JEREMIA 3:1 - PATHIEN LEKHABU THIENGTHO (BSI)

¹ “Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

JEREMIA 3:1 ပူးပေါင်းရင်းမြစ်များ

EZEKIEL 16:26

Aigupta mi, na inveng mihûkte chu tawh hûkna thil in na kipawl tau a; ei chawk lungna dingin na hûkna chuh na supung ta a.

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 2:20

Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

ZEKARIA 1:3

Himahleh, tuhin, na kawm u ah, ‘Ka kawmah hung vaikit un la, tichun, Kei le nanguh kawm lam hung nga’ng ka.

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

JEREMIA 4:14

Aw Jerusalem, gitloh na apat in na lunggil sawp thieng inla, ti a chuh hukdam na hih theih na dingin. Bang chana na ngaihtuoh na gilo chuh na vawp ding?

JEREMIA 3:9

Chun, a hûk thanghuoi na haw ziek chun gam chuh a buok zo ta a, thingbul suongbul kawmah zawl a sai ta a.

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

VAIHAWMTE 19:2

Himahlele, a meinu chun zawl a saih sana, tichun, Bethlehem Judai gama a pa kawmah a taihsan tai: tichun, zie mun achun tha li hiel a va um a.

MIKA 2:10

Tho un la, chieh mang un! zie tak ahin bitna a um diek puoi. Na gitlohna ziekun, zie mun hi sietna lauh-um tak tunna mun in na siem tau hi!

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.

JEREMIA 2:7

Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

DAN NIHNA 22:21

Zie nu chuh a pa kawt ah puidawk intin un, khuo a mite chun suongin seplum in au, a pa, In a thanghuoi taka uma Israel te laka gitlohna zahchâk um tak a hih ziekin; khutia chuh, zie thil phalo chuh na sukbeih dinguh ahi.

MATTHAI 5:31

“ ‘Kuole zi ma ta chun kimâkna lehkha amah chuh pie hen,’ tih ahi.

SAM LEHKHABU THE PSALMS 106:38

Sietna neilote thisan, a chanuteu leh a chapateu thisan ngêi chuh a suoh tau a, Ziehaw chun Kanaan gama milimte kawmah a kithawi u a; Zie gam chuh thisan in a hung buok ta a.

JEREMIA 22:20

Lebanon achun chieh to inla, kap un. Bashan achun na aw suoh inla, Abarim achun kiko in. Nang hun ngaizawngte chengcheng chuh suksiet in a um ta ngâl u a.

SUNNA LA 1:2

Zan khawvak in a kap a; a mitthi teu chu a bieng u ah luong tha a. A guolphate cheng lak achun, amah thamuon ding himhim a um ta puou. A guolte chengin a thep bawl tau a, tichun, a melma a suok zo tau hi.

HOSEA 2:2

Na nuu hi bawl diek diek un; amah hi ka zi ahi puoh ngâl a, kei le a pasal ka hi diek puoi. A melput mawngmawng apat a nawhchizuok mel a put hi kawihtha hen la, a anglaia kipatin a zawlsaih zawngsak hi haihsan hen.

JEREMIA 31:22

Aw nang, chanu nungchawn, bang chan ahim na zawn vak ding? Lalpa chun lei ahin thil thak a siem ta a, numei in pasal hum zaw ta ding ahi,” ti’n.

EZEKIEL 16:30

Na lungthim chuh a hah mantheihloh ta na lâwm lâwm e, phuong taka nawhchizuokte thilhih na hih tâk mai hi! Lalpa Pathien chun a tii.

EZEKIEL 16:35

“Zieziekchun, Aw nawhchizuok nu, Lalpa thu hi ngaiin!