JEREMIA 3:17 - PATHIEN LEKHABU THIENGTHO (BSI)

¹⁷ Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

JEREMIA 3:17 ပူးပေါင်းရင်းမြစ်များ

EZEKIEL 43:7

Ka kawmah, “Mihing chapa, zie mun hih ka lalchutphah umna mun, ka kêngpêk ngakna, Israel chate laka kumlekhuo a ka chênna ding mun a hi: Ka min thiengtho chuh Israel inkawte’n ahim, a lengteu in ahim pathien dangte hona’n leh a lengteu luong vuihna a mang in, subuok ta puo’n au.

JEREMIA 17:12

Ka Mun Thiengtho uh umna chuh Lalchutphah lopi tak, atûng apat a chawihsân a um tawbang chuh a hi ngâl a.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

JEREMIA 11:8

Mahleh a zui puou a, a bil u le a dawh diek puou a: mitin chuh amah lunggil gitloh na dungzui in a um zaw tau hi. Zieziekchun, zie thugawlh thu a zuih ding u a ka piek hi a zawp nuom puou a, ziehaw chuh a chung u a ka hun tun sak ahi tai,” a ti a.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

ISAI 56:6

Chuleh, gamdang mite Lalpa tawh kizawpna neite; amah nasem ding leh Lalpa min ngainate leh amah nasem nuomte, sabbath nit zingte leh subuok lo te cheng leh ka thuthun tuchak te chuh,

GALATI 4:26

Himahleh, chunglam Jerusalem vang chuh suok ahi puoh a, zie mawng chuh ei uh nu ahi ngâl a.

ROME 1:21

Pathien he ngâl in, Pathien guolin a limbawl puou a, kipah thu le a gen diek puou hi; himahleh, thil manloh te ngaihtuoh in, a lunggil uh a hung thim ta a.

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”

JEREMIA 18:12

Himahlele, amau chun, kinep a um puoi, ka lemguot dân chiet un um ka ting un, mitin amah lunggil gitlohna bangin bawl ung kau,” ti’n au.

JEREMIA 16:12

Chun, nangun na pileputeu sanga phalo zaw’n na bawl u a. Ngaitiem u, mitin in amah lunggil tak na bang zel a um in, kei thu na ngaitha puou ui.

JEREMIA 14:21

Na min ziekin kei uh ei musit ki’n la, na lopina Lalchutphah chuh sumuolpho ki’n, ka kawm u a na thugawlh haw hezing inla, susie ki’n.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

JEREMIA 7:24

Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.

ISAI 66:1

Lalpa chun, “Van ka chutphah ahi a, lei ka keng ngakna ahi: In bang tawbang a nei sak sak dinguh? Ka chawlhna mun ding chuh khawitak ahi?

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 26:8

Ahi, aw Lalpa, na vaihawmna lampi achun ka hun ngak zing u a, ka hinnau in a deihlam chuh na min lawh leh nangmah hetzingna gendawk hi ahi.

ISAI 6:1

Leng Uzziah a thih kum chun Lalpa chuh Lalchutphah sangtak leh lopi taka chawihsâna chu’n ka mu a, chun, a puonsilh mawng chuol chun Ho-In chuh a hihdim vek a.

SAM LEHKHABU THE PSALMS 87:3

Aw Pathien khawpi, Na chungthu lopi takin a gen sek ui. Selah

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

VAIHAWMTE 2:19

Himahlele, hiti hi a hi a, amau puihuoi pên chuh a thih tieng leh a nungchawn kit sek u a, pathien dangte nasem in leh chibai bûk in, zie thu a hin a pileputeu sangin a hung sie zaw tau a; a thilhih sek teu leh a genhak nateu chuh a haihsan loh ziek un.

DAN NIHNA 29:29

“Thil kiselte chuh Lalpa I Pathien uh a ahi a, thil suklat a um haw vang chuh zie dân thu tincheng hi I zuih theihna ding u a kumkhuo a ei u leh I suonteu a hizing ding ahi.

KISIMNA 15:39

Zie mawngnel chuh na et tieng u leh, nang u dingin Lalpa thupiek cheng na hetzing u a na zawp na ding un,

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

ROME 6:14

Gitlohna’n na chungu ah thu nei ding ahi ta puoh ngâl a, Dan vaihawmna nuoia um na hi ta puou a; lungsietna vaihawmna nuoia um na hi zaw ta ngâl u a.

EZEKIEL 1:26

Chun, a lu chung u hun khuh khum khepkhup chunglam achun lalchutphah tawbang, sapphire suong tawbanga kilang hi a um a: chun, lalchutphah tawbang chung achun mihing tawbanga kilang hi a um a.

ISAI 66:18

A thilhih teu leh a thil ngaihtuoh teu chuh ka he vek a. Namtin leh pau tinte sam khawm ding ka hi. Tichun, hungkhawm un tin, ka lopina chuh mu ta’n au.

JEREMIA 3:19

Ken vang nam tamtak laka goluoh ding phapen, gam nuom tak mai hun pieka; cha le naute laka hun kawih ka nawp zie mai chuh! Hepa ti a nei sap a, nei zuih na a petmang lo dingin ka hun gingcha a.

JEREMIA 4:2

Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

JEREMIA 12:15

Chun, hiti hi hi’n tin, ka nawhdawk nung leh amau haw chuh lungsiet kit ing ka, mitin chuh a goluoh ding u leh amah gam ngêi achun puilut kit ing ka.

JEREMIA 12:16

Chun, hiti hi hung hi’n a, Baal kawma ka mite kihâksiel a sinsak bangun, ka min a, ‘Lalpa chuh a hin zing bang in,’ ti a kihâksiel a sin u a, ka mite umdan guntaka a sin u chun ka mite lak ah tung ding ing ka.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

EZEKIEL 48:35

A kimvel in tawng singkhat leh sanggiet hi’n tin; zie ni apat chun khawpi min chuh “Jehovah Shammah” Lalpa umna tih hi ding ahi, ti’n.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

1 LENGTE 8:41

“Ziehaw bân achun na mi Israel te tihloh nam dang mi, na min zieka gam gamla taka kipata a hung uh a;

SAM LEHKHABU THE PSALMS 102:23

Amân lamkal lak ah ka tha a chauh sak a; Ka damsung hi a hih chawma.