JEREMIA 24:7 - PATHIEN LEKHABU THIENGTHO (BSI)

⁷ Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

JEREMIA 24:7 ပူးပေါင်းရင်းမြစ်များ

HEBRAI 8:10

Zie nikhuo haw nung achun Israel inkawte kawmah, Ka thugawlh ding chuh ziehaw hi a hii, Lalpa’n a tii; A lunggil u ah ka dân thupiek haw kawih ka ting, A lunggil u ah le zik ing ka ting; Chun, amau dingin a Pathien uh hi’ng ka ting, Keia dingin le amau haw chuh ka mite hi’nau, Lalpa’n a tii.

JEREMIA 30:22

Chun, ka mite hi tau u’ntin. Kei a Pathien uh hing ka.”

EZEKIEL 37:23

A milimteu, a thil tenumteu, a bawhsietna teu in kisubuok khata puo’n au: gitlohna a hihnau a chênna mun teu chengcheng apat chun hukdawk zaw’ng ka ting, silthieng ing ka: khutichun, amau chuh ka mite hi’n tin un, chun, kei a Pathien uh hing ka.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

ROME 6:17

Pathien chuh pahchak in um hen. Khatvei chuh nang haw gitloh suok na hiu a; himahlele, sinsak a na um nau ah, thudik chuh na lungthim chengcheng u a na na zawp uh ahi tai.

1 SAMUEL 7:3

Chun, Samuel chun Israel inkuonte chengcheng kawmah, “Na lunggil tak zet uh a Lalpa lam hung nga na hih takzet u chun, gamdang pathien haw leh Ashtaroth chu na lak uh apat kawihmang kei unla, na lunggil u chu Lalpa dingin guonggalh unla, Amah na mai sem un; tichun Philistia mite khut apat hin hun hukdawk ding ahi,” ti’n a gena.

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

JEREMIA 3:10

Khutisa chun le a suohpihnu ginumlo Juda chun a lungthim takin ka kawma hung vaikit lo in, pawlawng mai in a hung vaikit a, tih hi Lalpa kamsuok ahi.”

ISAI 51:16

Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

2 KHANGTHUBU 6:38

a tannau gam apat a a hun nget u a, sal a pui ten a puih uh a tannau gama a lunggil tak u leh a lungthim tak u a nang lam a hung ngat u a, a pileputeu gam lam leh na khawpi tel leh na min a Ho-In kisa lam nga a na kawma a paucham u chun,

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

SAM LEHKHABU THE PSALMS 119:2

A thu hetsak zuite chuh a hamphau ui, Lungthim chengcheng a amah hawlte chuh.

JEREMIA 7:23

Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

JEREMIA 11:4

Zie chuh na pileputeu Aigupta gama thik hâltuina mei apat a ka puih dawk ni a ka kamsuok ahi, ka thu zawp unla, ka thupiek chengcheng chuh zawp un, ti a ka thupiek chuh ahi. tichun ka mite hi’n na tin un, keile nang u dingin Pathien hi’ng ka.

JEREMIA 29:10

Chun, Lalpa’n hiti hin a ti ngâl a, ‘Babulon a dinga kum sawmsagih a tin tieng leh hun veh-tha kit ing ka ting, na kawmuh a ka thutiem phatak chuh muolsuoh ing ka ting, zie mun ngêi ahin hun puikit ing ka.

EZEKIEL 14:11

Tichun, Israel inkuonte chuh kei apat a a petmang tâk loh uh a, a bawhsietna teu cheng chenga a kisukbuok tâk lohna dingun, ka mite ahih zawk tak u a, a Pathien uh ka hih theihna dingin, Lalpa Pathien chun a tii, ti’n gen in,” a ti a.

EZEKIEL 16:62

Na kawma ka thuthun chuh sudet ing ka ting, khutichun Lalpa chuh ka hi tih hun he ta’n lau.

EZEKIEL 39:22

Zie ni akipat chuh Israel inkawte chun Kei hi Lalpa a Pathien uh ka hi tih he tau in tin,

EZEKIEL 11:17

Zieziekchun Lalpa chun hiti hih a tii: Nam dang haw lak apat chun hun puikit ing ka ting, na kithehzâk nau gam u apat chun hun puikhawm kit ing ka ting, Israel gam chuh hun pie’ng ka.

HOSEA 2:22

Chun, Lei in dâwng intin, tichun buhte, grepte leh thau te sepdawk in a.