JEREMIA 27:9 - PATHIEN LEKHABU THIENGTHO (BSI)

⁹ Nang un vang na thiemgauteu, na khutzie en thiemteu, na mangteu, na phunsân thiem teu, na dawithiem teu, na kawm u a Babulon leng nasem puo’n lau, ti a gen haw chuh ngaitha kiu in.

JEREMIA 27:9 ပူးပေါင်းရင်းမြစ်များ

JEREMIA 14:14

Chun, Lalpa chun ka kawmah, “Thiemgaute chun ka min in lepchieh a genlawk sek uh ahi chu; amau chuh ka sawl puoh a, thu ka pie puoh a, amau chuh ka hopih puoi. Kilâkna diklo haw, phunsân mantakloh haw leh a lungthim uh a lepbawlna chuh a genlawk uh ahi chu,” a ti a.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

JEREMIA 29:8

Israel Pathien, Sepaihte Lalpa chun hiti hin a tii: ‘Na lak uh a thiemgaute leh phunsânte chun hun thêm kiu hen la, a mang matteu chule ngaitha diek kiu in.

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

THUPHUON 18:23

Thaumei vak le na sung ah vak ta puo’n tin; mo leh moneipa husa himhim le, na sung ah zak hi diek ta puo’n a. Na sumkawlveite chuh khawvel a mi thilhih thei pente ahiu a; na dawi thilhih in khawvel a mi chengcheng chuh na thêm sek ngâl a!

THUPHUON 9:21

A tuolthah uh leh, a dawi mat uh leh, a kideihchak uh leh a gukchaknateu chule a haihsan diek puou hi.

NASEPTE 8:11

Hun sawt tak, a dawi manga maksa taka mi a siem sek ziekin, a thu a limsak sek uh ahi.

MIKA 3:7

Tunung thu ding genlawkte chuh a lawhsap ziekun, zakchau un tin. Pathien in dawnna a piek loh ziekin, a bawn un sukzahhuoi in um un au!

JEREMIA 23:32

Lalpa chun, Ngaitiem u! mang lepchieh maimai gen a, hilh a, a lepchieh thuteu leh, a uonna thuteu maimai zieka ka mite puimang thiemgaute chuh ka do ahi, Lalpa’n a tii! Sawl la ka sawl puoh a, thu la ka pie diek puoi; zieziekchun, zie mipite hin phatchuompih diek puo’n a,” tih hi Lalpa kamsuok ahi.

JEREMIA 23:25

Ka mangmat hi, ka mangmat hi, ti a ka min a zuou gen thiemgaute a genlawk chuh ka za tai.

JEREMIA 23:16

Sepaihte Lalpa chun hiti hin a tii: “Thiemgau, na kawm uh a thugente chuh ngaitha kiu in, amau haw chun thil thâwn maimai a hun sinsak uh ahi! Lalpa kawm apat hilo in, amau haw lungthim suongtuoh a gen sek ui.

JOSHUA 13:22

Beor chapa Balaam, phunsan thiem chuh Israel chate’n midang a thahteu lak achun chemzâm in a that khawm u a,

DAN NIHNA 18:14

“Zie na va luoh dingu gama ana cheng nam haw chun phunsân chîngte leh âi et chîngte thu chuh a ngaikhawk sek u a: nang haw’n vang zie guola na hih dingu chuh Lalpa na Pathien un a phal lo ahi.

PAWTDAWKNA 7:11

Khutichun, Pharaoh chun le mipil haw leh dawithiemte chuh a sama: chun, Aigupta gama mitvaidawi thiem haw chun le, a dawi u chun a hun hih u a.

ZEKARIA 10:2

Milim pathien chun bangmah lo mai a gen a, phunsân thiemte thil muh chu lepchieh ahi ngâl a. Mang diklote a gen u a, mi a lungmuon thâwn u a; zieziekchun, mipite chuh belam guolin a vakvai u a, belampu a neih loh ziekun gimtheih a thuok tau hi.

EPHESI 5:6

Kuoma’n, thumanloh mai in hun thêm kiu heh. Zie thil haw ziek chun Pathien lungnatna chuh, awilo chate chungah a hungtung sek ngâl a.

PAWTDAWKNA 22:18

“Dawi thil mang numei himhim chuh na thah teitei ding uh ahi.

THUCHINGTE 19:27

Ka chapa, hetthiemna apat taimang ding a kisinsakna ngaihthak chuh haihsan in.

EZEKIEL 21:29

Chemzâm chuh migilo thih ngam a liem haw, a gawtna niu tawpkhawk hung tungte, ngâwng a ngak ding ahi ti’n nang dingin kilâkna diklo muu henla, lepchieh chieh in phun san mahleu.

DANIEL 4:7

Khutichun, mitvaidawi thiemte, aisânthiem te, leh Babulon mi, aksi lam chanchin hethiemte chu a hung u a; ka mang chuh ka gen a, himahlele a umzie chuh ei hilh thei puou hi.

DAN NIHNA 13:2

Zie melchikna ahim thilmak ahim chuh a hung guitun a, na het khâk loh uh, “pathien dang zui hiting un, a nau sem hitiu,” na kawm u a a tih u chun,