JEREMIA 28:9 - PATHIEN LEKHABU THIENGTHO (BSI)

⁹ Lungmuonna thu genlawk, thiemgaupa thu chuh a hung guitun tieng leh, zie thiemgau chuh Lalpa sawl ngêi ahi tih het hi mai ding ahi,’ a ti a.

JEREMIA 28:9 ပူးပေါင်းရင်းမြစ်များ

DAN NIHNA 18:22

Thiemgau in Lalpa min a thu a gena, a thugen chuh a hung tun loh a a lawhtin loh chun, zie chuh ahi Lalpa gen loh thu chuh; thiemgau chun thu chuh a ginchak thu a gen maimai ahi zawi, amah chuh lau kiu in, a ti a.

JEREMIA 6:14

Amau chun ka mite liemna chuh ngaihsam takin, ‘Muonna, Muonna,’ ti’n a gen u a, thamuonna a um hiel puoh ngâla.

JEREMIA 14:13

Chun, kei chun “E, Lalpa Pathien, ngaitie, a kawm u ah thiemgau ten, chemzâm tuok puo’n lau, kiel le thuok puo’n lau, zie mun ahin lungmuonna diktak hun pie zawng kau, a ti sek ui,” ka ti a.

JEREMIA 8:11

Ka chanu ka mite liemna chuh ngaihsam takin, ‘Muonna, Muonna,’ ti’n a sudam u a, muonna a um hiel puoh ngâla.

JEREMIA 4:10

Chun, kei chun Ehe! Lalpa Pathien diktak in zie mite leh Jerusalem hi hah thepa na thep a hi hi, “Muonna nei unlau na ti a, chemzâm in a hinnau a sun ngâla,” ka ti a.

EZEKIEL 33:33

Zie hi a hung tun tieng leh hung tung tei ding ahi ngâla a lak u ah thiemgau a um hi tih he ta’n au, a tii, tih,” a ti a.

DAN NIHNA 18:21

“Chun, na lungthim u a, Thu chuh Lalpa gen ahi puoi tih bangti’n I he thei dingu? na tih u chun,

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.