JEREMIA 26:2 - PATHIEN LEKHABU THIENGTHO (BSI)

² Lalpa chun hiti hin a tii: Lalpa Ho-In huongsung ah ding inla, Juda khawpite apat a Pathien ho dinga Lalpa In a hungte kawm achun, a kawm u a gen ding thu ka piek haw cheng chuh khat chale îm lo in gen dawk ah.

JEREMIA 26:2 ပူးပေါင်းရင်းမြစ်များ

DAN NIHNA 4:2

Ka hun thupiekte hi na behlap dinguh ahi puoh a, chun, na lâk khen ding u le ahi puoi; khutichun, Lalpa na Pathien dân thu hun piekte leh zuih dinga ka gente hi zui dik thei un lau.

NASEPTE 20:27

Pathien thiltup chengcheng a bawnin, na kawm u a suklat ka kitim puoh kha.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

JEREMIA 19:14

Chun, Jeremia chuh hilhlawkna thu gen dinga Lalpa’n a sawlna mun Topheth apat chun a hunga, chun, Lalpa In huongsung achun a ding a, mipi haw kawm achun hiti hin a gen a.

JEREMIA 1:17

Zieziekchun, puon cheng inla, kipan inla thu ka hun piek chengcheng khah a zak dingun va gen ah. A masang u ah taisie ki’n, khutilochun a masang u ah hun taihsiet sak kha’ng ka.

NASEPTE 20:20

Khati khan, a phachuom ding thu, na kawm u ah bangmah suklat ka kitim puoh a, vantâng lak ale, In tin ale, nanguh ka hun sinsak sek kha.

NASEPTE 5:42

Chun, ni chengin, Pathien Ho-In leh, mipite Inhaw achun, Isu chuh Krista ahi, tih sinsak leh hilh a hai diek puou hi.

JOHAN 18:20

Isu’n a dâwng a, “Mitin kawmah, tângphuong takin thu ka gen sek; kikhawpna in leh Pathien Ho-In a, Judate chengcheng um khawmna munte achun thu ka gen sek hi. A gûkin thu bangmah ka gen kha puoi.

EZEKIEL 3:10

Zielo chun le, ka kawmah, “Mihing chapa, na kawma ka thu gen ding chengcheng chuh na bil in ngaitha’n la, na lungthim ah khum in.

JEREMIA 36:10

Ziephet chun, mipi chengcheng zak in Lalpa in a lehkhazikpa Shaphan chapa Gemaria pindan sungnung ah Lalpa in lutna kawtkhak thak achun Baruk in lehkhabuziel apat chun Jeremia thugen haw cheng chuh a bawn in a sim suok kêi ta a.

JEREMIA 23:28

Thiemgau mang nei chun, a mang chuh gen hen la, chuleh, ka thu vawppa chun ka thu chuh ginum takin gen mai hen. Buh vaiham leh, buh changin kibatna a nei uh a ahim? tih hi Lalpa kamsuok ahi.

JEREMIA 7:2

Lalpa in kawtkhak achun ding inla, zie chun zie thu hi phuong inla hiti hin gen ah, Nanguh Juda mi chengcheng, Lalpa ho dinga zie kawtkhak a lutte hin Lalpa thu hi ngaithau in,

DAN NIHNA 12:32

Hih dinga thu ka hun piek chengcheng hi na hih dinguh ahi; na behlap dinguh ahi puoh a, na lâk khen dinguh le ahi diek puoi.

THUPHUON 22:19

Kuo’n le, zie lehkhabu a hilhlawkna thu hi a lâkmang chun, zie lehkhabu a kizik, Hinna thing leh, Khawpi thiengtho a a chan chuh, Pathien in a kawm apat la mang ina.

NASEPTE 5:25

Zie lai chun mi khat a hung a, a kawm u ah, “Ngaitiem u, suongkul a mi na khumteu khan Pathien Ho-In ah mi a sinsak ui!” ti’n a hung hilh a.

JOHAN 8:2

A zingkal kit matak chun, Pathien Ho-In ah a chieh kit a. Mipi chengcheng chuh a kawmah a hung u a, chun, a chu a, amau haw chuh a sinsak ta a.

LUKE 19:47

Chun, amah chun ni chengin, Pathien Ho-In achun a sinsak sek a. Thiempuliente leh Danthuzikte leh, vantâng lawiupate chun amah thah a nuom u a;

JEREMIA 42:4

Chun, thiemgau Jeremia chun a kawm u ah, “Na thuu chuh ka hêi, ngaiun, na thu guol ngêi un Lalpa na Pathien kieng u achun hun nget sak ing ka; chun hiti hi hi’n tin. Lalpa’n a hun dawnna taphawt chuh hun hilh zel ing ka: na kieng u ah bang mah îm puo’ng ka,” a ti a.

DAN NIHNA 12:5

Lalpa na Pathien un na phung chengcheng lak u a a Min umna dinga a guot ding mun chuh hawl zawu inla, zie a chuh na chieh u a,

JEREMIA 7:27

“Zieziekchun, zie thu haw cheng hi a kawm u a na gen ding ahi; ahin vang hun ngaitha diek puo’n au. A mau haw sam in na tin, hun, dâwng diek puo’n au.

EZEKIEL 33:7

“Khutichun, nang, mihing chapa, Israel inkuon dingin gâlveng a ka hun siem na hi; zieziekchun, ka kama thu pawt hi na het cheng leh ngaitha’n la, ka kawm apat kigalginna ding thu chuh amau hilh in.

EZEKIEL 40:4

Amah chun ka kawmah, “Mihing chapa, na mit khan en inla, na bil dawh inla, ka hun etsak ding lam ah na lungthim nga chak ah; zie thil ka hun etsak ding zieka chuh taka hih puih a um na hi ngâl a: na muh chengcheng te chuh Israel inkawte kawm achun phuongdawk ah,” a ti a.

JOSHUA 8:35

Mosi thupiek chengcheng chuh Israel te kikhawm khawm chengcheng leh, numeite leh naupang neucha chate leh a lak u a nam dangte zak achun Joshua’n simloh mawngmawng a nei puoi.

JEREMIA 1:7

Himahlele, Lalpa chun, ka kawmah hiti hin a gena, “Ka naupang ta luoi, ti ki’n, Kuo kieng hileh ka hun sawl na phawt ah chieh in na tin; thu ka hun piek phawt chuh na gen ding ahi.

JEREMIA 25:2

zie thu chuh, thiemgau Jeremia’n Juda mi chengcheng leh, Jerusalem a um cheng chengte kawma a gen chuh ahi.

JEREMIA 28:5

Khutichun, thiemgau Jeremia chun, thiempute leh, Lalpa Ho-In a ding mipi haw masang achun thiemgau Hanania kawmah,