JEREMIA 26:6 - PATHIEN LEKHABU THIENGTHO (BSI)

⁶ Zie In hi Shiloh guol in siem ing ka ting, zie khawpi hi leichung a nam chengcheng te hansiedawl in siem ding ka hi.”

JEREMIA 26:6 ပူးပေါင်းရင်းမြစ်များ

JEREMIA 24:9

Gimthei taka lei chung lalgam tina nawh viela um dingin leh, ka nawhmang na gam haw chenga gensiet ding leh, tehkalna leh, gaih leh hansie buok khum hi dingin pie’ng ka!

2 LENGTE 22:19

‘Zie mun leh a sunga chêngte hi gawt leh, hansie dawl in hung um un au, tih thu ka gen kha na zak a, na lunggilte a nem a, Lalpa masanga na kingaihniem a, na puonte na bawhthek a, ka masanga na kah ziekin, Ken le na thu chu ka na zai,’ Lalpa’n a tii.

JEREMIA 25:18

Ziehaw chuh Jerusalem leh Juda khawpite, zie tak muna lengte leh miliente chuh hawmngawn leh, maksak leh chekkhum leh, hansiedawl ding leh, tulai a a umdan bang uh ahi um dinga nutsieh in a um tau hi!.

ISAI 65:15

Chun, na min u chuh hansie buok dingin ka mi tel te kawmah kawih un na tin; tichun, Lalpa Pathien in hun sulum in tin; himahleh, a suokte chuh vang min dang in sam ta’n a.

MALAKI 4:6

Amah chun, pate lungthim chuh chate lam ah, chun chate lungthim chuh pate lama kihei sak ina. Khutilochun hung ing ka ting lei hi hansie’n gawt khang ka ie” ti’n.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

JEREMIA 44:22

Thil phalo na bawl ziek u leh thil gilo na hih hawu ziekin Lalpa’n a thuok ngâp talo ahi kha; zieziekchun na gam u chuh tu a a um bang hin luoh loh leh gamgaw, maksak leh hansie dawl a hung hita a.

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

JEREMIA 29:22

Chun, amau haw chungchâng thu chuh, Babulon gama Juda saltâng cheng chengte chun, Babulon leng in meia a hâl Zedekiah leh, Ahab bang khan ‘Lalpa’n na chungah hih hen,’ tih hi hansie lawhna takin mang un au.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

JOSHUA 18:1

Chun, Israel suon mipite chengcheng chuh Shiloh khuo ah a kikhawm u a, zie tak achun kikhawp khawmna puon-In a zak uh a; gam chuh a thunuoi uh ah a hung um ta a.

ZEKARIA 5:3

Chun, amah chun ka kawmah, “Zie chung ahin gam pumpi chunga hansie chiehdawk chuh a kizik hi, langkhat a chun, ‘Tu apat in gucha taphawt chuh, sukmang hi ding ahi ngâl u a,’ tih a chuong a, a sik langkhat achun, ‘Lepchieh a kipautiem a taphawt chule sukmang hi’n au.’ ti’n a kizik hi.

JEREMIA 29:18

Tichun, chemzâm leh kiel leh hipite’n delh zui ing ka ting, lei chunga lalgam haw lak ah zahhuoi takin siem ing ka ting, amau haw ka thehzak na gam haw achun, maksak ding leh, chekkhum a hansie buok khum leh gensiet dingin siem ding ka hi.

SUNNA LA 2:15

Khawpi hun hawh malam taphawt in musit takin a hun nuihsan u a; Jerusalem chanu te chun, a luchang uh thing in, “Zie hi khawpi hawih bukim kha hilo ahim? Ziehi khawvel in a kisuonpih kha hilo ahim?” ti’n a sietna chu a nuihsan u a.

SUNNA LA 2:16

Na melmate cheng chun hun nuihsan in, mudah takin a hun en u a; A mûk teu hun hih zum khum in, a hateu hun lît khum in, “I susie zo tau hi, Zie ni hi ahi, I na thil zing u kha I mudawk tau a, I mit un I mu tau hi” a tiu a.