JEREMIA 3:18 - PATHIEN LEKHABU THIENGTHO (BSI)

¹⁸ Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

JEREMIA 3:18 ပူးပေါင်းရင်းမြစ်များ

JEREMIA 31:8

Ngaitie, amau chuh mâllam apat in hun pui ing ka ting, kâwl mawng tâwp pên apat in hun puikhawm ing ka. Tichun, mitdûkte, kêngbâite, numei nauvawpte leh nauhanatte, mipi tamtak tawh hungtung khawm un au!

AMOS 9:15

Chun, a gam ngêi uh achun amau haw phut ing ka ting, a kawm uh a ka piek, a gam uh apat chun bawhdawk in um kit ta puo’n au,” Lalpa Pathien chun a tii.

HOSEA 1:11

Tichun Juda mite leh Israel mipite chuh hung kizawm khawm kit untin; khatvei chuh a gam uh ahin hung paklun kit ding ahiu ui. Ahi, Jezreel ni chuh lopi ding ahi ngâl a.

JEREMIA 50:4

“Zie ni leh zie hunhaw achun, Israel leh Juda mipite chuh kap kawmin hung un tin uh, Kei, a Pathien uh hi ei hun hawl un au,” tih hi Lalpa kamsuok ahi.

JEREMIA 23:8

Himahleh, mâllam gam leh, a delh zakna gam haw cheng apat a Israel inkuonte puidawk a puipa Lalpa chuh a hin zing bangin, ti zaw ta’n au, tichun, amau gam ngêi ah cheng un au.”

JEREMIA 16:15

Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.

JEREMIA 3:12

Chieh inla, zie thu hih mâllam ah va phuong ah, tih hi Lalpa kamsuok ahi. “Nungchawn hât Israel, hung vaikit in, Lalpa’n a tii. Lungnat mel in hun en puo’ng ka ting; mi lungsiet thei tak ka hi ngâla. Kumkhuo’n lungna puo’ng ka tih hi Lalpa kamsuok ahi.

ZEKARIA 10:6

Chun, Juda insung chuh suhat ing ka ting; Joseph insung chuh hukdawk ing ka, puikit ing ka ting, amau haw ka lainat ngâl a. Ka paih thak loh bang mai in, Kei, Lalpa a Pathien u chuh ka hi ngâl a, a pauchamnateu chuh dâwng ing ka.

HOSEA 11:12

Lalpa chun, “Israel chate chuh lepchieh leh thepna’n a ûmkimvel a; Juda mipite chuh Kei, Pathien ginum leh thiengtho do in a kiphin zing uh ahi.

JEREMIA 50:20

Zie ni leh hun achun Israel thulimlohna chuh hawl untin uh, mahleh mu puo’n au. Juda thilhihkhelh le muh ding um diek puo’n a; a um dinga ka sîtte chuh ngaidam ding ka hi ngâla, tih hi Lalpa Pathien kamsuok ahi.”

JEREMIA 30:3

Ngaitie, Israel leh Juda, ka mipite saltanna apat a ka puih kitna ding nikhuo chuh a hungtung tai! gam, amau haw suonte kawma ka piek achun puikit ing ka ting, luoh ta’n au tih hi Lalpa kamsuok ahi,” ti’n Lalpa’n a tii.

JEREMIA 7:7

Malai apat a na pileputeu kawma ka piek na gam ahin kumlekhuo’n hun chen sak ding ka hi.

JEREMIA 50:5

Zion lam zuona a chiehna dinguh dawng un tin, “Hung tiem u, kumlekhuo a bawhsiet tâk loh dingin Lalpa kawmah thugawlh siem hitiu,” ti’n au.

EZEKIEL 11:17

Zieziekchun Lalpa chun hiti hih a tii: Nam dang haw lak apat chun hun puikit ing ka ting, na kithehzâk nau gam u apat chun hun puikhawm kit ing ka ting, Israel gam chuh hun pie’ng ka.

ZEKARIA 2:6

Khaile hung pawt unla! mâllam apat in taidawk un. Lalpa’n a tii. “Van huih lite bangin ka hun hih zak ta ngâla, Lalpa’n a tii.

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

ISAI 43:5

Lau kiu inla, na kawm u ah ka um ngâl a! “Na suonteu chuh suohlam apat in hun pui ing ka ting, tumlam gam apat in hun puikhawm ing ka.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

HOSEA 2:2

Na nuu hi bawl diek diek un; amah hi ka zi ahi puoh ngâl a, kei le a pasal ka hi diek puoi. A melput mawngmawng apat a nawhchizuok mel a put hi kawihtha hen la, a anglaia kipatin a zawlsaih zawngsak hi haihsan hen.