JEREMIA 27:7 - PATHIEN LEKHABU THIENGTHO (BSI)

⁷ Amah pukna ding hun a tun masang chun gam chengcheng te chun amah leh a chapate leh a chapate chate chanin a na sem un au. Zie zawh tieng chuleh nam tamtak leh leng lopi takte chun amah chuh suok in siem un au.

JEREMIA 27:7 ပူးပေါင်းရင်းမြစ်များ

JEREMIA 52:31

Chun, Juda leng Jehoiakin kum sawm thum leh kum sagih na, tha sawm leh tha nih na, zie tha ni sawm nih leh ni nga ni chun hiti hi a hung hi a, Babulon leng Evil-merodak chun a vaihawm kum khat na achun, Juda leng Jehoiakin chuh a luchang a dawp san saka, suongkul apat chun a puidawk a;

THUPHUON 16:19

Khawpi lopi tak chuh mun thum in a hung kikhen a, gam chengcheng khawpite chuh sukmangthai in a hung um vek ta a. A lungnatna uain dâwn ding. a lungnatna tâwp khawk khawn a kipata uain dâwn sak dingin, Pathien in Babulon khuo lopitak chuh a hezing ngâl a.

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

HABAKKUK 2:7

Na thil batnate chuh thakhat a hung kipan in, amau chun kithing hiela hun nawh lo ding ahiu hi? Zie tieng chuleh, nang chuh hun chawmgam ding ahiu hi.

ISAI 21:9

Ngaitie! thakhat in, mihing hawn, sakawl chung chuong, a kawp kawpa chieh a hung ui,” ti’n. Amah chun, “Babulon khawpi chuh a chim tai! A chim tai; a pathien uh, milim siemkawmte chengcheng chuh lei ah suknel in a um tai,” ti’n a dawng a.

ISAI 13:1

Babulon khuo puokgik, Amoz chapa Isai in a muh chuh:

SAM LEHKHABU THE PSALMS 37:13

Lalpa chun amah chuh nuihsan ina: A ni a hung nai tai tih a het ziekin.

JEREMIA 27:22

Babulon lama puih hiu untin, amau haw ka hung vehthak kit macheng in zie tak achun um zing un tin, chun, puikit ing ka ting, zie mun a hin puikit ing ka, tih hi Lalpa kamsuok ahi.”

JEREMIA 34:1

Babulon leng Nebuknezar leh a sepaihte chengcheng, amah thunuoi a lei a lalgam haw cheng leh mipi chengcheng te’n Jerusalem leh a khawpite a do lai u a Lalpa kawm apat a Jeremia kawma thu hung tung chuh:

JEREMIA 44:30

Lalpa chun hiti hin a tii: Ngaitiem u, Pharaoh-Hophra Aigupta leng chuh a melma a hinna hawlte khut ah pie ding ka hi; Juda leng Zedekia chuh a melma a hinna hawlpa Babulon leng Nebuknezar khuta ka piek bang khan,” a ti a.

JEREMIA 46:13

Babulon leng Nebuknezar a hung a, Aigupta gam a hun gawt ding thu, Lalpa’n thiemgau Jeremia kawma a gen chuh:

DANIEL 2:37

Aw lengpa, nang hi lengte leng, van Pathien in lalgam te, thilhih theihnate, hatnate, lopinate a piek chuh na hi a.

DANIEL 4:22

“Aw lengpa, nang hi na hi a; na hung khang a, na hung hât a, na lopina chuh a hung khang a, van a su hiel a, na thuneihna chuh kâwlmawng chan ahi ngâla.

HABAKKUK 2:8

Nam tamtak laka mite na suom a, himahleh, tuhin, a hing nalaite chun nang hun suom ding ahi tau! Mi tampi na that a, khawvel muntin ah, khawpi a mite chunga chuh thagum na na suoh ziekin.

EZEKIEL 30:24

Chun, Babulon lengpa khut haw chuh suhat ing ka ting, a khut ah ka chemzâm chuh chawihsak ing ka; Pharao bân haw vang chuh subawng ing ka ting, amah chuh Babulon lengpa ma achun thihpih theih hiela liemte tau guolin tau ina.