6 A phatna dingun a chungu ah ka mit chuk sak ka ting, zie gam ahin puikit ing ka. Amau haw tung ding kit ing ka ting, bawt dawk puo’ng ka ting, phutdet ing ka ting, hihsie puo’ng ka.
‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.
Chun, Lalpa’n hiti hin a ti ngâl a, ‘Babulon a dinga kum sawmsagih a tin tieng leh hun veh-tha kit ing ka ting, na kawmuh a ka thutiem phatak chuh muolsuoh ing ka ting, zie mun ngêi ahin hun puikit ing ka.
Entie, tuni hin namte leh lalgam chung haw ah, bawt dawk ding leh phie ding leh susie ding leh paih tha ding leh siempha ding leh tung dawk ding leh phut ding a ka hun guot na hi,” a ti a.
Ngaitie, ka lungnatna leh ka lunghihlohna leh ka thangtawmna nasa taka amau haw ka nawhdawkna gam haw cheng apat in puikhawm ing ka ting, zie mun ahin hun puikit ing ka ting, bit takin um sak ta’ng ka.
Lalpa mit chuh mi diktatte chungah a chu a, A bil le a pauchamna lam u ah a dawh sek a, Amahvang chuh. Lalpa mel chuh thil sukhielte chungah a um sek hi, a ti ngâl a.
Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!
A mah lama lunggil diktak pute chunga a hatna latsak dingin khawvel chengcheng ah Lalpa’n a mit a tawl viel viel sek ahi. Ngawlhuoi taka thil a na hih na hi tai; tukhel chu galdo ding nei zing zing ta’n la,” a ti a.
Lalpa chun hiti hin a tii: Zie khawpi phatna ding hilo, a sie lam in ka kiheimangsan tai. Babulon leng khut a piek hi’n tin, amah chun mei in hâl ina.”
Himahleh, “Mâllam leh a delh zakna gam cheng apat Israel chate puidawkpa Lalpa a hin sung chuh,” tih hizaw ta’n a. A pileputeu kawma ka piek, amau haw gam ngêi achun puikit ding ka hi ngâl a.
Hun tung ding thak kit ing ka ting, tichun, tundin a um ding na hi. Aw Israel, nungak thiengtho khuong neu haw chun kivan kit in na tin lawp a lâmna mun haw achun tel inla!
Chun, hiti hi hi’n tin, amau haw bawt dawk a, susie a, paihmang a, hihmangthai a, sugimthei dinga ka chan bang khan, amau haw siempha ding leh, tung ding dingin en tha’ng ka.
Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”
Chun, ka mi Israel te chuh sal apat puidawk ka ting; khuo hawmsa chuh siempha kit un tin; luoh un tin, tichun, grep huon siem un tin, uain chuh dâwn un tin, huonte le siem un tin, a gah chuh ne ta’n au.
Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.
Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.