHINGTE 23:28

Ahi, gucha bangin kuolsa’n mi a châng u a, mihingte lak achun ginum lohna a hih pung sek ui.

THUCHINGTE 7:11

Numei hangsan tak leh zahchâkna bei; khawlai a mawk vak viel viel mi ahi a.

2 LENGTE 23:13

Chun, Jerusalem kienga Sietna Tang changlam panga Sidon Pathien kihdak-um tak, Asteroth a ding te, Moab te pathien kihdak-um tak Kemosh a ding te, Ammon suonte pathien kihdak-um tak Milkom a ding te, Israel leng Solomon in munsang a siem haw chu lengpa chun a subuok a.

1 LENGTE 11:3

Chun amah chun zipi zasagih, leng chanu haw a nei a, mei zathum tawh; a zite chun a lunggil a puih kawi sak tau hi.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

SAM LEHKHABU THE PSALMS 106:38

Sietna neilote thisan, a chanuteu leh a chapateu thisan ngêi chuh a suoh tau a, Ziehaw chun Kanaan gama milimte kawmah a kithawi u a; Zie gam chuh thisan in a hung buok ta a.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 12:12

Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.