JEREMIA 27:5 - PATHIEN LEKHABU THIENGTHO (BSI)

⁵ Ka thilhih theihna lopi tak leh ka bân zak in lei leh mihing te leh leichung a gamsate ka siem a, piek ding kilawm ka sakte kawm achun ka pie a.

JEREMIA 27:5 ပူးပေါင်းရင်းမြစ်များ

JEREMIA 51:15

A thilhih theih na’n lei a siem a; A chitna’n khawvel a tung dawka, A lemhetna’n van a zak palh hi.

JEREMIA 32:17

“Aw Lalpa Pathien, ngaitie, na thilhih theih na nasa tak leh na khut zak in lei leh van na siem ta a; nanga dingin thil haksa taluo a um puoi.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

ISAI 45:12

Kei hi leisiet siema, a sung a mihing cheng te siempa chuh ka hi. Ka thilhih theihna’n vante khu ka zak palh a; a sunga umte cheng cheng hile kei thupiek a um ahiu hi.

KOLOSSA 1:16

Amah achun bangakai siem a hi a, van a umte, leia umte, muh theih leh muh theih loh cheng tawh, lalchutphah leh lalgam hita leh, vaihawmte leh thuneihna te cheng tawh Pathien in khawvel pumpi hi amah ah leh, amah a ding mah a a siem ahi.

ISAI 42:5

Lalpa, Pathien vante siem a, a zak palh a; lei hi kaimalh a, a sunga um chengcheng te hinna piepa; a sunga vakvielte thagau pie pa chun hiti hin a gen hi.

THUPHUON 4:11

“Nang, ka Lalpau leh ka Pathien uh, Lopina te, limbawlna te, thilhih theihna te, mu tâk na hi ie; Nangin thil bangkim na siem a, Na deih zieka um leh siem A hi ngâl u a,” a tiu a.

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

NASEPTE 17:24

Pathien, khawvel leh a sunga thil chengcheng siempa chuh, lei leh van Lalpa a hih ziekin, khuta sak ina chun a cheng puoh a.

NASEPTE 14:15

“Pute haw, ziehaw hi bang dinga hih? Kei u le, na nungchang bang uh pu mihiem ka hiu a puo! Zie thil manloh haw hi nungngat a, van te, lei te, tuisuohgiet te leh, a sunga um chengcheng tawh siempa, Pathien Hing lam na hung ngat theihna dingun, Chanchin Pha ka hun tut na hiu hi.

ISAI 51:13

Kei Lalpa hi nangmau hun siempa, vante zak palh a, lei kingakna phumpa chuh ka hi tih hengilh na hi tau em leh? Bangti dana nangmau hun nuoi sieh nuomte lungnat lau a um zing na hiu em?

ISAI 48:13

Ka khut hin leisiet kingaknate hi ka siem a; ka khut changlam in vante khu ka zak palh a; amau chuh ka sap tieng leh, a ngaitha sek ui!

ISAI 44:24

Lalpa, nanguh hun Tandawkpa; sûl apat nanguh hun siempa chun “Kei hi Lalpa, thil chengcheng siempa ka hi, kei chauh a van zak palh a, kuomah panpih loh a leisiet siempa chuh ka hi!

EZRA 1:2

Persia leng Kura chun hiti hin a tii: “Khawvel gam cheng hi Lalpa van Pathien chun ei pie ta a; chuleh Juda gama Jerusalem achun A In sa dingin thu ei pie tai.

DAN NIHNA 2:7

“ ‘Lalpa na Pathien u chun na sep taphawt u ah a hun vangsak sek a, zie gamthip za tak hi na hawhpai dân u chuh a he ngâl a; zie kum sawmli sung cheng hin Lalpa chuh na kawm u ah a um a, bangmah na tasam puou kha, ti’n thu pieh,’ ti’n.

SAM LEHKHABU THE PSALMS 102:25

Lei kingakna chu malai pek a na vuih ahi ta a, Van haw khule na khutsuok ahi a.

DAN NIHNA 32:8

Chungnung pên pa’n namte laka gam a hawp laia, mihiem chate a khenzak lai khan, Israel suonte zah in, Nam tin gamgi ding a zam a.

DAN NIHNA 9:29

Na thilhih theihna thupi tak leh na bân zaka na puih dawk, na mite leh na gochante ahi ngâl u a,’ ka ti a.

