JEREMIA 3:12 - PATHIEN LEKHABU THIENGTHO (BSI)

¹² Chieh inla, zie thu hih mâllam ah va phuong ah, tih hi Lalpa kamsuok ahi. “Nungchawn hât Israel, hung vaikit in, Lalpa’n a tii. Lungnat mel in hun en puo’ng ka ting; mi lungsiet thei tak ka hi ngâla. Kumkhuo’n lungna puo’ng ka tih hi Lalpa kamsuok ahi.

JEREMIA 3:12 ပူးပေါင်းရင်းမြစ်များ

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

JEREMIA 33:26

Jakob suonte leh ka suok David suon te chuh paih tha’ng ka, Abraham te, Isak te, Jakob suonte chunga vaihawm dingin a suon la mang ing ka: a saltannau apat vaihkit sak ing ka ting, a chunguh ah lungsietna nei ding ka hi ngâla.”

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

JEREMIA 30:11

Hun hukdam dingin na kawmah ka um zing ngâl a, ka hun delh zakna nam chengcheng chuh subei mahleng, nang vang chuh hun sumangthai puo’ng ka ting; a hun pheta hun gawt ding ka hi, gawt loh in vang suokcha diek lo ding na hi,” tih hi Lalpa kamsuok ahi.

JEREMIA 23:8

Himahleh, mâllam gam leh, a delh zakna gam haw cheng apat a Israel inkuonte puidawk a puipa Lalpa chuh a hin zing bangin, ti zaw ta’n au, tichun, amau gam ngêi ah cheng un au.”

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

2 LENGTE 18:1

Chun, Israel leng, Elah chapa Hosea’n kum thum vai a hawm kum chun, Juda leng, Ahaz chapa Hezekia chun vai a hawm pan a.

2 LENGTE 17:23

Khutichun, a suok thiemgaute manga ana gen tâksa guolin, Israel chate chu a mitmuh a Lalpa’n a bawhdawk masang sieh chu zie tak achun a um den tau hi.

DAN NIHNA 30:2

Lalpa na Pathien lam uh na vaihkit u a, tu a thu ka hun piek guola hi nang u leh na chateu in na lungthim chengcheng u leh na lunggil chengcheng u a a aw na zuih tieng u leh,

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

EZEKIEL 39:25

“Zieziekchun, Lalpa Pathien chun hiti hin a tii: Tuhin, Jakob suonte chuh tung ding kit ing ka ting, Israel inkuon pumpi chungah lungsietna nei ing ka ting, ka min thiengtho chuh humbit ding ka hi.

JEREMIA 31:8

Ngaitie, amau chuh mâllam apat in hun pui ing ka ting, kâwl mawng tâwp pên apat in hun puikhawm ing ka. Tichun, mitdûkte, kêngbâite, numei nauvawpte leh nauhanatte, mipi tamtak tawh hungtung khawm un au!

JEREMIA 3:14

“Aw nung chawn chîngte haw hung vaikit un, tih hi Lalpa kamsuok ahi. Nang haw hun kaihuoipa ka hi ngâla. Khawpi apat a mi khat inkuon khata mi nih zel hun lang ka ting, Zion ah hun pui ing ka.

JEREMIA 3:7

Chun, kei chun zie thil haw chengcheng a hih nung hin ka kawmah hung vaikit ina, ka ti a; mahleh a hung vaikit diek puoh a chun, a suohpih nu mithep hât Juda chun le a mu ta a.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

SAM LEHKHABU THE PSALMS 103:8

Lalpa chuh lainatna a dim, mi lungsiet thei tak, Lungnieng tak, zahngaihna hau tak ahi.

SAM LEHKHABU THE PSALMS 79:5

Aw Lalpa, bang chan ahi die na lungnat kumlekhuo ding? Bangti a na itthikna chu mei banga kuong ding ahim?

2 KHANGTHUBU 30:9

Lalpa lam na hung ngat kit u chun; na suohpihteu leh na chateu sala mante chun lungsiet untin, zie gam ahin hungkit sak ding ahiu hi: Lalpa na Pathien u chu mi lungsiet thei tak leh zahngai thei tak ahi ngâl a, amah lam na ngat phawt u chun hun na lungsiet ngêi ngêi ina” ti’n a va chiel u a.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

2 LENGTE 15:29

Israel leng Pekah vaihawm lai in ahi, Asuria gam awptu lien, Tiglath Pileser in Ijon khawpi te, Abel-Bethmaakah te, Janoah te, Kadesh te, Hazor te, Gilead leh Galili gam te, Naphtali gam chengcheng te a lâk a, Asuria mipite chule a puih mang vek tâk chuh.

THILSIEMBUL 4:7

Thil na hihphat leh pawm a um lo ding na him? Na hih phatloh leh vang chuh gitloh kawtkhak bul ah a bawk zing a, na chunga thuneih a ut a, himahleh zo ngêi ding na hi,” a ti a.

THIEMPUDANTE 26:40

“Himahlele, Ka chunga a gitlohnau leh a manlohnau leh a pileputeu manlohna leh ei kalh lama a um ziek u a,

SAM LEHKHABU THE PSALMS 103:9

Amah chun gai zing puo’n tin; A lungnatna le kumlekhuo’n vawp zing puo’n a.

JEREMIA 11:6

Chun, Lalpa’n ka kawmah, “Juda khawpi haw leh Jerusalem kawtthêl haw achun zie thu hi phuong unla, zie thugawlh thu hi ngaithau inla, zawp un.

JEREMIA 12:15

Chun, hiti hi hi’n tin, ka nawhdawk nung leh amau haw chuh lungsiet kit ing ka, mitin chuh a goluoh ding u leh amah gam ngêi achun puilut kit ing ka.

SUNNA LA 3:22

Lalpa lungsietna zieka sukmangthai a umlo I hiu hi; a zahngaihna chu a bei ngei puoh a.

EZEKIEL 11:17

Zieziekchun Lalpa chun hiti hih a tii: Nam dang haw lak apat chun hun puikit ing ka ting, na kithehzâk nau gam u apat chun hun puikhawm kit ing ka ting, Israel gam chuh hun pie’ng ka.

2 KHANGTHUBU 29:10

“Tuhin, zie lungnatna nasatak chu a beih theihna dingin Lalpa Israel te Pathien kawmah thuthun ka guot ahi.

ISAI 31:6

“Aw Israel mipite haw, nasatak in amah ana do ta mahleu chun, a kawmah hung kileh kit tau in.

JEREMIA 31:21

Lampi melchikna kisiem inla, na taihsanna lampi, lam tuongpi ngêi chuh mudawk kit in. Aw nungak thiengtho Israel, hung vaikit in, zie na khawpi lam ngêi ahin.

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.