JEREMIA 27:18 - PATHIEN LEKHABU THIENGTHO (BSI)

¹⁸ Himahleh, amau chuh thiemgau ahi ngâl u a, Lalpa thu a kawm u a um ahih takzet chun Lalpa In leh Juda leng In leh Jerusalem a ûmlebel nutsieh a umte chuh Babulon a puoklut a hihloh na’n Sepaihte Lalpa kienga nget hi’n a.”

JEREMIA 27:18 ပူးပေါင်းရင်းမြစ်များ

1 SAMUEL 7:8

Tichun, Israel te chun Samuel kawmah, “Philistia mite khut apat ei hukdam dinga Lalpa ka Pathien uh nei sap sak chu hai ki’n,” a tiu a.

JEREMIA 18:20

Gitlohna hi thilpha ditthukna ahi ngei em? Amau haw’n vang ka hinna dingin kawkhuk a lai u a, amau apat na lungnatna bei ding leh, amau dinga thilpha gen dinga na ma a ka din sek kha hezing in.

1 LENGTE 18:24

Chun, nangun na pathien hawu min chu sam unla, ken le Lalpa min chu sam ing ka ting: tichun mei a hun dâwng Pathien taphawt chu Pathien tak hi hen,” a ti a. Mipi chengcheng chun a dâwng u a, “Na gen chu hi hen,” a tiu a.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

MALAKI 1:9

Tuhin, nang haw, thiempute, Pathien chuh I chung u a pha dingin ngên un la, bawl tiem u! Na pauchamna teu dâwng puo’n tin. Zie chuh nangmau haw dikloh hi ding ahi, Lalpa chun a tii.

EZEKIEL 22:30

Chun, gam chuh ka suksiet lohna dinga bâng chuh sapha ding leh a chipna muna gam thathenga ka masanga ding ding amau haw lak achun ka hawla; himahleh, khatchale ka mu puoh a.

EZEKIEL 14:14

Zie mi thum te, Noah leh Daniel leh Job hiel hile a sunga chuh um ana hi leu, a diktatnau in amau chauh kihukdawk in au” Lalpa Pathien chun a tii.

JEREMIA 42:2

Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

JEREMIA 15:1

Chun, Lalpa chun ka kawmah hiti hin a gena, “Mosi leh Samuel ka masang ah hung ding mahleu le; ka lunggil in zie mite lam hi nga diek puo’n a. Ka muh phakloh in nawhdawk inla, chieh mang u hen!

JEREMIA 7:16

“Zieziekchun, zie chite a ding hin paucham ki’n la, amau a dingin aw suoh in paucham diek ki’n la, ka kawm ale ngetsak diek kih, hun ngaitha lo ding ka hi ngâl a.

2 KHANGTHUBU 32:20

Khutichun lengpa Hezekia leh Amoz chapa thiemgau Isai chu zieziekchun a paucham u a, panpihna a ngên tau a.

1 LENGTE 18:26

Tichun bâwngchal a chan uh chu a lau a, a guonggalh u a, chun, zingkal apat in sun tiengin Baal min chu a sam u a, “Aw Baal, ei hun dâwng in,” a tiu a. Himahlele, aw gi leh dawnna himhim a kihe puoi. Chun, a maichâm siem uh chung achun a kichawm sausau u a.

THILSIEMBUL 20:17

Tichun, Abraham chuh Pathien kawmah a paucham a; chun Pathien in Abimelek leh a zi leh a suok numeite chuh a hihdam kit tai; tichun chate a hun nei kit tau a.