DAN NIHNA 5:16

“ ‘Lalpa na Pathien in thu a hun piek guolin na nu leh na pa zahbawl in; khutichun, Lalpa’n gam a hun piek ahin lamzang in na tin, dam sawt ding na hi.

DAN NIHNA 4:35

Lalpa chuh Pathien ahi tih na het theihna dingun na kawm u a suklat ahi a; amah tih loh adang himhim a um puoi.

DAN NIHNA 4:32

“Na masang uh, na malai nite chuh vak sût leu chin Pathien in lei chunga mihing a siem ni apat khan kâwl mawng langkhat apat a lehlam chanin zie tawbanga thil thupi hi a um ngêi in, het ahi kha mawngmawng em?

DAN NIHNA 4:25

“Chun, tu leh chate na hun neih u a, zie gama chuh sawttak na um nung u a, na hung mantheihloh u a, bang ahim kibatpih milim na kisiem u a, a lung suna dinga Lalpa na Pathien u mitmuha thil phalo na hun hih himhim u chun,

DAN NIHNA 4:17

lei chunga gamsa tawbang ahim, huih laka leng vacha tawbang ahim,

DAN NIHNA 2:21

Amau chuh Anak te guola lien leh tam leh sang taktak ahiu a; ahih ziekin amau chuh Lalpa’n a sumangthai a, a gam u chuh Amonte’n a luoh u a, a mun u achun a um tau hi;

DAN NIHNA 2:19

chun, Amon suonte gam chuh na vanaih tieng u leh hosie kiu inla, kido pih hiel kiu in; Amon te gam chuh nanguh hun pie lo hiel ding ka hi, Lot suonte chanvo dinga ka na pieksa ei tai.’”

DAN NIHNA 2:9

“Chun, Lalpa’n ka kawmah, ‘Moab te chuh hosie kiu inla, galdo in do kiu in; a gam u chuh na chanvo ding u a hun pie lo ding ka hi. Lot suonte chanvo dingin Ar chuh ka piek ahi tai.’”

PAWTDAWKNA 20:11

Ni gup sungin Lalpa’n lei leh vante, tuisuohgiet leh a sunga um chengcheng te chuh a siem a, a ni sagih ni chun a châwl ta a. Zieziekchun, Lalpa hin chawlhni chuh a vangsak a, a hih thiengtho ta a.

THILSIEMBUL 9:6

Kuole mihiem thisan suoh ta chuh mihiem mah in amah thisan le a suoh ding ahi; mihiem hi Pathien batna nei a siem ahi ngâla.

NASEPTE 17:26

Mi khata kipatin, lei chung chengchenga um dingin, namtin mi a siem a. A dingun hunbi te a guot a, a umnau gi le a zam sak a.

THILSIEMBUL 1:25

Tichun Pathien in gamsa amau haw chi umdan ding bang chietin, leia bawk vak chengcheng te amau haw chi umdan ding bang chietin a siem a: Pathien in zie chuh a en a, pha a sa a.

SAM LEHKHABU THE PSALMS 96:5

Mipi haw pathien chuh milim haw poh ahi ngâla: Himahleh, Lalpa vangin chu van haw khu a siem ahi.

JEREMIA 27:4

Zie thu haw hi a puteu kawmah gen sak in. Israel Pathien, Sepaihte Lalpa chun hiti hin a tii; hiti bang hin na puteu kawma na gen dinguh ahi.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

1 LENGTE 8:42

ziehaw chun zie In lam hi nga a a hung paucham tieng u leh, (na min lopi tak leh, na khut hattakte, na bân na zak thute hi hun he hawn ding ahi ngâl u a;)

NEHEMIA 9:22

“Chun, gam leh namte na pie a, zie chuh a chanvo ding chiet uh na hawma khutichun, Sihon gam, Heshbon, lalgam leh Bashan lal Og gam chuh a luoh tau a.

DANIEL 2:38

Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.

DANIEL 4:14

Aw ngeih tak in, ‘Thing chuh phuk inla, a bâkte chuh heuh inla, a nahte chuh theuhtha’n la, a gahte chuh thehzak ah: a nuoi apat in gamsate chuh chiehmang u hen la, a bâk apat in chung leng vachate chuh leng mang u hen.

DANIEL 4:22

“Aw lengpa, nang hi na hi a; na hung khang a, na hung hât a, na lopina chuh a hung khang a, van a su hiel a, na thuneihna chuh kâwlmawng chan ahi ngâla.