JEREMIA 26:9 - PATHIEN LEKHABU THIENGTHO (BSI)

⁹ Bangati a Lalpa min a zie In hi Shiloh hung bang in tin, zie khawpi hi a luoh ding umlo in a hawm in um ina, ti a na genlawk ahi?” a tiu a. Chun, mipite chun Lalpa In a Jeremia um chuh a ûmkimvel tau a.

JEREMIA 26:9 ပူးပေါင်းရင်းမြစ်များ

NASEPTE 22:22

Mipite chun, zie thu a gen tieng chun a ngaithau a; chun, aw ngeih takin, “Zie tawbang mi poh hi, khawvel apat sumangthai in! hing tâk a hi puoi!” a ti tau a.

NASEPTE 21:30

Khutichun, a khawzang un a phu mul mul zieng tau a, mihaw chuh a taikhawm u a; Paul chuh a man u a, Pathien Ho-In apat a kaidawk tau a. Tichun, kintakin kawt chuh a khâk tau a.

NASEPTE 13:50

Himahlele, Judate chun numei zahum, Pathien khawksate leh, khuo a upahaw chuh a tîlguu a, Paul leh Barnabas chuh a bawlsiet sak u a, a gam u apat a nawhdawk tau a.

NASEPTE 6:14

Chuleh, ‘Zie Nazareth Isu hin, zie In hi phie’n tin, Mosi’n Dan ei piek haw khah hih lamdang ding ahi,’ tih a gen ka zau hi,” a tiu a.

NASEPTE 5:28

“Zie min a hi sinsak talo dinga thu ka hun piek uh hilo maw? himahleh, na thilhih u hi en un! Na thu sinsak un, Jerusalem na sudim vek tau a, zie pa thisan mawh hi ka chung u a na but guot uh ahi?” ti’n a suohsalh ta a.

JOHAN 8:59

Ziephet chun, a sehna dingin suong a luok u a, himahleh, Isu a kisel a, Pathien Ho-In apat chun a pawt a; a lak u chuh a hawh phei a, a chiehdawk ta a.

JOHAN 8:20

Isu’n zie thu haw chuh, Pathien Ho-In a, tuoklawm khiekna thingkuong kawihna pindan a a sinsak laia a gen ahi. A hun a tun nai loh ziekin, kuoma’n a man puoh ngâl u a.

MARK 15:11

Himahleh, thiempu liente’n mipi chuh Barabbas thahdawk sak zaw dinga ngên dingin mipite a tîlguu a.

MATTHAI 27:20

Thiempu liente leh upate chun, Barabbas thahdawk a, Isu chuh thah ding ti’n mipite chuh a thêm u a.

MATTHAI 21:23

Chun, Isu Pathien Ho-In a a lut kit nunga, a sinsak lai chun, thiempu liente leh vantâng upate chuh a kawmah a hung u a, a kawmah, “Kuo thu’n a zie thil haw hi na hih? Kuo a thu hun pie?” a tiu a.

MIKA 2:6

“Ka kawm u ah thu gen ki’n, himahleh, thu a gen u a; ziehaw chanchin chu gen himhim ki’n! Pathien in ei sumuolpho lo ding ahi ngâla!

AMOS 5:10

Kulh kawtkhak a hilhgaihpa chuh a hawu a, thudik tak gen pa chuh a kihdak u a.

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

ISAI 29:21

Mi themte leh mi gilote gawtna ding dal a, lepchieh gen a, mi dik thiemloh chansak te chuh Pathien in sumangthai vek ina.

2 KHANGTHUBU 25:16

A kawma thu a gen zing lai chun, Amaziah chun, “Lengpa vaihawm sak dingin ka hun siem u a ahim? Thip mai in; a hihloh leh hun that ding ka him?” a ti a. Tichun thiemgau chun, “Pathien in hiti bang a hi na hih ziek in leh ka lemguot na ngaihthak loh ziekin hun sukmangthai ding a ngaihtuoh hi tih ka hêi,” a ti a, a thip ta a.

NASEPTE 3:11

Chun, zie pa chun, Solomon bithaliep, a tihnau muna Peter leh Johan a tuk zing lai chun, mipite chun mak a sa mah mah tau a, a kawm lam u ah a hung tai khawm tau a.

NASEPTE 5:12

Chun, Pathien in, mipite lak achun thilmak leh melchikna tamtak, sawlchakte khut in a hih sek a. Gingtute cheng chuh, Solomon bithaliep a chun a kikhawm sek u a.

JOSHUA 18:1

Chun, Israel suon mipite chengcheng chuh Shiloh khuo ah a kikhawm u a, zie tak achun kikhawp khawmna puon-In a zak uh a; gam chuh a thunuoi uh ah a hung um ta a.

JEREMIA 32:3

Juda leng Zedekia’n a khum a hi a, a kawm achun hiti hin a gen a: “Bang zieka nangin, ngaiin, zie khawpi hi Babulon lengpa khut ah pie’ng ka ting, la ding ahi, Lalpa’n a tii, ti a na genlawk ahim?

JEREMIA 33:10

Lalpa chun hiti hin a tii: zie mun, Juda khawpi, mi leh sa um talo a hawm na tih nau mun, Jerusalem khawlai ning tin, nutsieh san leh a sunga mi leh sa umlohna ahin.

JEREMIA 36:29

Chun, Juda leng Jehoiakim chungchâng achun Lalpa’n hiti hin a tii: Babulon lengpa hung in tin, zie gam hi susie’n tin, a sunga mihing leh ganchate hi sumangthai vek in a, ti a kizik chuh bang zieka zie tawbang thu chuh na zik ahim ti’n lehkhabuziel chuh na hâlvam ta a.

SUNNA LA 4:13

A thiemgaute leh thiempute gitlohna ziekin ahi a sung achun bangmah hihsie lote thisan chu a suoh ta a.